အိ … ဖျါလၢ နအ့ၣ်ထၢၣ်နဲးအသန့ထံးန့ၣ်အိၣ်လီၢ်လံၤဝဲလံ.
မ်ပကမၤသီထီၣ်နအ့ၣ်ထၢၣ်နဲးအသန့ထံး အဃိဒီး နစူးကါပှာ်ယဲၤသန့လၢအချ့ဒီးဘံၣ်ဘၢအဂီၢ်န့ၣ်တက့ၢ်.
UnitedHealthcare Community Plan - Indiana Hoosier Care Connect
Medicaid
Hoosier Care Connect မ့ၢ်ဝဲတၢ်တိာ်ကျဲၤတခါလၢ အမၤစၢၤကရၢဖိတဖၣ်လၢအမ့ၢ်ပှၤသးပှၢ်, မဲာ်ချံတထံၣ်တၢ်, မ့တမ့ၢ် ပှၤနီၢ်ခိက့ၢ်ဂီၤတလၢပှဲၤ, ဒ်န့ၣ်သိးဖိသၣ်ဖဲတၢ်ကွၢ်ထွဲဖိသၣ်အလီၢ်ဒီး ကီၢ်စဲၣ်တၢ်ကဟုကယာ်အလီၢ်န့ၣ်လီၤ.
တၢ်တိာ်ကျဲၤဝဲအံၤန့ၣ် ပှၤဒိးန့ၢ်အီၤသ့လၢ ထံကီၢ်လၢလာ်တဖၣ်အံၤန့ၣ်လီၤ -
Adams, Allen, Bartholomew, Benton, Blackford, Boone, Brown, Carroll, Cass, Clark, Clay, Clinton, Crawford, Daviess, DeKalb, Dearborn, Decatur, Delaware, Dubois, Elkhart, Fayette, Floyd, Fountain, Franklin, Fulton, Gibson, Grant, Greene, Hamilton, Hancock, Harrison, Hendricks, Henry, Howard, Huntington, Jackson, Jasper, Jay, Jefferson, Jennings, Johnson, Knox, Kosciusko, La Porte, Lagrange, Lake, Lawrence, Madison, Marion, Marshall, Martin, Miami, Monroe, Montgomery, Morgan, Newton, Noble, Ohio, Orange, Owen, Parke, Perry, Pike, Porter, Posey, Pulaski, Putnam, Randolph, Ripley, Rush, Scott, Shelby, Spencer, St. Joseph, Starke, Steuben, Sullivan, Switzerland, Tippecanoe, Tipton, Union, Vanderburgh, Vermillion, Vigo, Wabash, Warren, Warrick, Washington, Wayne, Wells, White, ဒီး Whitley.
- UnitedHealthcare Community Plan - Indiana Hoosier Care Connect
ကွၢ်ဃု ပှၤမၤစၢၤဖံးမၤတဖၣ် ဒီးတၢ်အုၣ်ကီၤစ့မၤစၢၤ လၢတၢ်တိာ်ကျဲၤအံၤအဂီၢ်တက့ၢ်.
ကွၢ်ဃု ကသံၣ်သရၣ်တဖၣ်, တၢ်ဆါဟံၣ်တဖၣ်, သးပလၢၢ်သ့ၣ်ညါဆူၣ်ချ့, ဒီးကသံၣ်သရၣ်ကူၣ်သ့စဲၣ်နီၤအဂၤတဖၣ်တက့ၢ်.
ကွၢ်ဃု တၢ်ဟ့ၣ်ကသံၣ်ကသီတဖၣ် ခီဖျိလၢတၢ်တိာ်ကျဲၤအံၤတက့ၢ်.
ကွၢ်ဃုကသံၣ်ကျးတဖျၢၣ်လၢအိၣ်ဘူးဒီးနၤတက့ၢ်.
ကွၢ်ဃုတၢ်ကူစါမဲာ်ချံလီၢ်ခၢၣ်သးတလီၢ်တက့ၢ်.
ကွၢ်ဃုမဲကသံၣ်သရၣ်တဂၤလၢအိၣ်ဘူးဒီးနၤတက့ၢ်.
တၢ်န့ၢ်အဘျုးတဖၣ် ဒီး အက့ၢ်အဂီၤတဖၣ်
တၢ်ကူစါယါဘျါလၢကျဲအဂၤ
တဘျီဘျီ ကျဲအဂ့ၤတဖၣ်အိၣ်၀ဲလၢ တၢ်ကမုာ်ဘၣ်သးဒိၣ်န့ၢ်အလီၢ် လၢတဘၣ်တၢ်အုၣ်ကီၤလုၢ်ဘၢသးခီဖျိနတၢ်န့ၢ်ဘျုး န့ၣ်လီၤႋ ပကက့ၤဟ့ၣ်လီၤကဒါက့ၤစ့ဃ့ထီၣ်တဖၣ်တုၤလၢ $200 လၢတနံၣ်စုာ်စုာ်အဂီၢ်န့ၣ်လီၤ. နကဘၣ်ဆှၢလီၤနလံာ်တူၢ်လိာ်စ့တဖၣ်အကွဲးဒိတဖၣ် လၢကနုာ်လီၤဘၣ်လၢတၢ်တိာ်ကျဲၤအံၤအဂီၢ်န့ၣ်လီၤႋ တၢ်အံၤပာ်ဃုာ်ဒီး ဘၣ်ဆၣ်တမ့ၢ်ထဲဒၣ်-
- ဘံၣ်တၣ်မံၣ်တဖၣ်ဒီးဟီၣ်လိာ်တၢ်အီၣ်ဂံၢ်စီတဖၣ်
- သ့ၣ်ဂံၢ်ဝၣ်စဲကသံၣ်ကသီတဖၣ်
- တၢ်စံၢ်နီၢ်ခိမိၢ်ပှၢ်လၢတၢ်ကူစါယါဘျါသးအဂီၢ်
- တၢ်ဆဲးထးယါဘျါတၢ်ဆါ
- သိလၢတၢ်လိၣ်ဘၣ်အီၤနီၢ်နီၢ်
တၢ်သါအံးဒီး COPD တၢ်ဆီၣ်ထွဲ
ပမၤစၢၤနၤသ့ ဒ်သိးနကပၢၤနတၢ်သါအံး မ့တမ့ၢ် COPD န့ၣ်လီၤ.
နမ့ၢ်လိၣ်ဘၣ်တၢ်မၤစၢၤ လၢတၢ်ဒိးန့ၢ်တၢ်တိစၢၤမၤစၢၤတဖၣ် မ့တမ့ၢ်တၢ်ဟ့ၣ်ဆှၢတဖၣ်လၢနလိၣ်ဘၣ်န့ၣ် ဆဲးကျိးတၢ်တိစၢၤမၤစၢၤတဖၣ် လၢကရူၢ်ဖိအဂီၢ်ပီၢ်ရီတက့ၢ်. ပမၤစၢၤနၤသ့လၢ -
- ကမၤန့ၢ်ဘၣ်တၢ်ဆီထွဲပီးလီ မ့တမ့ၢ် ကသံၣ်ကသီတဖၣ်
- သံၣ်နံၤဖးသီတၢ်ထံၣ်လိာ်သကိးဒီးကသံၣ်သရၣ်တက့ၢ်
- ဆဲးကျိးဒီးနပှၤရဲၣ်ကျဲၤတၢ်လၢနီၢ်တဂၤတၢ်ဆီၣ်ထွဲမၤစၢၤအဂီၢ်
တၢ်ဃုထၢကသံၣ်သရၣ်
နကအိၣ်ဒီးပှၤကွၢ်ထွဲဖံးမၤတၢ်မိၢ်ပှၢ် (PMP) တဂၤလၢ ကမ့ၢ်နကသံၣ်သရၣ်မိၢ်ပှၢ်န့ၣ်လီၤ. န PMP မ့ၢ်ပှၤလၢနထံၣ်လိာ်အီၤလၢနတၢ်ကွၢ်ထွဲအါတက့ၢ်အဂီၢ် န့ၣ်လီၤ. အဝဲန့ၣ်ပၣ်ဃုာ်ဒီး တၢ်သမံသမိးဆူၣ်ချ့တၢ်အိၣ်သးတဖၣ်, တၢ်ကူစါယါဘျါတဖၣ်, တၢ်ဆဲးကသံၣ်ဒီသဒၢတဖၣ်, တၢ်ဘၣ်ဒိဘၣ်ထံးဆံးကိာ်တဖၣ် ဒီးဆူၣ်ချ့တၢ်ဘၣ်ယိၣ်တဖၣ်န့ၣ်လီၤ. ကတိၤတၢ်ဒီး န PMP ဘၣ်ဃးဒီးတၢ်ဘၣ်ယိၣ်အဂၤတဖၣ်လၢ အိၣ်ဒီးနၤတက့ၢ်. န PCP န့ၣ်မၤစၢၤနၤသ့ ဒ်သိးနကဆၢတဲာ်တၢ်ဃုထၢတဖၣ် လၢအဘၣ်လၢနဂီၢ်န့ၣ်လီၤ.
န PMP န့ၣ် မ့ၢ်နကသံၣ်သရၣ်မိၢ်ပှၢ်လၢ -
- တၢ်ဒီသဒၢတၢ်ကွၢ်ထွဲ ဒ်သိးတၢ်သမံသမိးဆူၣ်ချ့တၢ်အိၣ်သးတဖၣ်, တၢ်ကွၢ်ဃုခဲစၢၣ်တၢ်ဆါတဖၣ် ဒီးတၢ်ဆဲးကသံၣ်ဒီသဒၢတဖၣ်န့ၣ်လီၤ
- တၢ်ကူစါယါဘျါ ဖဲနအိၣ်တဆူၣ် မ့တမ့ၢ်ဘၣ်ဒိဘၣ်ထံး
- တၢ်ဆှၢခီတဖၣ်ဆူ ကသံၣ်သရၣ်တီၤထီတဖၣ် လၢတၢ်အိၣ်သးတနီၤအဂီၢ်
သူ တၢ်ဃုကွၢ်ကသံၣ်သရၣ်ပီးလီ ဒ်သိးကထံၣ်သ့ၣ်ညါဘၣ်ဃး နကသံၣ်သရၣ်န့ၣ်အိၣ်ဝဲလၢပပှဲာ်ဘျးစဲအပူၤဧါန့ၣ်တက့ၢ်ႉ နမ့ၢ်တအိၣ်ဒီးကသံၣ်သရၣ်တဂၤ မ့တမ့ၢ်နကသံၣ်သရၣ်န့ၣ် မ့ၢ်တအိၣ်လၢပပှာ်ဘျးစဲအပူၤန့ၣ် ပမၤစၢၤနၤသ့ ဒ်သိးနကဃုထံၣ်ကသံၣ်သရၣ်တဂၤလၢအိၣ်ဘူးဒီးနၤန့ၣ်လီၤ. နဆီတလဲ န PMP သ့ကိးဆၢကတီၢ်ဒဲးန့ၣ်လီၤ.
ကရူၢ်ဖိတၢ်မၤဘၣ်ထွဲလီၢ်ခၢၣ်သး
နကအိၣ်ဒီး နီၢ်ကစၢ် ပှၤကတိၤခဲးစၢၤကရၢဖိ (MSA) တဂၤ လၢတၢ်ဟ့ၣ်လီၤမူဒါဒ်သိးကမၤစၢၤဘၣ်နၤ လၢတၢ်ကွၢ်ထွဲနတၢ်အိၣ်ဆူၣ်အိၣ်ချ့အတၢ်လဲၤကျဲ န့ၣ်လီၤ. နတၢ်နဲၣ်ကျဲအမၤစၢၤနၤသ့-
- တၢ်နၢ်ပၢၢ်ဝဲဒၣ် Hoosier Care Connect (တၢ်ဒုးဘျးစဲ Hoosier တၢ်ကွၢ်ထွဲ) တၢ်တိာ်ကျဲၤအဂ့ၢ်
- ကွၢ်ဃု ကသံၣ်သရၣ်, မဲကသံၣ်သရၣ်, မ့တမ့ၢ်မဲာ်ချံကသံၣ်သရၣ်တဂၤ
- တဲဖျါနတၢ်န့ၢ်အဘျုးတဖၣ်ဒီးတၢ်အုၣ်ကီၤစ့မၤစၢၤ
- ကတိၤတၢ်ဒီးနၤဘၣ်ဃးတၢ်ရဲၣ်တၢ်ကျဲၤလီၤဆီတဖၣ် လၢနဒိးန့ၢ်သ့
- ဆဲးကျိးနၤဒီးပှၤကွၢ်ထွဲပၢဆှၢရဲၣ်ကျဲၤတၢ်တဂၤ ဖဲလိၣ်ဘၣ်အခါ
- ကွၢ်ဃု တၢ်အိၣ်ယၢၤတဖၣ် လၢအိၣ်ဘူးဒီးနၤ ဒ်သိးကမၤစၢၤနၤလၢ တၢ်ဂ့ၢ်ကီအဂၤတဖၣ် ဒ်အမ့ၢ် တၢ်အီၣ်တၢ်အီ, တၢ်အိၣ်တၢ်ဆိးလီၢ်, တၢ်စိာ်ဝံတီဆှၢ, တၢ်ဖံးတၢ်မၤ, တၢ်အိၣ်ဘံၣ်အိၣ်ဘၢ မ့တမ့ၢ် တၢ်ဒိးန့ၢ်ဘၣ်တၢ်ကူၣ်ဘၣ်ကူၣ်သ့အဂီၢ်
- မၤစၢၤနမၤသီထီၣ်နနီၢ်တဂၤတၢ်ဆဲးကျိၤတၢ်ကစီၣ်ဂ့ၢ်ကျိၤ ဒ်သိးအိၣ်ဆိးလီၢ်, လီတဲစိနီၣ်ဂံၢ် မ့တမ့ၢ်အံမ့(လ)
- မၤလီၤတံၢ်လၢ ပသ့ၣ်ညါနသးလီဘၣ်တၢ်ဆဲးကျိးဒ်လဲၣ် (အံမ့(လ), လီတဲစိ, မ့တမ့ၢ်တၢ်ဆှၢလံာ်)တက့ၢ်
- ပဲာ်ဖးမၤဘၣ်က့ၤတၢ်ကီတၢ်ခဲတဖၣ်လၢဘၣ်ဃးဒီးပှၤမၤစၢၤဖံးမၤတဖၣ်, ပၣ်ဃုာ်ဒီးတၢ်ကွၢ်ထွဲလီၤဆီ ဒီးသးပလၢၢ်သ့ၣ်ညါဆူၣ်ချ့
- တၢ်မၤစၢၤလၢ တၢ်မၤကွၢ်တဖၣ် ဟဲခီဖျိတၢ်ဟ့ၣ်ခွဲးဆိပာ်စၢၤ, တၢ်ဟ့ၣ်အဘူးအလဲလၢတၢ်တိစၢၤမၤစၢၤတဖၣ်အဂီၢ်, တၢ်ကွၢ်ထွဲတၢ်ဆှၢ ဒီးဟံၣ်ဃီတၢ်အိၣ်မုာ်အိၣ်ပၢၤ
တၢ်ဆီၣ်ထွဲသွံၣ်ဆၢတၢ်ဆါ
နမ့ၢ်အိၣ်ဒီးသွံၣ်ဆၢတၢ်ဆါန့ၣ် ပကမၤစၢၤနၤ ဒ်သိးနတၢ်အိၣ်မူန့ၣ်ကညီဒိၣ်ထီၣ်တစဲးဖိလၢနဂီၢ်န့ၣ်လီၤ. နကဒိးန့ၢ်ကသံၣ်ကသီ, တၢ်ဆှၢဟ့ၣ်တဖၣ် ဒီးတၢ်ကူၣ်ဘၣ်ကူၣ်သ့လၢ ကမၤစၢၤနၤ ဒ်သိးနကအိၣ်မူအဂ့ၤကတၢၢ်အဂီၢ်န့ၣ်လီၤ. နဘၣ်တၢ်ဟ့ၣ်နၤခိၣ်ဖး လၢတၢ်ကနၢခးက့တဖၣ် လၢတၢ်လဲၤအဆီဖှံဖှံညီညီအဆီတဖၣ် ဒ်သိးကပၢဆှၢရဲၣ်ကျဲၤနသွံၣ်ဆၢတၢ်ဆါအဂီၢ်န့ၣ်လီၤ.
တၢ်လဲၤဒိးပၠးသးဆူ ဂ့ၢ်ဂီၢ်အူဒၢး
နမ့ၢ်အိၣ်ဒီးဂ့ၢ်ဂီၢ်အူတၢ်ဂ့ၢ်န့ၣ်, ကိး မ့တမ့ၢ် လဲၤဆူဂ့ၢ်ဂီၢ်အူဒၢးလၢ အဘူးကတၢၢ်တက့ၢ်. တၢ်အံၤမ့ၢ်တၢ်မၤစၢၤတၢ်မၤ လၢတၢ်အုၣ်ကီကျၢၢ်ဘၢၤလုၢ်ဘၢအီၤန့ၣ်လီၤ. နတလိၣ်ဘၣ် တၢ်အၢၣ်လီၤဟ့ၣ်ခွဲးနီတမံၤလၢ နကလဲၤဆူဂ့ၢ်ဂီၢ်အူဒၢးဘၣ်န့ၣ်လီၤ. ဖဲလၢနအိၣ်လၢဂ့ၢ်ဂီၢ်အူဒၢးအခါ နကဒိးန့ၢ်ဘၣ်တၢ်မၤစၢၤလၢနလိၣ်ဘၣ်ခဲလၢာ်န့ၣ်လီၤ. ကသံၣ်သရၣ်ဒီး နၢး(စ)ကွၢ်ပှၤဆါတဖၣ် ကဒုးသ့ၣ်ညါနၤဖဲနကိညၢ်ထီၣ် လၢကက့ၤလီၤဘၣ်သ့အခါန့ၣ်လီၤ.
တၢ်အံးထွဲကွၢ်ထွဲဖဲအိၣ်ဆူၣ်ထီၣ်က့ၤဝံၤလီၢ်ခံ မ့ၢ်စ့ၢ်ကီးတၢ်မၤစၢၤလၢတၢ်အုၣ်ကီၤကျၢၢ်ဘၢဟ့ၣ်န့ၢ်အပှ့ၤန့ၣ်လီၤ. တၢ်အံၤ မ့ၢ်တၢ်ကွၢ်ထွဲတမံၤလၢ်လၢ်လၢ နဒိးန့ၢ်အီၤဖဲဂ့ၢ်ဂီၢ်အူတၢ်ဂ့ၢ်ပူၤကွံာ်အခါန့ၣ်လီၤ. နမ့ၢ်လိၣ်ဘၣ်အါထီၣ် တၢ်မၤကွၢ် မ့တမ့ၢ် တၢ်မၤစၢၤတၢ်မၤ တမံၤမံၤအဃိ, ဂ့ၢ်ဂီၢ်အူဒၢး အပှၤဘၣ်မူဘၣ်ဒါကကိးလီတဲစိဆူ UnitedHealthcare လၢကဃ့တၢ်ပျဲဟ့ၣ်ခွဲးအဂီၢ်န့ၣ်လီၤ. တၢ်အံၤကဲထီၣ်သးထဲဒၣ်လၢ နတၢ်အိၣ်သးဘၣ်လိာ်ဘၣ်စးဝဲဒၣ်န့ၣ်လီၤ.
တၢ်ပီးတၢ်လီဒီးဆူၣ်ချ့တၢ်ဖိတၢ်လံၤတဖၣ်
နဆူၣ်ချ့ဒီးတၢ်ဘံၣ်တၢ်ဘၢလၢဟံၣ်န့ၣ် အကါဒိၣ်လီၤ.
ပတၢ်တိာ်ကျဲၤန့ၣ် အုၣ်ကီၤဝဲ တၢ်ကူစါယါဘျါတၢ်ပီးတၢ်လီတဖၣ် လၢနကသံၣ်သရၣ်ဃ့ထီၣ်န့ၣ်လီၤ. အဝဲန့ၣ်ပၣ်ဃုာ်ဒီးတၢ်ပီးတၢ်လီဒ်အံၤတဖၣ်လီၤ -
- တၢ်ဆါဟံၣ်လီၢ်မံတဖၣ်
- အီၣ်ကစံၣ်ကၠ့ၣ်အဒၢဒိး တၢ်ဆီထွဲပီးလီတဖၣ်
- ခီၣ်ကွီၢ်စၢၢ်ထး မ့တမ့ၢ်လီၢ်ဆ့ၣ်နီၤပၣ်တဖၣ်
တၢ်ကဲဝဲဒၣ်တၢ်မၤနီၢ်ခိတၢ်ဟူးတၢ်ဂဲၤအကရၢဖိ
ပ One Pass Fitness (တၢ်ဖျိထီၣ်တၢ်မၤနီၢ်ခိတၢ်ဟူးတၢ်ဂဲၤတခါ) အတၢ်တိာ်ကျဲၤမ့ၢ်ဝဲတၢ်ပာ်ပနီၣ်ကရၢဖိသးနံၣ် 18 နံၣ်ဒီးဆူဖီခိၣ်န့ၣ်လီၤ. နကျဲးစၢးဃုထၢအီၤတခါ မ့တမ့ၢ် ကျဲးစၢးမၤခဲလၢာ်သ့ဝဲန့ၣ်လီၤ. တၢ်ဟ့ၣ်လီၤနၤနီၣ်ဂံၢ်ခူသူၣ်တခါလၢနတၢ်နုာ်လီၤမၤန့ၢ်ကလီအဂီၢ်လၢ-
- တၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ်သကုၤကီၢ်စဲၣ်အပူၤ, ဒ်အမ့ၢ် YMCA ဒီးတၢ်မၤနီၢ်ခိတၢ်ဟူးတၢ်ဂဲၤတဘျီလၢ်လၢ်
- တၢ်တိာ်ကျဲၤတဖၣ်လၢအ့ထၢၣ်နဲးဖီခိၣ်ဒ်အမ့ၢ် Daily Burn (တၢ်မၤထီၣ်ကပၢၤကဝါတနံၤဘၣ်တနံၤ) ဒီး Yoga Works (ယိကၣ်တၢ်ဖံးတၢ်မၤတဖၣ်)
ပဆှၢန့ၢ်နၤတၢ်မၤနီၢ်ခိတၢ်ဟူးတၢ်ဂဲၤအစူၣ်ဖဲနဟံၣ်သ့စ့ၢ်ကီးန့ၣ်လီၤ. တၢ်အစူၣ်အံၤပၣ်ဃုာ်ဒီးတၢ်မၤနီၢ်ခိတၢ်ဟူးတၢ်ဂဲၤအပိးလီဒီးအတၢ်နဲၣ်ကျဲတဖၣ်ဒ်သိးနကဒိးန့ၢ်ဝဲဒၣ်တၢ်န့ၢ်ဘျုးအအါကတၢၢ်ဖဲနတၢ်ဟူးတၢ်ဂဲၤအဖီခိၣ်န့ၣ်လီၤ.
ကရူၢ်ဖိတဖၣ် နုာ်လီၤသကိးဘၣ်သ့ခီဖျိတၢ်နုာ်လီၤကွၢ်ဖဲ YourOnePass.com န့ၣ်လီၤႋ
တၢ်ကွၢ်ထွဲခီၣ်လၣ်
ပတၢ်ကူစါခီၣ်တၢ်အုၣ်ကီၤန့ၣ် ပၣ်ဃုာ်ဒီးတၢ်ကွၢ်ထွဲခီၣ်လၣ်ဘၣ်ဆၢဘၣ်ကတီၢ်န့ၣ်လီၤ.
နမ့ၢ်အိၣ်ဒီးသွံၣ်ဆၢတၢ်ဆါ မ့တမ့ၢ်သွံၣ်လဲၤကျိၤတၢ်အိၣ်သးတမံၤန့ၣ်, တၢ်ကွၢ်ထွဲခီၣ်လၣ်လၢအဂ့ၤန့ၣ် မၤစၢၤဒီသဒၢတၢ်ဂ့ၢ်ကီဆူၣ်ဆူၣ်နးနးတဖၣ်န့ၣ်လီၤ. ပဟ့ၣ်တၢ်စဲးကွၢ်လၢအလိၣ်ဘၣ်တဖၣ် ဒ်သိးကပာ်နခီၣ်လၣ်တဖၣ်လၢ အက့ၢ်အဂီၤတၢ်အိၣ်သးဂ့ၤဒိၣ်မးန့ၣ်လီၤ.
တၢ်လုၢ်ဒိၣ်ထီၣ်တၢ်ကွၢ်ထွဲတၢ်ဆီၣ်ထွဲ
တၢ်လုၢ်ဒိၣ်ထီၣ်တၢ်ကွၢ်ထွဲ မ့ၢ်ဝဲတၢ်တိစၢၤမၤစၢၤတစိာ်တလီၢ် လၢတၢ်ဟ့ၣ်အီၤလၢဖိသၣ်လၢ အိၣ်တသ့လၢၤဘၣ်လၢအဟံၣ်အဃီတဖၣ် လၢတၢ်ဘံၣ်တၢ်ဘၣ်တၢ်ကီတၢ်ခဲတဖၣ်အဃိန့ၣ်လီၤ. ပအိၣ်ဒီးတၢ်ရဲၣ်တၢ်ကျဲၤတဖၣ် လၢကမၤစၢၤဆီၣ်ထွဲပှၤအံးထွဲကွၢ်ထွဲတဖၣ် ဒီးဖိသၣ်တဖၣ်လၢတၢ်လုၢ်ဒိၣ်ထီၣ်တၢ်ကွၢ်ထွဲန့ၣ်လီၤ.
Health Watch (တၢ်ကွၢ်စုာ်တၢ်အိၣ်ဆူၣ်အိၣ်ချ့) မ့ၢ်တၢ်တိာ်ကျဲၤတမံၤလၢ အမၤလီၤတံၢ်စၢၤတၢ် လၢပှၤဖိသၣ်တဖၣ်အိၣ်လၢတၢ်ကွၢ်ထွဲလုၢ်ဒိၣ်ထီၣ်အလီၢ် ဒိးကွၢ်ဘၣ်သးဒီး အကသံၣ်သရၣ် လၢတၢ်ဒိးကွၢ်သးတၢ်ကူစါယါဘျါသး အကြၢးအဘၣ်ဒီးသးနံၣ်ကိးပတီၢ်ဒဲး န့ၣ်လီၤႋ
UnitedHealthcare’s On My Way (OMW) န့ၣ်မ့ၢ်တၢ်ပီးတၢ်လီလၢဘၣ်တၢ်တ့ထီၣ်အီၤဒ်သိး ကမၤစၢၤပှၤသးစၢ်နီၢ်ဒိၣ်တဖၣ် အတၢ်လဲလိာ်အကတီၢ်ဖဲ ဘၣ်တၢ်ကွၢ်ထွဲလုၢ်ဒိၣ်ထီၣ်အီၤဆူ တၢ်ဒိၣ်တုာ်ခိၣ်ပှဲၤဒီး တၢ်တဒိးသန့ၤထီၣ်အသးလၢပှၤနီတဂၤအကတီၢ်လီၤႉ တၢ်အပီးအလီအံၤန့ၣ် ပှၤဃုထံၣ်အီၤသ့လၢ ကရူၢ်ဖိဘံၣ်ဘၢပှာ်ယဲၤသန့ကျဲစၢၤန့ၣ်လီၤ.
OMW တၢ်ပီးတၢ်လီန့ၣ် ဆဲးကျိးသ့ တၢ်လုၢ်ဒိၣ်ထီၣ်သးစၢ်တဖၣ်လၢ အသးအနံၣ်အလါအိၣ်လၢ ကလဲၤခီတၢ် ဒီးတၢ်ကွၢ်ထွဲပှၤမၤတၢ်ဖိ ဒီးအိၣ်ဒီးတၢ်သိၣ်လိယူၣ်နံးတဖၣ် လၢအသိၣ်လၢတၢ်သ့လၢလာ်အံၤတဖၣ်န့ၣ်လီၤ -
- တၢ်ပၢဆှၢရဲၣ်ကျဲၤတိၢ်စ့
- တၢ်မၤဘံၣ်ဘၢတၢ်သူၣ်ထီၣ်ဟံၣ်
- တၢ်တ့ထီၣ်နီၢ်ကစၢ်အဂ့ၢ်ဖုၣ်ကိာ်တခါ
- တၢ်ကွၢ်ဃုတၢ်မၤတခါ
- တၢ်ပတံထီၣ်လၢခီလ့ၣ်ကၠိအဂီၢ်
- တၢ်တ့ထီၣ်နီၢ်ကစၢ်ဖီတၢၣ်
- တၢ်လီၢ်အံၤန့ၣ် ဟ့ၣ်ဝဲစ့ၢ်ကီးတၢ်စံၣ်ခီပတာ်လၢ သးစၢ်ဒ်သိးကထၢနုာ်ဘံၣ်ဘၢလံာ်တီလံာ်မီတဖၣ် ဒ်သိးအိၣ်ဖျဲၣ်လံာ်အုၣ်သးတဖၣ် ဒီးပှၤနီၣ်သိလ့ၣ်လံာ်အုၣ်သးတၢ်ဂ့ၢ်တၢ်ကျိၤ လၢအဝဲသ့ၣ်အတၢ်ဒိးန့ၢ်ညီ ဖဲတၢ်လဲၤခီလၢ တၢ်လုၢ်ဒိၣ်ထီၣ်တၢ်ကွၢ်ထွဲဆူပှၤဒိၣ်တုာ်ခိၣ်ပှဲၤကတီၢ်န့ၣ်လီၤ
ကိးကရူၢ်ဖိတၢ်တိစၢၤမၤစၢၤတဖၣ် ဒ်သိးကမၤလိအါထီၣ်ဘၣ်ဃးအဝဲန့ၣ်တဖၣ် ဒီးတၢ်လုၢ်ဒိၣ်ထီၣ်တၢ်ကွၢ်ထွဲတၢ်ဆီၣ်ထွဲတၢ်ရဲၣ်တၢ်ကျဲၤအဂၤတဖၣ်အဂီၢ်တက့ၢ်.
တၢ်ဟ့ၣ်ခိၣ်ဖးတၢ်တိာ်ကျဲၤလၢတလၢာ်ဘူးလဲ
မၤန့ၢ်ဘၣ်ခိၣ်ဖးဖဲနကွၢ်ထွဲလီၤနတၢ်အိၣ်ဆူၣ်ချ့ခါတက့ၢ်ႋ ခိၣ်ဖးဆီတလဲသးသ့န့ၣ်လီၤႋ ကိးလီတဲစိသံကွၢ်အါထီၣ်တၢ်ဂ့ၢ်တၢ်ကျိၤဆူ ကရၢဖိတၢ်မၤစၢၤ တက့ၢ်ႋ နဒိးန့ၢ်ဘၣ် ခးတၢ်ဟ့ၣ်တဘ့ၣ်လၢတၢ်ဖံးတၢ်မၤတဖၣ်အဂီၢ် ဒ်အမ့ၢ်-
- New to the health plan? Take your health needs screening. ($35 gift card earned once for all new members during their first 90 days of enrollment, all ages)
- Dental visit ($25 gift card rewarded once a year, all ages)
- Stop using tobacco ($25 gift card earned one time, let us know how you quit)
- Well visit or annual check-up ($25 gift card rewarded once a year, all ages)
- Get your child immunized! One dose of meningococcal, Tdap, and complete human papillomavirus vaccines. ($50 gift card rewarded one time to members who turn 13 years old during 2024)
- Attend follow-ups after an overnight hospital stay due to mental illness or self-harm (two gift cards available, $100 for 7-day follow-up and $50 for 30-day follow-up)
Healthy First Steps®
ဖဲနအိၣ်ဒီးဟုးသးအခါ နဒိးန့ၢ်ဘၣ်တၢ်မၤစၢၤဒီးတၢ်ဟ့ၣ်ကူၣ်ဟ့ၣ်ဖး လၢနဘူးတံၢ်ဒီးတံၤသကိးတဖၣ် န့ၣ်လီၤ. တကးဒံးဘၣ်တၢ်အိၣ်ဒီးဟုးသးတဘျီစုာ်စုာ်န့ၣ်လီၤဆီလိာ်သးန့ၣ်လီၤႋ တၢ်တိာ်ကျဲၤအံၤ ကဆီၣ်ထွဲမၤစၢၤဘၣ်နၤလၢနတၢ်အိၣ်ဒီးဟုးသး ဒီကတီၢ်ညါန့ၣ်လီၤႋ ကိးလီတဲစိဆူန ကရၢဖိအပှၤဟ့ၣ်ကူၣ်တၢ် လၢကစးထီၣ်တၢ်အဂီၢ်တက့ၢ်.
ပမၤစၢၤနၤသ့လၢ -
- ဃုကွၢ်ကသံၣ်သရၣ်တဂၤ လၢမိၢ်ဒီးဖိခံဂၤလိာ်အဂီၢ်
- မၤလိဘၣ်ဃး တၢ်အီၣ်န့ၢ်ဂံၢ်န့ၢ်ဘါ, တၢ်အိၣ်ဒီးဂံၢ်ဘါလၢပှဲၤဒီး တၢ်ပူၤဖျဲးလၢတၢ်ဘၣ်ယိၣ်အဂ့ၢ်
- ဒိးန့ၢ်ဘၣ်တၢ်ပီးလီတဖၣ်လၢအကမၤစၢၤနၤ ဒီးနဖိ ဒ်သိးကစးထီၣ်တၢ်လၢ ဆူၣ်ချ့အလၢပှဲၤအဂီၢ်
တၢ်ထဲသိးတုၤသိးတီၤထီကၠိ (HSE)
တၢ်အံၤ တစဲၤခံကဲာ်ဆိးလၢနကထီၣ်ဝံၤတီၤထီကၠိဘၣ်. ပမၤစၢၤနၤလၢနကဒိးန့ၢ်ဘၣ် နတီၤထီကၠိလံာ်အုၣ်သးအဂၤတမံၤ (HSE) န့ၣ်လီၤ. တၢ်တိာ်ကျဲၤအံၤတလၢာ်ဒီးဘူးလဲဘၣ်န့ၣ်လီၤႋ ကယဲၢ်ကရူၢ်ဖိလၢ အသးအိၣ် 16 မ့တမ့ၢ်ပှၢ်န့ၢ်အီၤန့ၣ် နုာ်လီၤပၣ်ဃုာ်သ့လၢ တၢ်ရဲၣ်တၢ်ကျဲၤအံၤသ့န့ၣ်လီၤ.
ဆဲးကျိးဘၣ် Member Services လၢကသ့ၣ်ညါအါထီၣ်တၢ်ဂ့ၢ်တၢ်ကျိၤအဂီၢ်တက့ၢ်.
တၢ်တိစၢၤမၤစၢၤတဖၣ်လၢ အခီၣ်ထံးခီၣ်ဘိအိၣ်လၢဟံၣ်
ဖဲတၢ်ကွဲးကါ မ့တမ့ၢ်တၢ်ဆါဆူၣ်နးဝံၤ - မ့တမ့ၢ်နမ့ၢ်အိၣ်ဒီးနီၢ်ခိက့ၢ်ဂီၤတလၢပှဲၤန့ၣ် - နကလိၣ်ဘၣ်တၢ်မၤစၢၤအဂၤတဖၣ် လၢတနံၤဘၣ်တနံၤတၢ်မၤအဂီၢ်န့ၣ်လီၤ. ခီဖျိတၢ်ဟ့ၣ်ခွဲး ဒီးတၢ်ဃ့ထီၣ်လၢနကသံၣ်သရၣ်အအိၣ်န့ၣ် ပတၢ်တိာ်ကျဲၤန့ၣ်အုၣ်ကီၤဝဲ -
- တၢ်ဆၢကတီၢ်ပနီၣ်အိၣ်ကူၣ်သ့တၢ်ကွၢ်ထွဲပှၤဆါတၢ်တိစၢၤမၤစၢၤတဖၣ်
- တၢ်ကူစါယါဘျါတီၤထီလီၤဆီတဖၣ်, ပၣ်ဃုာ်ဒီးနီၢ်ခိတၢ်ကူစါယါဘျါ, တၢ်ကတိၤ-ကျိာ်တၢ်ဆူးတၢ်ဆါပီညါ ဒီးတၢ်ကူစါယါဘျါလၢတၢ်မၤလီၢ်
- ဆူၣ်ချ့တၢ်ဆှၢဟ့ၣ်တဖၣ်
တၢ်တီၣ်ထီၣ်တၢ်ဆါဟံၣ်
တၢ်တိာ်ကျဲၤအံၤဟ့ၣ် တၢ်လၢာ်ဘူၣ်လၢာ်စ့ခဲလၢာ် လၢဘၣ်ထွဲဒီးတၢ်ထီၣ်တၢ်ဆါဟံၣ် လၢတၢ်န့ၣ်အဃိ နပာ်နသးထဲလၢ တၢ်အိၣ်ဘှံးဒီးတၢ်အိၣ်ဆူၣ်ထီၣ်က့ၤအဂီၢ် သ့န့ၣ်လီၤႋ
ပတၢ်တိာ်ကျဲၤန့ၣ်အုၣ်ကီၤဝဲလၢ -
- တၢ်ဆါဟံၣ်ပူၤပှၤဆါတၢ်ကွၢ်ထွဲ
- တၢ်ဆါဟံၣ်ချၢပှၤဆါတၢ်ကွၢ်ထွဲ
- တၢ်မၤကွၢ်ဒၢးတဖၣ်, ယဲၤဖျါ ဒီးတၢ်စဲးကွၢ်အဂၤတဖၣ်
ဒီးဖဲနဟးထီၣ်လၢတၢ်ဆါဟံၣ်ဝံၤအလီၢ်ခံန့ၣ် နတမ့ၢ်ထဲတဂၤဘၣ်. ပအိၣ်ဖဲအံၤ လၢကမၤစၢၤနၤဒ်သိး နကဒိးန့ၢ်တၢ်ပိာ်ထွဲတၢ်ကွၢ်ထွဲလၢလိၣ်ဘၣ်ခဲလၢာ် ဒ်သိးကအိၣ်မုာ်ထီၣ်ဆူမဲာ်ညါလၢဟံၣ်န့ၣ်လီၤ.
ပှၤတဂၤဘၣ်တဂၤလၢတၢ်လိၣ်လီၤဆီတဖၣ်
ပအိၣ်ဒီးတၢ်တိစၢၤမၤစၢၤတဖၣ် လၢအဆီၣ်ထွဲ ပှၤတဂၤဘၣ်တဂၤလၢတၢ်လိၣ်လီၤဆီတဖၣ်န့ၣ်လီၤ. ပအိၣ်ဖဲအံၤ လၢကမၤလီၤတံၢ်လၢနအိၣ်ဒီး -
- တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီ လၢကမ့ၢ်နနီၢ်တဂၤပှၤနဲၣ်ကျဲ ဒီးမၤစၢၤနၤလၢ နကနၢ်ပၢၢ် ဆူၣ်ချ့တၢ်ကွၢ်ထွဲတၢ်မၤကျဲအဂ့ၢ်န့ၣ်လီၤ
- တၢ်မၤစၢၤလၢနကဒိးန့ၢ်တၢ်တိစၢၤမၤစၢၤလၢနလိၣ်ခဲလၢာ်
- ဆီၣ်ထွဲလၢ ပှၤဂ့ၢ်ဝီတၢ်လိၣ်တဖၣ် ဒ်သိးတၢ်သူၣ်ထီၣ်ဟံၣ်, တၢ်မၤအခွဲးအယာ်တဖၣ် ဒီးဆူၣ်ချ့တၢ်အီၣ်
- မၤစၢၤလၢ နဒိးန့ၢ်တၢ်ဒိးလၢ တၢ်လဲၤတၢ်က့ၤဆူ ဆူၣ်ချ့တၢ်ကွၢ်ထွဲတၢ်သ့ၣ်ဆၢဖးကတီၢ်တၢ်ထံၣ်လိာ်သးတဖၣ်
- တၢ်ဖိတၢ်လံၤတဖၣ်လၢ အက့ၢ်အဂီၤလၢနလိၣ်ဘၣ်အပူၤ
ပဟ့ၣ်စ့ၢ်ကီး မဲတၢ်ကွၢ်ထွဲတီၤထီလီၤဆီလၢ ပကရူၢ်ဖိတဖၣ်လၢအိၣ်ဒီး ပှၤထိးဘၣ်ဒိအီၤကီတဖၣ်န့ၣ်လီၤ. ဝံသးစူၤဆဲးကျိး ကရူၢ်ဖိတၢ်တိစၢၤမၤစၢတဖၣ်ပီၢ်ရီ ဒ်သိးကမၤလိတၢ်အါထီၣ်အဂီၢ်တက့ၢ်.
အ့ထၢၣ်နဲးလၢအပှ့ၤစှၤ
နဃ့ထီၣ်ဝဲဒၣ်လၢတၢ်ကထုးလီၤစှၤတၢ်ပှ့ၤတဖၣ်-
- အ့ထၢၣ်နဲးအပှ့ၤတလါ $30
- ဟံၣ်ဒူၣ်ဃီထၢခွဲးယာ်ကြၢးထီၣ်ဘးလၢကလုာ်ဒူၣ်တၢ်လီၢ်တလါ$75
- တၢ်အပှ့ၤစှၤလီၤတဘျီဂီၢ်တုၤလၢ $100 လၢတၢ်ပှ့ၤလဲး(ပ)ထီးခီၣ်ဖၠူထၢၣ်, စီၢ်နီၤခိၣ်ခီၣ်ဖၠူထၢၣ် မ့တမ့ၢ် ထဲဘျဲး လၢကရၢပာ်ဃုာ်မၤသကိးတၢ်အအိၣ်
တၢ်စူးကါဘၣ်အ့ထၢၣ်နဲၣ်အဘျုးအိၣ်အါမံၤန့ၣ်လီၤႋ နမၤ တၢ်ကွၢ်ထွဲပှၤဆါခီဖျိအ့ၣ်ထၢၣ်နဲးကျိၤကျဲ, မၤလိမၤဒိးတၢ် ဒီးဆဲးကျၢလိာ်သးဒီးနဆူၣ်ချ့ဂ့ၢ်၀ီတၢ်ရဲၣ်တၢ်ကျဲၤ သ့န့ၣ်လီၤ. Hoosier Care Connect ကရၢဖိတဖၣ် အခွဲးအိၣ်လၢတၢ်တိာ်ကျဲၤအံၤအဂီၢ်န့ၣ်လီၤႋ
- လၢကနၢ်ပၢၢ်အါထီၣ်တၢ်တိာ်ကျဲၤအဂ့ၢ် စံၢ်လီၤဖဲအံၤတက့ၢ်ႋ
- လၢပတံထီၣ်အဂီၢ် စံၢ်လီၤဖဲအံၤ တက့ၢ်ႋ
ကလ့ၢ်တၢ်ဆါတၢ်ကွၢ်ထွဲ
ကလ့ၢ်တၢ်ဆါမ့ၢ် ဆူၣ်ချ့တၢ်အိၣ်သးလၢအဆူၣ်နးန့ၣ်လီၤ. ဖဲနကလ့ၢ်တမၤတၢ်လၢၤဘၣ်န့ၣ် တၢ်ကူစါယါဘျါဘၣ်ဆၢဘၣ်ကတီၢ်တဖၣ် လၢပှၤကိးအီၤလၢ တၢ်သ့စီကလ့ၢ် မ့တမ့ၢ်တၢ်ထၢနုာ်နီၢ်ခိယူာ်ပျဲၤခၢၣ်စးတဖၣ် လိၣ်ဝဲလၢကအိၣ်မူအဂီၢ်န့ၣ်လီၤ. တၢ်သ့စီမၤကဆှီန့ၣ် စူးကါဝဲစဲးတမံၤ လၢကသ့ဆီသွံၣ် ဒ်သိးကလ့ၢ်ဆူၣ်ချ့တဖၣ်မၤတၢ်န့ၣ်လီၤ.
ပတၢ်တိာ်ကျဲၤတဖၣ်န့ၣ်ပၣ်ဃုာ်ဒီး -
- တၢ်မၤကဆှီသွံၣ်.
- တၢ်ဟ့ၣ်ကသံၣ်ကသီတဖၣ်.
- ဆူၣ်ချ့တၢ်ကူၣ်သ့ဒီးတၢ်ဆီၣ်ထွဲ
- တၢ်ကူးကွဲးမၤပှဲၤက့ၤနီၢ်ခိယူာ်ပျဲၤဖဲအလိၣ်ဘၣ်
တၢ်မၤကွၢ်ဒၢးတဖၣ် ဒီးယဲၤဖျါ
တၢ်သ့ၣ်ညါတၢ်လၢကမၣ် ဒီးတၢ်ဃုထံၣ်အီၤဆိဆိန့ၣ် ဒုးကဲထီၣ်တၢ်ဆီတလဲခဲလၢာ်သ့န့ၣ်လီၤ. ပတၢ်တိာ်ကျဲၤန့ၣ်အုၣ်ကီၤဝဲလၢ -
- တၢ်မၤကွၢ်ဒၢးတဖၣ် ဒီးတၢ်စဲးကွၢ်
- တၢ်ဒိအဲးစရ့, တၢ်ဒိကွၢ်နီၢ်ကစၢ်ခီဖျိလီယဲၤဘ့ၣ်ဂီၤဖျါဒီး စဲးဒုးဖျါက့ၢ်ဂီၤအဂုၤအဂၤဖၣ်
ပကမၤစၢၤနၤ ဒ်သိးနကဒိးန့ၢ်တၢ်ကစီၣ်ဂ့ၢ်ကျိၤလၢလိၣ်ဘၣ် ဒ်သိးကမၤဂ့ၤထီၣ်နဆူၣ်ချ့ မ့တမ့ၢ် အိၣ်ဒီးနတၢ်အိၣ်မူအဂ့ၤကတၢၢ်န့ၣ်လီၤ.
ကျိာ်တၢ်မၤစၢၤ
လၢကမၤစၢၤဘၣ်နၤလၢနတၢ်အိၣ်ဆူၣ်အိၣ်ချ့တၢ်ဘၣ်ယိၣ်အဂ့ၤကတၢၢ်အဂီၢ် နၤဒီးနကသံၣ်သရၣ် အလီၢ်အိၣ်လၢကဘၣ်နၢ်ပၢၢ်လိာ်သးန့ၣ်လီၤႋ ပှၤတကတိၤ အဲကလံးကျိာ် ကျိာ်တဖၣ် တၢ်အံၤကမ့ၢ်တၢ်လၢအကီဒိၣ်သ့၀ဲန့ၣ်လီၤႋ ပသုးကျဲၤန့ၢ်နၤ ပှၤကတိၤကျိာ်ထံတၢ်တဂၤ ဒ်သိးကအိၣ်လၢ နတၢ်သ့ၣ်ဆၢဖးကတီၢ်ထံၣ်လိာ်သးတဖၣ်အဂီၢ်သ့န့ၣ်လီၤ. ပအဲၣ်ဒိးမၤစှၤလီၤကွံာ်ကျိာ်တၢ်ကီတၢ်ခဲလၢနၤဒီးနကသံၣ်သရၣ်အဘၢၣ်စၢၤန့ၣ်လီၤႋ
ပအိၣ်စ့ၢ်ကီးဒီး တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီ လၢကတိၤသ့အါန့ၢ်ကျိာ်တမံၤန့ၣ်လီၤ. ဘၣ်သ့ၣ်သ့ၣ် ပကအိၣ်ဒီးပှၤလၢအကတိၤနကျိၤန့ၣ်လီၤ. ပဆဲးကျိးနၤဒီးပပှၤကတိၤကျိးထံတၢ်တိစၢၤမၤစၢၤလၢ အကျၢၢ်ဘၢအါန့ၢ် 240 ကျိာ်သ့ဝဲဒၣ်န့ၣ်လီၤ.
တၢ်ကွၢ်ဃုသမံသမိးတၢ်ဆါဘၣ်ဃးစၢၢ်လၢဖိသၣ်တဖၣ်
တၢ်ဘၣ်စၢၢ်တၢ်စုၣ်တၢ်ပျၢ်န့ၣ်လီၤပျံၤလီၤဖုးန့ၣ်လီၤ. မ့ၢ်တဘၣ်တၢ်ကူစါယါဘျါအီၤလၢ ဖိသၣ်ဆံးတဖၣ်န့ၣ် အဝဲန့ၣ်ဒုးကဲထီၣ်တၢ်ဂ့ၢ်ကီယံာ်ထၢတဖၣ်သ့န့ၣ်လီၤ. စၢၢ်န့ၣ်ပှၤထံၣ်အီၤသ့လၢ -
- ကသံၣ်ဖှူ
- ဟီၣ်ခိၣ်ညၣ်
- ဖၣ်ကမူၣ်
- ကလံၤ
- တၢၢ်သပၢၤ
တၢ်စဲးကွၢ်သွံၣ်လီၤဆီန့ၣ် ဘၣ်တၢ်ဃ့ထီၣ်မၤလိာ်လၢ နကသံၣ်သရၣ်ဒ်သိးကခံကွၢ်စီကွၢ်တၢ်ဘၣ်စၢၢ်တၢ်စုၣ်တၢ်ပျၢ်န့ၣ်လီၤ. တၢ်စဲးကွၢ်အံၤန့ၣ် ပှၤညီနုာ်မၤအီၤလၢ အသးအိၣ် 6 လါ ဒီး 2 နံၣ်အဘၢၣ်စၢၤန့ၣ်လီၤ. နဖိမ့ၢ်တဘၣ်တၢ်စဲးကွၢ်ဒံးဘၣ်ဒီး ဘၣ်သ့ၣ်သ့ၣ်နကသံၣ်သရၣ်ကသးအိၣ်စဲးကွၢ်ထၢ် တုၤလၢအသးအိၣ် 6 နံၣ်န့ၣ်လီၤ. တၢ်မၤကွၢ်နဖိအစၢမ့ၢ်ဖျါလၢအိၣ်ဒီးစၢၢ်ထးန့ၣ် ဘၣ်သ့ၣ်သ့ၣ် အလီၢ်ကအိၣ်လၢဘၣ်မၤကွၢ်တၢ်ဆူဂၤန့ၣ်လီၤ. ဆဲးကျိးဘၣ် Member Services လၢကသ့ၣ်ညါအါထီၣ်တၢ်ဂ့ၢ်တၢ်ကျိၤအဂီၢ်တက့ၢ်. နကတိၤတၢ်သ့စ့ၢ်ကီးဒီး နဖိအကသံၣ်သရၣ် လၢအဝဲသ့ၣ်ဆူၣ်ချ့တၢ်ကွၢ်ပှၤဆါလၢခံတဘျီန့ၣ်လီၤ.
ကသံၣ်ကသီတဖၣ်
တၢ်ဒိးန့ၢ်ကသံၣ်လၢတၢ်မၤလိာ်အီၤတဖၣ်န့ၣ် တၢ်အကါဒိၣ်တမံၤလၢ ဆူၣ်ချ့တၢ်ကွၢ်ထွဲန့ၣ်လီၤ. နကသံၣ်သရၣ်မ့ၢ်မၤလိာ်ကသံၣ်တမံၤ လၢတၢ်ကွဲးရဲၣ်ဃာ်လၢ နတၢ်တိာ်ကျဲၤအကသံၣ်ကသီတဖၣ်လၢတၢ်အုၣ်ကီၤဃာ်စရီ (PDL) န့ၣ် အဝဲန့ၣ်ဘၣ်တၢ်အုၣ်ကီၤဃာ်အီၤလီၤ. နကသံၣ်န့ၣ် မ့ၢ်တအိၣ်လၢ PDL အပူၤန့ၣ် နပှၤမၤစၢၤဖံးမၤတၢ်န့ၣ် ဃ့ထီၣ် ကသံၣ်အဂၤတမံၤလၢနဂီၢ် လၢအဘၣ်တၢ်ကွဲးရဲၣ်ဃာ်လၢ PDL အပူၤသ့န့ၣ်လီၤ. ဘၣ်သ့ၣ်သ့ၣ် ပကဘၣ်ဟ့ၣ်အဘူးအလဲ လၢကသံၣ်ကသီအဂၤတဖၣ် လၢအဘၣ်တၢ်အၢၣ်လီၤတူၢ်လိာ်လၢအဆိန့ၣ်လီၤ.
နဟံးန့ၢ် တၢ်မၤလိာ်ကသံၣ်တဖၣ် ဘၣ်တၢ်မၤပှဲၤအီၤ လၢကယဲၢ်ကသံၣ်ကျးခဲလၢာ် လၢပပှာ်ဘျးစဲအပူၤန့ၣ်လီၤ. အဝဲသ့ၣ်အါမးန့ၣ် အိးထီၣ် တနံၤ 24 နၣ်ရံၣ်, တနွံ 7 သီန့ၣ်လီၤ. ကသံၣ်ကျးအမံၤတဖၣ်, စူးကါနပှၤမၤစၢၤဖံးမၤတၢ်လံာ်နဲၣ် မ့တမ့ၢ်ကွၢ်ဖဲ myuhc.com/CommunityPlan/MN တက့ၢ်.
နမ့ၢ်အိၣ်ဒီးတၢ်ဂ့ၢ်ကီတဖၣ်လၢ ကပှ့ၤန့ၢ်အီၣ်ကသံၣ်ကသီဒီး ကိးလီတဲစိဆူ တၢ်တိစၢၤမၤစၢၤလၢကရၢဖိတဖၣ်အဂီၢ်တက့ၢ်. နပှၤဆါကသံၣ်စ့ၢ်ကီးကိးဝဲဒၣ် ကသံၣ်ကျါးပှၤမၤစၢၤတၢ်သ့ဝဲန့ၣ်လီၤ. လီတဲစိနီၣ်ဂံၢ်အိၣ်ဖဲနကရၢဖိ ID ခးက့အချၢတပၤန့ၣ်လီၤႋ
90 မုၢ်နံၤကသံၣ်ကသီတၢ်န့ၢ်ဘျုး
ကရူၢ်ဖိတဖၣ်န့ၣ် မၤပှဲၤ အသီ - 90 တၢ်ဆှၢဟ့ၣ်လၢ တၢ်ဃုထၢတၢ်အံးထွဲကွၢ်ကီတၢ်ဟ့ၣ်ကသံၣ် လၢတၢ်ကစဲးကစီးတၢ်ဆါကျးန့ၣ်လီၤ. တၢ်ဃုထၢတၢ်အံးထွဲကွၢ်ကီတၢ်ဟ့ၣ်ကသံၣ်တဖၣ်န့ၣ် ညီနုာ်မ့ၢ်ဝဲ တၢ်ဟ့ၣ်ကသံၣ်တဖၣ်လၢ နအီဘၣ်ဆၢဘၣ်ကတီၢ် လၢတၢ်ဆါယံာ်ထၢ မ့တမ့ၢ်တၢ်အိၣ်သးယံာ်ထၢတဖၣ်အဂီၢ်န့ၣ်လီၤ.
ကသံၣ်အိၣ်ပာ်လၢ 90 သီအဂီၢ်အဃိ နတလိၣ်လၢကဒိးန့ၢ်တၢ်မၤပှဲၤကိးလါဒဲးဘၣ်. ကဃုထံၣ်တၢ်ဂ့ၢ်လီၤတံၢ်လီၤဆဲးအဂီၢ် ကတိၤတၢ်ဒီးနကသံၣ်သရၣ် မ့တမ့ၢ်ပှၤဖှီၣ်ကသံၣ်တက့ၢ်. လၢကသံၣ်ကသီစရီအလၢပှဲၤ လၢအပၣ်ဃုာ်လၢတၢ်န့ၢ်ဘျုးအံၤအပူၤအဂီၢ်, ဆဲးကျိးကရူၢ်ဖိတၢ်တိစၢၤမၤစၢၤတဖၣ်ဖဲ 1-800-832-4643, TTY 711 န့ၣ်တက့ၢ်.
Nurse Hotline (တၢ်ကွၢ်ထွဲပှၤဆါအဂ့ၢ်ဂီၢ်အူလီၤကျိၤ)
ကသံၣ်ကသီတၢ်သံကွၢ်တဖၣ် အိၣ်ထီၣ်ဝဲသ့တဘျီဂ့ၤတဘျီဂ့ၤန့ၣ်လီၤ. ဖဲနအိၣ်ဒီးတၢ်သံကွၢ်တဖၣ်ဘၣ်ဃးနဆူၣ်ချ့န့ၣ် နကိးသ့နၢး(စ)ပှၤထွဲပှၤဆါတဂၤ တနံၤ 24 နၣ်ရံၣ်, တနွံ 7 သီ - 1-866-801-4407, TTY 711.
ပနၢး(စ)ကွၢ်ထွဲပှၤဆါတဖၣ်န့ၣ် က -
- ပာ်သူၣ်ပာ်သးလၢနတၢ်ဆါက့ၢ်ပနီၣ်တဖၣ်
- မၤစၢၤတၢ်ဒီးနီၢ်ကစၢ်တၢ်ကွၢ်ထွဲ
- ဟ့ၣ်ကူၣ်နၤဘၣ်ဃး တၢ်ဒိးန့ၢ်တၢ်ကွၢ်ထွဲလၢကသံၣ်သရၣ်ကွၢ်ထွဲပှၤဆါ မ့တမ့ၢ်တၢ်ကွၢ်ထွဲချ့ချ့လီၢ်ခၢၣ်သး
- ဒုးသ့ၣ်ညါစၢၤနၤ တၢ်ဆၢကတီၢ်လၢ ကဘၣ်လဲၤဆူဂ့ၢ်ဂီၢ်အူဒၢး
လီတဲစိတၢ်တိစၢၤမၤစၢၤတဖၣ်
မ့ၢ်နလိၣ်ဘၣ်လီတဲစိဧါ. ပတၢ်ရဲၣ်တၢ်ကျဲၤဟ့ၣ်ထီၣ် တၢ်တဲသကိး, ဒိလံာ်, ဒီးတၢ်ဂ့ၢ်ထၢဖှိၣ် လၢတၢ်ပာ်ပနီၣ်တအိၣ်ဘၣ်လီၤ. လဲၤနုာ်လီၤကွၢ် www.mybenefitphone.com ဒီးပတံထီၣ်အီၤတနံၤအံၤတက့ၢ်.
မၤကတၢၢ်ကွံာ်တၢ်စူးကါညါသး မ့တမ့ၢ်တၢ်အီအံာ်လဲးထြီနံးမိာ်ပနံာ်တဖၣ်
တၢ်မၤကတၢၢ်န့ၣ်ကီခဲဝဲ ဘၣ်ဆၣ်ပမၤစၢၤသ့န့ၣ်လီၤ. ဖဲနမၤကတၢၢ်အီၤဝဲ 20 မံးနံးန့ၣ် နသးဖျၢၣ်စံၣ်အယီၣ်န့ၣ် လီၤတဲာ်ဆူညီနုာ်ပတီၢ်န့ၣ် နသ့ၣ်ညါဧါ. ဒီးလၢ 24 နၣ်ရံၣ်အတီၢ်ပူၤ ဖဲနမၤကတၢၢ်ကွံာ်န့ၣ် ကဘိၣ်မိၣ်နီးဆဲးပတီၢ် လၢနသွံၣ်ပူၤန့ၣ် လီၤတဲာ်ဆူညီနုာ်န့ၣ်လီး.
ကတိၤတၢ်ဒီးနကသံၣ်သရၣ် ဘၣ်ဃးဒီးတၢ်မၤကတၢၢ်န့ၣ်တက့ၢ်. နဒိဆှၢလံာ်ကစီၣ် READY ဆှၢဆူ 34191 သ့စ့ၢ်ကီးန့ၣ်လီၤႋ မ့တမ့ၢ် ကိး 1-800-QUIT-NOW (1-800-784-8669) လၢကဒိးန့ၢ်ဘၣ် တၢ်နဲၣ်လိကလီ, တၢ်မၤစၢၤ ဒီးတၢ်မၤန့ၢ်တၢ်လၢနလီၢ် လၢကဒုးဟးထီၣ် စၢၤကွံာ်နၤအဂီၢ်န့ၣ်တက့ၢ်. ဖဲ 2023 အကတီၢ်, ဒိးန့ၢ်ဘၣ် $25 တၢ်ဟ့ၣ်ကနၢၤခးက့ ဖဲနမၤပှဲၤ တၢ်ဆိကတီၢ်ကွံာ်တၢ်အီမိာ်အတၢ်ရဲၣ်တၢ်ကျဲၤတမံၤဂ့ၤဂ့ၤအခါန့ၣ်လီၤ.
တၢ်တိာ်ကျဲၤအတၢ်ဃုထၢအကြၢးအဘၣ်
တၢ်တိာ်ကျဲၤအတၢ်ဃုထၢအကြၢးအဘၣ် မ့ၢ်တၢ်တိာ်ကျဲၤတခါလၢ အကဆၢတဲာ်ဂ့ၤထီၣ်စၢၤနၤဆူၣ်ချ့တၢ်ကူစါယါဘျါအဂ့ၢ်န့ၣ်လီၤႋ
တၢ်မ့ၢ်ဃုထၢဘၣ်နၤလၢ တၢ်တိာ်ကျဲၤအတၢ်ဃုထၢအကြၢးအဘၣ် အဂီၢ်န့ၣ် နကမၤန့ၢ်ဘၣ် ဂံၢ်ခီၣ်ထံးကသံၣ်သရၣ် (PMP) တဂၤ ကသံၣ်ကျးတဖျၢၣ် ဒီးပှၤကွၢ်ထွဲတၢ်မူဒါခိၣ် တဂၤန့ၣ်လီၤႋ ပှၤကူၣ်သ့ကူၣ်ဘၣ်ကံၢ်စီလၢပှဲၤအကရူၢ်အံၤ ကမၤစၢၤနၤလၢတၢ်ဒိးန့ၢ်ဘၣ် ဆူၣ်ချ့မၤစၢၤအကြၢးအဘၣ် လၢဆၢကတီၢ်ဒီးတၢ်လီၢ်တၢ်ကျဲလၢအကြၢး၀ဲဘၣ်၀ဲ န့ၣ်လီၤႋ
ဝံသးစူၤဆဲးကျၢ ကရၢဖိတၢ်မၤစၢၤ လၢတၢ်ကစီၣ်ဂ့ၢ်ကျိၤအဂၤတဖၣ်အဂီၢ်တက့ၢ်.
Self Care by Able To
- Self Care. This free app gives you emotional health tools to help you feel better. သမံသမိးကွၢ်လီၤတံၢ် ကသံၣ်ကသီ တၢ်ဂဲၤလိတၢ်ကသါကလံၤ ဘံၢ်ဒံၢ်အိၣ်တဖၣ် တၢ်ဂ့ၢ်တၢ်ကျိၤလီၢ်ပတီၢ်တဖၣ် ဒီးအဂုၤဂၤန့ၣ်လီၤႋ နကန့ၢ်ဘၣ်တၢ်ဂ့ၢ်တၢ်ကျိၤလၢနီၢ်ကစၢ်ဂီၢ်န့ၣ်လီၤႋ ဒီး Self Care အဲး(ပ) န့ၣ် စူးကါသ့လၢကျဲအါဘိန့ၣ်လီၤႋ စူးကါအီၤတဘျီလၢ်လၢ်ဒီးတပူၤလၢ်လၢ်ဖဲနလိၣ်ဘၣ်အခါႋ
- တနံၤဂီၢ်စုာ်စုာ်တၢ်ကွၢ်ထံကွၢ်ဆးတၢ်သးဂဲၤႋ စံးဆၢတၢ်သံကွၢ်တဖၣ်လၢတနံၤစုာ်စုာ်လၢကမၤနီၣ်ပာ်နတၢ်သးဂဲၤလၢအခဲအံၤ ဃုကွၢ်တၢ်ကဲထီၣ်သးအဆၢကတီၢ် ဒီးသမံထံနတၢ်လဲၤထီၣ်လဲၤထီန့ၣ်လီၤႋ
- တၢ်ကွၢ်ထံဆိကမိၣ်တၢ်အပီးလီတဖၣ်ႋ ကွၢ်သမံသမိးဘၣ် တၢ်အိၣ်ဘှံးမၤဂၢၢ်သးအကျဲအဂ့ၤလီၤဆီတဖၣ် - ဒ်အမ့ၢ် တၢ်ကသါယိာ် ဒီး တၢ်ဆိကမိၣ်မှံတၢ်တမံၤမံၤလၢအဂ့ၤ - ဖဲနလိၣ်ဘၣ်အီၤအခါႋ
- တၢ်ထၢဖှိၣ်ပာ်ဖှိၣ်ႋ သူၣ်ထီၣ်တၢ်သ့တၢ်ဘၣ်လၢတၢ်ဂ့ၢ်တၢ်ကျိၤ ပီးလီတဖၣ် ဒီး တၢ်အိၣ်ယၢၤတဖၣ်လၢ တၢ်ဖံးတၢ်မၤလၢအကါဒိၣ်ကတၢၢ်လၢနဂီၢ်ႋ
- တၢ်ရဲၣ်တၢ်ကျဲၤလၢနီၢ်ကစၢ်ဂီၢ်ႋ လူၤကွၢ်စူၣ်နတၢ်လဲၤထီၣ်လဲၤထီ ပာ်လီၤတၢ်ပညိၣ်တဖၣ်ဒီးမၤတုၤထီၣ်ဘးအီၤလၢတနွံဂီၢ်စုာ်စုာ်ႋ
တၢ်ဆဲးကသံၣ်ဒီးကသံၣ်ဒီသဒၢတဖၣ်
တၢ်ဆဲးကသံၣ်ဘၣ်ဆၢဘၣ်ကတီၢ်တဖၣ်န့ၣ် မၤစၢၤဒီသဒၢနၤလၢတၢ်ဆူးတၢ်ဆါန့ၣ်လီၤ.
ပတၢ်တိာ်ကျဲၤန့ၣ်အုၣ်ကီၤဝဲလၢ -
- တၢ်ဆဲးကသံၣ်ဒီးကသံၣ်ဒီသဒၢတဖၣ်န့ၣ် ဘၣ်တၢ်ဟ့ၣ်ကူၣ်အီၤလၢ န PMP
- တိးကွ့တၢ်ဆါတၢ်ဆဲးကသံၣ်တဖၣ်
- COVID-19 ကသံၣ်ဆဲးဒီး ဘူးစထၢၣ်တဖၣ်
- ပသိၣ်တၢ်ဆါကသံၣ်ဆဲး
- ဖံးဘ့ၣ်ထီၣ်ဂီၤအဂီၢ် ကသံၣ်ဆဲး
တၢ်ကူစါယါဘျါတၢ်တိစၢၤမၤစၢၤတဖၣ်
နီၢ်ခိ,တၢ်မၤဒီးတၢ်ကတိၤတၢ်ကူစါယါဘျါန့ၣ် မၤစၢၤနၤသ့ ဒ်သိးနကအိၣ်မုာ်ထီၣ်က့ၤလၢ တၢ်ဘၣ်ဒိဘၣ်ထံး မ့တမ့ၢ်တၢ်ဆါဆူၣ်နး, မ့တမ့ၢ် နတုၤဆူတၢ်လၢနဒိးန့ၢ်သ့န့ၣ်လီၤ.
နကသံၣ်သရၣ်န့ၣ် ဃ့ထီၣ်မၤလိာ်တၢ်ကူစါယါဘျါလၢနဂီၢ် ဖဲလိၣ်ဘၣ်အခါန့ၣ်လီၤ. အဝဲန့ၣ်ပၣ်ဃုာ်ဒီး -
- တၢ်ကူစါယါဘျါလၢတၢ်မၤလီၢ်
- နီၢ်ခိတၢ်ကူစါယါဘျါ
- တၢ်ကတိၤတၢ်ကူစါယါဘျါ
- ဟံၣ်ပူၤတၢ်ကူစါယါဘျါ
တၢ်ဝံစိာ်တီဆှၢ
နမ့ၢ်လိၣ်ဘၣ်တၢ်ဒိးလ့ၣ်တမံၤန့ၣ် နတၢ်န့ၢ်ဘျုးတဖၣ်န့ၣ် ပၣ်ဃုာ်ဒီးတၢ်ဝံစိာ်တီဆှၢန့ၣ်လီၤ. ပအုၣ်ကီၤတၢ်လဲၤဆူ -
- တၢ်ကူစါယါဘျါအတၢ်သ့ၣ်နံၤဖးသီတဖၣ်
- တၢ်အီၣ်ဒၢး
- ကသံၣ်ကျး
- WIC တၢ်သ့ၣ်ဆၢဖးကတီၢ်ကွၢ်ပှၤဆါတဖၣ်
- Medicaid တၢ်ကြၢးဝဲဘၣ်ဝဲဒီးတၢ်ဃုထၢတၢ်သ့ၣ်ဆၢဖးကတီၢ်ကွၢ်ပှၤဆါတဖၣ်
တၢ်ပိာ်ထွဲတၢ်သိၣ်တၢ်သီယိယိဖိအံၤတဖၣ်န့ၣ် ကမၤစၢၤနၤ ဒ်သိးကဒိးန့ၢ်တၢ်ဒိးလ့ၣ်တမံၤ -
- ကိးပာ်ဆိလီတဲစိ 3+ သီ
- ကိး 1-800-832-4643, TTY 711 ဒ်သိးကသုးကျဲၤနတၢ်ဒိးလ့ၣ်
- မ့ၢ်နထုးသံကွံာ်နတၢ်လဲၤထံၣ်လိာ်သးဒီး, ဆဲးကျိး 1-800-832-4643 ဒ်သိးကထုးသံကွံာ်နတၢ်ဒိးအဂီၢ်န့ၣ်တက့ၢ်
- ကတီၤပာ်ဃာ်န Medicaid ID ခး
- တၢ်ဒိးလ့ၣ်တဖၣ်န့ၣ် မ့ၢ်ထဲဒၣ်လၢတၢ်ဂ့ၢ်တၢ်ကျိၤလၢပှၤဟ့ၣ်အခွဲးအဂီၢ်န့ၣ်လီၤ
- သ့ၣ်ညါနဆူၣ်ချ့တၢ်ကွၢ်ထွဲပှၤမၤစၢၤဖံးမၤတၢ်အိၣ်ဆိးလီၢ် ဒီးမုၢ်နံၤမုၢ်သီ ဒီးတၢ်ဆၢကတီၢ်လၢနတၢ်သ့ၣ်ဆၢဖးကတီၢ်အဂီၢ်တက့ၢ်
- မၤလီၤတံၢ်လၢ တၢ်လီၢ်လၢနလိၣ်ဘၣ်တၢ်ဆှၢနၤတက့ၢ်
- ဖဲနထံၣ်လိာ်သးဒီးကသံၣ်သရၣ်ဝံၤအလီၢ်ခံန့ၣ် ကိးလီတဲစိ လၢတၢ်က့ၤဆူဟံၣ်အဂီၢ်တက့ၢ်
- နကသံၣ်သရၣ်မ့ၢ်ဟ့ၣ်နၤ တၢ်မၤလိာ်ကသံၣ်ဒီး နအိၣ်ကတီၢ်လၢ ကသံၣ်ကျး ဒ်သိးကဒိးန့ၢ်အီၤအဂီၢ်န့ၣ်လီၤ
- နမ့ၢ်အိၣ်ဒီးတၢ်လိၣ်လီၤဆီတဖၣ်ဒ်သိး လီၢ်ဆ့ၣ်နီၤပၣ်န့ၣ် ဒုးသ့ၣ်ညါပှၤတက့ၢ်
- ကရူၢ်ဖိတဖၣ်လၢ အသးအိၣ် 16 နံၣ်အဖီလာ်န့ၣ် ကဘၣ်ဟဲသကိးဒီးမိၢ်ပၢ် မ့တမ့ၢ်ပှၤအံးထွဲကွၢ်ထွဲအီၤန့ၣ်လီၤ
- တၢ်ဝံစိာ်တီဆှၢန့ၣ် ဘၣ်သ့ၣ်သ့ၣ်ကဘၣ်တၢ်ပာ်ပနီၣ်ဃာ် လၢပှၤမၤစၢၤဖံးမၤတၢ်လၢအိၣ်ဘူးလၢနၤန့ၣ်လီၤ.
ဘၣ်သ့ၣ်သ့ၣ် နကကြၢးစ့ၢ်ကီးဒီးသိလ့ၣ်ပဒၢး မ့တမ့ၢ်တံၤသကိးတဖၣ်ဒီးဟံၣ်ဃီ တၢ်ဒ့ၣ်စၢၤမံးလာ်လဲၤတ့ၢ်တၢ်ဟ့ၣ်က့ၤစ့န့ၣ်လီၤ. ကိးလီတဲစိဆူန ကရၢဖိအပှၤဟ့ၣ်ကူၣ်တၢ် ဒ်သိးကရဲၣ်ကျဲၤ လီၤတၢ်တီၣ်ဆှၢထီၣ်ဆှၢလီၤ မ့တမ့ၢ် သံကွၢ်တၢ်ဘၣ်ဃး တၢ်ဒိးန့ၢ်တၢ်ဝံစိာ်တီဆှၢတၢ်တိစၢၤမၤစၢၤတဖၣ်အဂီၢ်တက့ၢ်.
တၢ်တိစၢၤမၤစၢၤအံၤန့ၣ် မ့ၢ်လၢတၢ်ဒိးလ့ၣ်တဖၣ်လၢ ဘၣ်တၢ်သုးကျဲၤဃာ်အီၤလၢအဆိတဖၣ်အဂီၢ်န့ၣ်လီၤ. နမ့ၢ်အိၣ်ဒီးဂ့ၢ်ဂီၢ်အူလၢအလီၤဘၣ်ယိၣ်လၢနသးသမူအဂီၢ်န့ၣ် ကိး 911 တက့ၢ်. သိလ့ၣ်တီပှၤဆါတဆိန့ၣ် တၢ်ကဟ့ၣ်လီၤနၤ ဖဲနလိၣ်ဘၣ်တၢ်ဆှၢနၤဆူ တၢ်ဆါဟံၣ်န့ၣ်လီၤ.
ဆူၣ်ချ့တၢ်ကွၢ်ထွဲပှၤဆါတဖၣ်.
ဆူၣ်ချ့တၢ်ကွၢ်ထွဲပှၤဆါတၢ်ထံၣ်လိာ်သးလၢနကသံၣ်သရၣ်န့ၣ် မၤစၢၤနၤသ့ဒ်သိးနကအိၣ်မူဆူၣ်ချ့အဂီၢ်န့ၣ်လီၤ. တၢ်ကွၢ်ထွဲပှၤဆါဒ်အံၤတဖၣ်န့ၣ် ဃုထံၣ်ဆူၣ်ချ့တၢ်ဂ့ၢ်ကီတဖၣ်ဆိဆိသ့ ဒီးကူစါယါဘျါအီၤသ့န့ၣ်လီၤ. နကြၢးထံၣ်န PMP ကိးနံၣ်ဒဲးလၢဆူၣ်ချ့တၢ်သမံသမိးအဂီၢ် ဖဲနအိၣ်တဆူၣ်တကဲထီၣ် မ့တမ့ၢ်နတၢ်ဆါပနီၣ်တဖၣ်န့ၣ် အိၣ်လၢတၢ်ပၢၤဃာ်အဖီလာ်ဒၣ်လဲၣ်န့ၣ်လီၤ. တၢ်ဒီသဒၢတၢ်တိစၢၤမၤစၢၤတဖၣ်န့ၣ် ပၣ်ဃုာ်ဒီး -
- တၢ်သမံသမိးဆူၣ်ချ့တၢ်အိၣ်သးတဖၣ် လၢပှၤဒိၣ်တုာ်ခိၣ်ပှဲၤဒီးဖိသၣ်တဖၣ်အဂီၢ်
- ဖိသၣ်ဆူၣ်ချ့တၢ်ကွၢ်ထွဲ
- တၢ်ကွၢ်ထွဲလၢမိၢ်လၢကအိၣ်ဖျဲၣ်ဖိတဖၣ်အဂီၢ်
- တၢ်ဆဲးကသံၣ်ဒီးတၢ်စဲးကွၢ်ဘၣ်ဆၢဘၣ်ကတီၢ်တဖၣ်
- တၢ်သမံသမိးခဲစၢၣ်တၢ်ဆါ
တၢ်ဒီသဒၢတၢ်ကွၢ်ထွဲအဂီၢ်န့ၣ် တၢ်ဟ့ၣ်သဃဲၤအဘူးအလဲတအိၣ်နီၤတမံၤဘၣ်.