လဲၤလဲၤပတာ်ဆူ တၢ်ဂ့ၢ်ခိၣ်တီမိၢ်ပှၢ်
တၢ်ဂ့ၢ်ခိၣ်တီမိၢ်ပှၢ်

MinnesotaCare

MNCare

UnitedHealthcare Community Plan Minnesota န့ၣ် ဟ့ၣ်ဝဲ MinnesotaCare လၢအတိစၢၤမၤစၢၤ ပှၤအသးအိၣ် [3 နံၣ်အဖီလာ်တဖၣ် - ပၣ်ဃုာ်ဒီး ပှၤတဂၤဘၣ်တဂၤလၢအစ့ဟဲနုာ်စှၤ (ပှၤလၢအတလၢကွံာ် ဟံၣ်ဃီဒီးဖိသၣ်ဆူၣ်ချ့တၢ်မၤစၢၤစ့ဟဲနုာ် တၢ်ပာ်ပနီၣ်) န့ၣ်လီၤ. နဃုထၢ နနီၢ်ကစၢ်ကသံၣ်သရၣ်သ့နဲလီၤ. ဒီးတၢ်အဘျဲၣ်အါမးလီၤ. 

  • MinnesotaCare ကျဲပတီၢ်တဖၣ်လၢတၢ်ဆဲးလီၤမံၤအဂီၢ်
  • သမံသမိး တၢ်ကြၢးဝဲဘၣ်ဝဲဒီးတၢ်ဃုထၢအဂ့ၢ် ( အိးထီၣ်မိဒဲ(လ)ဝ့ဒိ)

တၢ်န့ၢ်အဘျုးတဖၣ် ဒီး အက့ၢ်အဂီၤတဖၣ်

ဆူၣ်ချ့ဒီးအိၣ်တမုာ်တၢ်ကွၢ်ထွဲ

ဟံးန့ၢ်တၢ်မၤစၢၤလၢ နၤဒီးနဟံၣ်ဖိဃီဖိလိၣ်ဘၣ် ဒ်သိးကဆူၣ်ချ့အဂီၢ်, ကအိၣ်မုာ်ထီၣ် ဖဲနဘၣ်ဒိဘၣ်ထံးမ့တမ့ၢ်အိၣ်တမုာ် မ့တမ့ၢ် - ဒိးန့ၢ်တၢ်လၢနဒိးန့ၢ်သ့ယိယိဖိအဂီၢ်တက့ၢ်. အဝဲန့ၣ်ပၣ်ဃုာ်ဒီး -

  • တၢ်တီၣ်ထီၣ်ဆူတၢ်ဆါဟံၣ် . နတဟ့ၣ်ဘၣ်တၢ်နီတမံၤလၢ တၢ်ကွၢ်ထွဲလၢတၢ်ဆါဟံၣ်အဂီၢ်ဘၣ်.
  • တၢ်ကူစါယါဘျါတၢ်တိစၢၤမၤစၢၤတဖၣ် . တၢ်ထံၣ်လိာ်သးလၢကသံၣ်သရၣ်လၢတၢ်ကူစါယါဘျါအဂီၢ်န့ၣ် မၤစၢၤနၤဒ်သိးနကအိၣ်မုာ်ထီၣ်က့ၤအဂီၢ် မ့တမ့ၢ် ဒိးန့ၢ်တၢ်လၢနဒိးန့ၢ်သ့အဂီၢ်န့ၣ်လီၤ.
  • နၢး(စ)ကွၢ်ထွဲပှၤဆါလီတဲစိကျိၤ. ကတိၤတၢ်ဒီးနၢး(စ)ကွၢ်ထွဲပှၤဆါလၢ အဒိးန့ၢ်ဃာ်လံာ်အုၣ်သးတက့ၢ် 24/7.
  • ဆူၣ်ချ့တၢ်ကွၢ်ထွဲပှၤဆါတဖၣ်. တနံၣ်ဘၣ်တနံၣ် တၢ်သမံသမိးဆူၣ်ချ့တၢ်အိၣ်သးတဖၣ် ဒ်သိးကမၤစၢၤနၤဒီးနဟံၣ်ဖိဃီဖိပှဲၤဒီးဆူၣ်ချ့န့ၣ်လီၤ.
  • ဆူၣ်ချ့တၢ်ဃုသ့ၣ်ညါတၢ်ဆါတဖၣ် ဒီးတၢ်ဆဲးကသံၣ်ဒီသဒၢတဖၣ် . တၢ်စဲးကွၢ်ဘၣ်ဆၢဘၣ်ကတီၢ်တဖၣ် ဒီးတၢ်ဆဲးကသံၣ်တဖၣ် ဒ်သိးကဒီသဒၢစၢၤနၤလၢ တၢ်ဆူးတၢ်ဆါတဖၣ်.
  • တၢ်ကွၢ်ထွဲပှၤဆါလၢအ့ၣ်ထၢၣ်နဲးအလိၤတဖၣ် . ဆဲးကျိးဆူ ကသံၣ်သရၣ်အိၣ်အဖၢမုၢ် ခီဖျိလီတဲစိဖီၣ်စု မ့တမ့ၢ်ခီဖၠူထၢၣ် လၢတၢ်ကွၢ်ထွဲပှၤဆါတမ့ၢ်ဂ့ၢ်ဂီၢ်အူတဖၣ်အဂီၢ်တက့ၢ်.

သးပလၢၢ်သ့ၣ်ညါဆူၣ်ချ့ န့ၣ် ဘၣ်ဃးဒီးနသးပလၢၢ်ဘၣ်ဒ်လဲၣ် ဒီးဟူးဂဲၤဒ်လဲၣ်န့ၣ်လီၤ. အဝဲန့ၣ်ပှၤကိးအီၤစ့ၢ်ကီးလၢ နီၢ်သးဆူၣ်ချ့န့ၣ်လီၤ. နနီၢ်သးဆူၣ်ချ့န့ၣ်အကါဒိၣ်ရးမးလီၤ.UnitedHealthcare ပှၤတဝၢတၢ်တိာ်ကျဲၤလၢ Minnesota လၢဟံၣ်ဃီဒီးဖိသၣ်တဖၣ်အဖှိၣ်ခဲလၢာ်န့ၣ် ပၣ်ဃုာ်ဒီး နီၢ်သးဆူၣ်ချ့ ဒီးတၢ်စဲ (ကသံၣ်မူၤဘှိး) တၢ်တိစၢၤမၤစၢၤတဖၣ်န့ၣ်လီၤ. ဘၣ်တဘၣ် နကထံၣ်ပှာ်ဘျးစဲပူၤကသံၣ်သရၣ် လၢတအိၣ်ဒီးတၢ်ဆှၢခီလၢ ကကူစါယါဘျါတၢ်ဆါဟံၣ်ချၢပှၤဆါန့ၣ်လီၤ.

နမ့ၢ်တအိၣ်ဒီး တၢ်ဆှၢခီလၢ န PCP ဘၣ်ဆၣ် နဟံးန့ၢ်သ့သးပလၢၢ်သ့ၣ်ညါဆူၣ်ချ့ တၢ်တိစၢၤမၤစၢၤတဖၣ်သ့န့ၣ်လီၤ. တဘျီတခီၣ်န့ၣ် နကတိၤတၢ်ဒီး နပှၤကွၢ်ထွဲဖံးမၤတၢ်မိၢ်ပှၢ် (PCP) သ့ ဘၣ်ဃးကယဲၢ်သးပလၢၢ်သ့ၣ်ညါဆူၣ်ချ့ တၢ်ကီတၢ်ခဲတဖၣ် လၢအိၣ်ဒီးနၤန့ၣ်လီၤ. လၢကျဲအံၤန့ၣ် န PCP မၤစၢၤသ့ ဒ်သိးကဆှၢခီနၤဆူ သးပလၢၢ်သ့ၣ်ညါဆူၣ်ချ့ ပှၤဖံးမၤဆီၣ်ထွဲတၢ်တဂၤ ခီဖျိပှၤတဝၢ တၢ်တိာ်ကျဲၤန့ၣ်လီၤ. နမ့ၢ်သးအိၣ်ကွၢ်ဃု သးပလၢၢ်သ့ၣ်ညါဆူၣ်ချ့ ပှၤမၤစၢၤဖံးမၤတၢ်တဂၤ လၢနတၢ်ကစၢ်န့ၣ် နကွၢ်ဃုအီၤလၢအဆၢကတီၢ်မနုၤဂ့ၤမနုၤဂ့ၤ ဒီးမၤတၢ်သ့ၣ်ဆၢဖးကတီၢ်သ့န့ၣ်လီၤ. နကိးသ့စ့ၢ်ကီးတၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီ လၢ 1-888-269-5410 TYY 711 လၢတၢ်မၤစၢၤအဂီၢ်န့ၣ်လီၤ.

ပအုၣ်ကီၤတၢ်လၢ -

သးပလၢၢ်သ့ၣ်ညါဆူၣ်ချ့ တၢ်တိစၢၤမၤစၢၤတဖၣ် 

  • နီၢ်တဂၤ, ပှၤအဖု ဒီးဟံၣ်ဃီတၢ်ကူစါယါဘျါ 
  • တၢ်ဆါဟံၣ်ချၢပှၤဆါသးပလၢၢ်သ့ၣ်ညါဆူၣ်ချ့ တၢ်တိစၢၤမၤစၢၤတဖၣ် 
  • တၢ်ဆါဟံၣ်ပူၤပှၤဆါသးပလၢၢ်သ့ၣ်ညါဆူၣ်ချ့ တၢ်တိစၢၤမၤစၢၤတဖၣ် 
  • တီၤထီလီၤဆီသးပလၢၢ်သ့ၣ်ညါဆူၣ်ချ့တၢ်တိစၢၤမၤစၢၤတဖၣ် ဖိသၣ်လၢအိၣ်ဒီးအီၣ်တ့ာ်စၢ်တၢ်ဆါတဖၣ်အဂီၢ်

တၢ်သူကသံၣ်မူၤဘှိးတၢ်ဆူးတၢ်ဆါတၢ်တိစၢၤမၤစၢၤတဖၣ် 

  • တၢ်ဆါဟံၣ်ချၢအိဖံၣ်ဝးတၢ်ကူစါယါဘျါ 
  • တၢ်ကူစါယါဘျါခီဖျိတၢ်ပာ်လၢတၢ်ဆါဟံၣ်
  • တၢ်ဂ့ၢ်ပညိၣ်ဃာ်တၢ်ပၢဆှၢရဲၣ်ကျဲၤ

ဆူၣ်ချ့တၢ်အိၣ်ယၢၤအဂုၤအဂၤတဖၣ်န့ၣ် ဘၣ်တၢ်ထံၣ်န့ၢ်အီၤသ့ဖဲ liveandworkwell.com လီၤႉ  ကွၢ်ဃုတၢ်အဃၢထဲသိးသိး, တၢ်ဆီၣ်ထွဲ, ဒီးတၢ်ကွၢ်ထွဲလၢနလိၣ်ဘၣ် ဒ်သိးကအိၣ်မူပှဲၤဒီးဆူၣ်ချ့အဂ့ၤကတၢၢ်ဖဲအသ့တက့ၢ်.

နမ့ၢ်နာ်လၢ နလိၣ်ဘၣ်တၢ်ဒိးန့ၢ်ဆဲးကျိးသ့ဆူ သးပလၢၢ်သ့ၣ်ညါဆူၣ်ချ့ တၢ်တိစၢၤမၤစၢၤတဖၣ်န့ၣ် ကတိၤတၢ်ဒီးန PCP မ့တမ့ၢ်ကိးကရူၢ်ဖိ တၢ်တိစၢၤမၤစၢၤတဖၣ်ပီၢ်ရီတက့ၢ်. 

ကွၢ်ဃုသးပလၢၢ်သ့ၣ်ညါဆူၣ်ချ့ ကသံၣ်သရၣ်ကူၣ်သ့စဲၣ်နီၤ တက့ၢ်. 

ယမ့ၢ်အိၣ်ဒီးသးပလၢၢ်သ့ၣ်ညါဆူၣ်ချ့တၢ်ဆါနးန့ၣ် ယကဘၣ်မၤဒ်လဲၣ်.
ထီဘိနဘၣ်တၢ်အုၣ်ကီၤဃာ်နၤလၢ သးပလၢၢ်သ့ၣ်ညါဆူၣ်ချ့, နီၢ်သးဆူၣ်ချ့, ကသံၣ်ကသီ မ့တမ့ၢ်တၢ်စူးကါသံးဂ့ၢ်ဂီၢ်အူန့ၣ်လီၤ. ဂ့ၢ်ဂီၢ်အူတမံၤအခီပညီန့ၣ် သးပလၢၢ်သ့ၣ်ညါဆူၣ်ချ့တၢ်အိၣ်သးတမံၤ လၢအဟဲအိၣ်ထီၣ်သတူၢ်ကလာ်, လီၤပျံၤလၢသးသမူအဂီၢ်, ဆါမး မ့တမ့ၢ် တၢ်ဆါပနီၣ်ဆူၣ်အဂၤတဖၣ် လၢအိၣ်ခိးတသ့လၢကဘၣ်တၢ်ကူစါယါဘျါအဂီၢ်န့ၣ်လီၤ.

ဂ့ၢ်ဂီၢ်အူ တၢ်တိစၢၤမၤစၢၤတဖၣ်န့ၣ် ဘၣ်တၢ်အုၣ်ကီၤအီၤ တပူၤလၢ်လၢ်လၢ United States အပူၤန့ၣ်လီၤ. နမ့ၢ်ဆိမိၣ်လၢနအိၣ်ဒီးဂ့ၢ်ဂီၢ်အူတမံၤလၢအလီၤပျံၤလၢသးသမူအဂီၢ်န့ၣ် ကိး 911 မ့တမ့ၢ်လဲၤဆူအဘူးကတၢၢ်တၢ်ဆါဟံၣ်အလီၢ် ဖဲဂ့ၢ်ဂီၢ်အူ ပှၤမၤစၢၤဖံးမၤတဖၣ်မၤစၢၤနၤသ့န့ၣ်တက့ၢ်.

မ့ၢ်န့ၢ်တဘျီဃီန့ၣ် ကိးပှၤ ဒ်သိးကသုးကျဲၤ တၢ်ကွၢ်ပိာ်ထွဲ သးပလၢၢ်သ့ၣ်ညါဆူၣ်ချ့တၢ်ကွၢ်ထွဲ ဖဲဂ့ၢ်ဂီၢ်အူတမံၤဝံၤအလီၢ်ခံန့ၣ်တက့ၢ်.

သးပလၢၢ်သ့ၣ်ညါဆူၣ်ချ့တၢ်ဆါနးတမံၤန့ၣ် မ့ၢ်တၢ်ဆၢကတီၢ်တစိာ်ဖိ ဖဲပှၤတဂၤအသးပလၢၢ်သ့ၣ်ညါန့ၣ် မၤဘၣ်ဒိဘၣ်ထံးအနီၢ်ကစၢ်မ့တမ့ၢ်ပှၤအဂၤ လီၤလီၤဆီဆီဖဲ အဝဲသ့ၣ်တဒိးန့ၢ်တၢ်မၤစၢၤ ဒ်သိး -

  • မၤပျံၤမၤဖုး မ့တမ့ၢ်ကတိၤတၢ် လၢကမၤဘၣ်ဒိဘၣ်ထံးအဝဲသ့ၣ်အနီၢ်ကစၢ်
  • သးပလၢၢ်ဘၣ်လၢတၢ်မုၢ်လၢ်တအိၣ်
  • သးပလၢၢ်ဘၣ်တၢ်သးဖျိး မ့တမ့ၢ်တၢ်သးထီၣ်လၢပၢၤတသ့
  • သးပလၢၢ်ဘၣ်လၢ ဘၣ်ဒီးထု ဒ်သိးကျဲဟးထီၣ်တအိၣ်
  • အိၣ်ဒီးတၢ်ဟူးတၢ်ဂဲၤလၢတၢ်ပလီၢ်သူၣ်ပလီၢ်သးတအိၣ်
  • သးပလၢၢ်ဘၣ်လၢသူၣ်ကိၢ်သးဂီၤ, ဘၣ်တၢ်မၤဟူးမၤဝး မ့တမ့ၢ်မံတန့ၢ်
  • အီအါထီၣ်သံးမ့တမ့ၢ်ကသံၣ်မူၤဘှိး
  • ဟးထီၣ်ဆူ တံၤသကိးတဖၣ်ဒီးဟံၣ်ဃီအယံၤ
  • ကွၢ်ဆၢၣ်မဲာ်ဘၣ်သူၣ်သးဆီတလဲ လၢအလီၤသူၣ်ပိာ်သးဝး
  • တအိၣ်ဒီးတၢ်ဂ့ၢ်တၢ်ကျိၤလၢကအိၣ်မူအဂီၢ်

တၢ်ဆါနးတၢ်တိစၢၤမၤစၢၤတဖၣ်:
နမ့ၢ်ဆိမိၣ်လၢနအိၣ်ဒီးဂ့ၢ်ဂီၢ်အူတမံၤန့ၣ်, နအိၣ်ဖဲလဲၣ်ဖဲလဲၣ်မ့ၢ်ဂ့ၤ ကိး 911 မ့တမ့ၢ်လဲၤဆူအဘူးကတၢၢ်တၢ်ဆါဟံၣ်တၢ်လီၢ် ဖဲဂ့ၢ်ဂီၢ်အူ ပှၤမၤစၢၤဖံးမၤတဖၣ်မၤစၢၤနၤသ့န့ၣ်တက့ၢ်. မ့ၢ်န့ၢ်တဘျီဃီန့ၣ် ကိးနကသံၣ်သရၣ် မ့တမ့ၢ်သးပလၢၢ်သ့ၣ်ညါဆူၣ်ချ့ပှၤမၤစၢၤဖံးမၤတၢ် ဒ်သိးကသုးကျဲၤ တၢ်ကွၢ်ပိာ်ထွဲ သးပလၢၢ်သ့ၣ်ညါဆူၣ်ချ့တၢ်ကွၢ်ထွဲ ဖဲဂ့ၢ်ဂီၢ်အူတမံၤဝံၤအလီၢ်ခံန့ၣ်တက့ၢ်.

နမ့ၢ်လိၣ်လၢကကတိၤတၢ်ဒီးပှၤတဂၤဂၤန့ၣ် ပအိၣ်လၢနဂီၢ်န့ၣ်လီၤ. နမ့ၢ်တဆိကမိၣ်လၢ အဆၢကတီၢ်ဘၣ်လၢကကိး 911 ဘၣ်ဆၣ်လိၣ်ဘၣ်တၢ်မၤစၢၤတဘျီဃီန့ၣ် နကိးသ့ပသးပလၢၢ်သ့ၣ်ညါဆူၣ်ချ့ တၢ်ဆါနးကလီတဲစိကျိၤလၢ 24/7 at 1-888-269-5410 န့ၣ်လီၤ.

ဖဲအံၤန့ၣ်အိၣ်ဒီးသးပလၢၢ်သ့ၣ်ညါဆူၣ်ချ့ တၢ်တိစၢၤမၤစၢၤတဖၣ် ဒီးတၢ်နုာ်လီၤမၤတၢ်လၢတၢ်ဆါနးအပူၤတၢ်ဆဲးကျိးတဖၣ် လၢတၢ်ထၢနုာ်အါထီၣ်န့ၣ်လီၤ. -

သးစၢ်တၢ်ဘျးစဲ − 1-866-833-6546
လၢအ့ၣ်ထၢၣ်နဲးအလိၤ − http://www.866teenlink.org

တၢ်ဒီသဒၢ တၢ်မၤသံလီၤသး − 1-800-273-8255
ပှၤစူးကါ TTY တဖၣ် - 1-800-799-4TTY (4889)
လၢအ့ၣ်ထၢၣ်နဲးအလိၤ − http://www.suicidepreventionlifeline.org

ဆူၣ်ချ့တၢ်အိၣ်ယၢၤထၢနုာ်အါထီၣ်တဖၣ်န့ၣ် ပှၤဃုထံၣ်အီၤသ့  ဖဲအံၤ န့ၣ်လီၤ.ကွၢ်ဃုတၢ်အဃၢထဲသိးသိး, တၢ်ဆီၣ်ထွဲ, ဒီးတၢ်ကွၢ်ထွဲလၢနလိၣ်ဘၣ် ဒ်သိးကအိၣ်မူပှဲၤဒီးဆူၣ်ချ့အဂ့ၤကတၢၢ်ဖဲအသ့တက့ၢ်.

တၢ်နီတမံၤန့ၣ်အကါဒိၣ်န့ၢ် နၤဒီးနဖိအဆူၣ်ချ့ဒီးတၢ်အိၣ်မုာ်ဆိးပၢၤဘၣ်. တၢ်ဝဲန့ၣ်အဃိတၢ်တိာ်ကျဲၤတၢ်န့ၢ်အဘျုးတဖၣ်န့ၣ် ပၣ်ဃုာ်ဒီး -

  • တချုးတၢ်အိၣ်ဖျဲၣ်ဖိတၢ်ကွၢ်ထွဲ တၢ်ကွၢ်ထွဲလၢနဂီၢ် တချုးလၢနဖိအိၣ်ဖျဲၣ်.
  • တၢ်ဃုထၢကသံၣ်သရၣ်. ကွၢ်ဃုကသံၣ်သရၣ်တဂၤ မ့တမ့ၢ် OB/GYN လၢနနာ်လၢပပှာ်ဘျးစဲအပူၤတက့ၢ်.
  • Healthy First Steps®. တၢ်ဆီၣ်ထွဲထၢနုာ်အါထီၣ်တဖၣ် ဒ်သိးကမၤစၢၤနၤဒီးနဖိ လၢကအိၣ်ပှဲၤဒီးဆူၣ်ချ့အဂီၢ် ခီဖျိတၢ်ဟ့ၣ်ကနၢတၢ်ခွဲးတၢ်ယာ်ထၢနုာ်အါထီၣ်တဖၣ်
  • တၢ်ကွၢ်ထွဲတၢ်ပၢဆှၢရဲၣ်ကျဲၤတၢ်တိစၢၤမၤစၢၤတဖၣ်. တၢ်ဒၢထီၣ်ဖိလၢအလီၤဘၣ်ယိၣ်ဖးဒိၣ် လၢတၢ်ဒၢထီၣ်ဖိကတီၢ် ဒီးခံလါဖဲတၢ်အိၣ်ဖျဲၣ်ဖိဝံၤလီၢ်ခံ
  • တၢ်အိၣ်ဖျဲၣ်ဖိဝံၤတၢ်ကွၢ်ထွဲပှၤဆါ တၢ်ကွၢ်ထွဲလၢနဂီၢ် ဖဲနအိၣ်ဖျဲၣ်နဖိဝံၤလီၢ်ခံ

ဂ့ၢ်ဂီၢ်အူ-တမ့ၢ်ဆူၣ်ချ့တၢ်စိာ်ဆှၢတဖၣ်န့ၣ် (NEMT) အံၤအိၣ်ဝဲဒၣ်လၢ MinnesotaCare ကရၢဖိတဖၣ်လၢ 19 ဖီလာ် မ့တမ့ၢ် မိၢ်ဒၢတဖၣ်အဂီၢ်န့ၣ်လီၤ. 

နမ့ၢ်အိၣ်ဒီးဂ့ၢ်ဂီၢ်တမံၤမံၤဒီး, ကိးလီတဲစိ 911 တက့ၢ်.

တၢ်စိာ်ဆှၢတၢ်န့ၣ်အိၣ်ဝဲဒၣ်လၢ တၢ်သ့ၣ်တၢ်ထံၣ်လိာ်သးတဖၣ်-

  • တၢ်အိၣ်ဆူၣ်အိၣ်ချ့
  • နီၢ်သးဆူၣ်ချ့
  • မဲဆူၣ်ချ့
  • ကသံၣ်ကျး
  • တၢ်ထံၣ်
  • ဆူၣ်ချ့တၢ်အပီးအလီတဖၣ်လၢပှၤသူအီၤယံာ်ယံာ်သ့

တၢ်စိာ်ဆှၢတၢ်န့ၣ်အိၣ်စ့ၢ်ကီးဝဲဒၣ်လၢ ဂ့ၢ်ဂီတၢ်ဖံးတၢ်မၤတဖၣ်အလီၢ်အကျဲ-

  • ကရူၢ်ဆီၣ်ထွဲမၤစၢၤတၢ်ဒ်အမ့ၢ် AA/NA
  • ဆူၣ်ချ့ဝဲၤကျိၤ
  • ကီၢ်စဲၣ်/ကီၢ်ရ့ၣ် အ၀ဲၤဒၢးတဖၣ်
  • ပိာ်ခွါဖိတဖၣ် & ပိာ်မုၣ်တဖၣ် အကရူၢ် (Boys & Girls Club) ဒီး YMCA
  • တၢ်အီၣ်ဂံၢ်ထံးမၤစၢၤ
  • တၢ်ကၢၤဃာ်နီၢ်တယၢၢ်ဃၢတၢ်အိၣ်ဖှိၣ်တဖၣ်
  • တၢ်ဟ့ၣ်ဖံးဟ့ၣ်မၤတၢ်ဟ့ၣ်ကူၣ်ဟ့ၣ်ဖး ဒီးတၢ်သံဒိးသံကွၢ်တဖၣ်
  • တချုး-ဒီးအိၣ်ဖျဲၣ်ဖိ-ဝံၤအလီၢ်ခံ ပီညါ
  • WIC တၢ်သ့ၣ်ဆၢဖးကတီၢ်

ကိးလီတဲစိ 1-888-444-1519 လၢကသ့ၣ်နံၤဖးသီဘၣ်တၢ်စိာ်ဆှၢတၢ်. အဝဲသ့ၣ်အါမးန့ၣ် အိးထီၣ် တနံၤ 24 နၣ်ရံၣ်, တနွံ 7 သီန့ၣ်လီၤ.

လိၣ်ပှၤကျိာ်ထံတၢ် မ့တမ့ၢ် သမံထံဘၣ်နကံၢ်စီလၢအကြၢး ဆဲးကျိးကရၢဖိပှၤဖံးစၢၤမၤစၢၤတၢ်ဖဲ 1-888-269-5410, TTY 711 မ့တမ့ၢ် စူးကတၢ်တိစၢၤမၤစၢၤလၢတၢ်ပာ်ပနီၣ်လၢတၢ်ပာ်လီၤအီၤတဖၣ်.

အိၣ်ကတီၤဃာ်သးလၢတၢ်ဂ့ၢ်တၢ်ကျိၤလၢလာ်တဖၣ်အံၤ ဖဲနဃ့ထီၣ်ဝဲဒၣ်တၢ်စိာ်ဆှၢတၢ်အဂီၢ်-

  • မံၤလၢပှဲၤ, ကရၢဖိ ID (နီၢ်ဂံၢ်), ဟံၣ်ဃီအိၣ်ဆိးလီၢ်, ဒီးအိၣ်ဖျဲၣ်မုၢ်နံၤ.
  • ခဲအံၤလီတဲစိနီၢ်ဂံၢ်
  • မုၢ်နံၤ, ဆၢကတီၢ်, ဒီးတၢ်သ့ၣ်နံၤဖးသီကလုာ်
  • လီၢ်အိၣ်လီၢ်ဆိးအမံၤ ဒီးလီတဲစိနီၢ်ဂံၢ်လၢ တၢ်ကလဲၤအိၣ်န့ၢ်နၤ ဒီးပလဲၤဆှၢက့ၤနၤအဂီၢ်

တၢ်နဲၣ်ကျဲၤလၢနဃ့ထီၣ်တၢ်စိာ်ဆှၢကန့ၢ်ဝဲအဂီၢ်-

  • ကိးဆိဘၣ်အီၤအစှၤကတၢၢ် 2 တသီတချုးဒံးလၢနတၢ်လဲၤတၢ်က့ၤမုၢ်နံၤဒံးဘၣ်
  • တၢ်တအုၣ်ကီၤတၢ်ကိးတၢ်လဲၤတၢ်က့ၤလၢတသီဃီ မ့တမ့ၢ် လၢခံတသီအဂီၢ်ဘၣ်
  • နမ့ၢ်အိၣ်ဒီးတၢ်လိၣ်လီၤဆီတဖၣ်ဒ်သိး လီၢ်ဆ့ၣ်နီၤပၣ်န့ၣ် ဒုးသ့ၣ်ညါပှၤတက့ၢ်
  • နမ့လိၣ်ဘၣ်လၢကသ့ၣ်နံၤဖးသီဘၣ်တၢ်စိာ်ဆှၢအဂီၢ်, ကိး 1-888-444-1519 လၢအဆိအချ့တသ့ဖဲအသ့

တၢ်ဂ့ၢ်တၢ်ကျိၤတဖၣ်လၢ တၢ်တသ့ၣ်နံၤဖးသီဘၣ်သ့ၣ်သ့ၣ်-

  • တအိၣ်ဒီးဆူၣ်ချ့တၢ်ဟ့ၣ်တၢ်ဘူးတၢ်လဲ လၢအမူဂဲၤ
  • တၢ်လၢလီၢ်တၢ်ဃ့ထီၣ်အီၤတဖၣ်တအိၣ်ဝဲဒၣ်လၢ တၢ်ဖံးတၢ်မၤလၢတၢ်ဟ့ၣ်အပှ့ၤဖီလာ်ဘၣ်
  • နအိၣ်ဒီးသိၣ်လ့ၣ်လၢအဂ့ၤ

တၢ်က့ၤဆှၢက့ၤတၢ်အတၢ်နဲၣ်ကျဲၤတဖၣ်-

  • ကိးလီတဲစိ 1-888-444-1519 ဖဲနကတီၤသးလံလၢတၢ်ကလဲၤအိၣ်စိၢ်နၤအဂီၢ်
  • တၢ်စိာ်ဆှၢတၢ်န့ၣ်အလဲၤတၢ်ယံာ်အိၣ်ဝဲဒၣ် 1 နၣ်ရံၣ် မ့ၢ်တလၢကွံာ်ဝဲ 1 နၣ်ရံၣ်ဒီး ကိး 1-888-444-1519
  • ပှၤနီသိလ့ၣ်အကက့ၤဆှၢကဒါက့ၤနၤဆူဟံၣ်

 တၢ်လၢပှၤသံကွၢ်ညီနုာ်တဖၣ်-

  • အိၣ်ဆိးလီၢ်ကျဲလၢတၢ်ပာ်ပနီၣ်ဃာ်တၢ်ဒ့စၢၤ (30 မံးလာ် စးထီၣ်လၢဟံၣ်တုၤလၢဂံၢ်ခီၣ်ထံၤတၢ်သ့ၣ်နံၤဖးသီအိၣ်တၢ်လီၢ် ဒီး 60 မံးလာ်စးထီၣ်လၢဟံၣ်တုၤတၢ်ဟုကယာ်ကွၢ်ထွဲတၢ်လီၤဆီတၢ်သ့ၣ်နံၤဖးသီအလီၢ်)
  • အိၣ်ကတဲာ်ကတီၤသးလၢတၢ်ကဟဲကိးနၤအဂီၢ် 1 နၣ်ရံၣ် တချုးတၢ်ရဲၣ်ကျဲၤတၢ် ဟဲကိးအဆၢကတီၢ်တက့ၢ်
  • မ့ၢ်သ့ၣ်နံၤဖးသီဝဲဒၣ်တၢ်စိာ်ဆှၢဆဲးခံ 5 မံးနံၤန့ၣ်, ကိးလီတဲစိ 1-888-444-1519
  • လၢကဆိကတီၢ်နတၢ်ဒိးဘၢး(စ)အဂီၢ်, ကိး 1-888-444-1519
  • တၢ်စိာ်ဆှၢတၢ်ပာ်ဃုာ် ကမျၢၢ်တၢ်ဝံစိာ်တီဆှၢန့ၣ်လီၤ
  • တၢ်ကဟ့ၣ်လီၤဘၢး(စ) လံာ်ပျဲက့တဖၣ် (ပၣ်ဃုာ်ဒီး တလါတဘျီ/) လၢတၢ်လဲၤ တၢ်က့ၤအဂီၢၠလီၤ.
    • တၢ်မ့ၢ်လိၣ်ဘၣ်ဘၢး(စ)လံာ်ပျဲက့တဖၣ်န့ၣ်, တၢ်ကဆှၢန့ၢ်နၤဘၢး(စ)လံာ်ပျဲက့တဖၣ် လၢ5-7 သီအပူၤလီၤ
  • တၢ်မ့ၢ်လိၣ်ဘၣ်တၢ်လဲၤတၢ်က့ၤအံၤလၢ 2 တၢ်ဖံးတၢ်မၤတၢ်မုၢ်နံၤမုၢ်သီအပူၤန့ၣ်, တၢ်ကဆှၢလီၤ တၢ်ဆီတလဲဘၢး(စ)လံာ်ပျဲက့တဖၣ် မ့တမ့ၢ်, မ့ၢ်ကြၢးဝဲဘၣ်ဝဲန့ၣ်, တၢ်ကဟ့ၣ်လီၤ ဝံစိာ်တီဆှၢတၢ်လဲၤတၢ်က့ၤအကျိၤအကျဲအဂၤ
  • ကဒိးန့ၢ်ဘၣ်ဝဲဒၣ်တၢ်ဒုးသ့ၣ်နီၣ်တၢ် လီတဲစိကိး (တဖၣ်) လၢတၢ်စိာ်ဆှၢတဖၣ်အဂီၢ်န့ၣ်လီၤ

ပတၢ်ကွၢ်ထွဲတၢ်ဒုးဘၣ်လိာ်ဖိးဒ့တၢ်တိစၢၤမၤစၢၤတဖၣ်န့ၣ် ကမၤစၢၤနၤ ဒီးနကသံၣ်သရၣ် ဒ်သိးကမၤလၢပှဲၤနဆူၣ်ချ့တၢ်ကွၢ်ထွဲတၢ်လိၣ်ဘၣ်တဖၣ်အဂီၢ်န့ၣ်လီၤ. ပဖီတၢၣ်န့ၣ် ကမၤစၢၤနၤ ဒ်သိးကဒိးန့ၢ်တၢ်ကွၢ်ထွဲလၢအဘၣ် လၢတၢ်ဆၢကတီၢ်လၢအဘၣ် လၢတၢ်လီၢ်လၢအဘၣ်န့ၣ်လီၤ. ပမၤအီၤခီဖျိတၢ်မၤသကိးတၢ်ဒီးနၤ ဒီးနကသံၣ်သရၣ်တဖၣ် လၢနနီၢ်တဂၤတၢ်ကွၢ်ထွဲတၢ်တိာ်ကျဲၤန့ၣ်လီၤ. ပမၤဘၣ်လိာ်ဖိးဒ့နဆူၣ်ချ့တၢ်လိၣ်ဘၣ်ခဲလၢာ် ပၣ်ဃုာ်ဒီးနီၢ်ခိ, သးပလၢၢ်သ့ၣ်ညါဆူၣ်ချ့ ဒီးပှၤဂ့ၢ်ဝီတၢ်လိၣ်တဖၣ်န့ၣ်လီၤ. တၢ်ကွၢ်ထွဲတၢ်မၤဘၣ်လိာ်ဖိးဒ့န့ၣ် ပၣ်ဃုာ်ဒီး -

  • တၢ်သဘံၣ်ဘုၣ်တၢ်ကွၢ်ထွဲတၢ်ပၢဆှၢရဲၣ်ကျဲၤ
  • တၢ်ကွၢ်ထွဲတၢ်ပၢဆှၢရဲၣ်ကျဲၤ
  • တၢ်ဆါတၢ်ပၢဆှၢရဲၣ်ကျဲၤ

နမ့ၢ်အိၣ်ဒီးတၢ်သါအံး, ဆံၣ်ဆၢတၢ်ဆါ မ့တမ့ၢ်ဆူၣ်ချ့တၢ်အိၣ်သးတမံၤန့ၣ် နသန့ၤနသးလၢပဝဲသ့လီၤ. ဆူၣ်ချ့ပှၤပၢဆှၢရဲၣ်ကျဲၤတၢ်တဖၣ်န့ၣ် သးအိၣ်မၤလိတၢ်အါထီၣ်ဘၣ်ဃးနဂ့ၢ်န့ၣ်လီၤ. ဒီးဖဲန့ၣ် အဝဲသ့ၣ်မၤစၢၤနၤကသ့ ဒ်သိးကမၤလိတၢ်ကွၢ်ထွဲလီၤသး ဒီးကဘၣ်ဟံးန့ၢ်တၢ်မၤစၢၤလၢပှၤအဂၤအအိၣ်ဒ်လဲၣ်န့ၣ်လီၤ. တၢ်ကွၢ်ထွဲပှၤပၢဆှၢရဲၣ်ကျဲၤတၢ်တဖၣ်န့ၣ် ဘၣ်သ့ၣ်သ့ၣ်ကထံၣ်လိာ်သးဒီးန PCP ဒီးဆူၣ်ချ့တၢ်အိၣ်ယၢၤအဂၤတဖၣ် ဒ်သိးကမၤလီၤတံၢ်လၢအဝဲသ့ၣ်မၤသကိးတၢ်န့ၣ်လီၤ. တၢ်ကွၢ်ထွဲပှၤပၢဆှၢရဲၣ်ကျဲၤတၢ်တဖၣ်န့ၣ် မၤတၢ်ဒ်သိးကမၤလီၤတံၢ်လၢနအိၣ်ဒီးတၢ်တိစၢၤမၤစၢၤတဖၣ်ခဲလၢာ်လၢနလိၣ် ပၣ်ဃုာ်ဒီး တၢ်တိစၢၤမၤစၢၤတဖၣ်ဘၣ်ဃးဒီးကသံၣ်ကသီ ဒ်သိးတၢ်အီၣ်ဒီးတၢ်သူၣ်ထီၣ်ဟံၣ်န့ၣ်လီၤ. တၢ်ရဲၣ်တၢ်ကျဲၤတဖၣ်န့ၣ်ပၣ်ဃုာ်ဒီး -

  • တၢ်သါအံးဒီး COPD တၢ်ကွၢ်ထွဲ. တၢ်စဲးကွၢ်တဖၣ်, တၢ်သမံသမိး ဒီးတၢ်ဆှၢဟ့ၣ်တဖၣ်, တၢ်ကူၣ်ဘၣ်ကူၣ်သ့ ဒီးတၢ်ဆီၣ်ထွဲ.
  • သွံၣ်ဆၢတၢ်ဆါတၢ်ဆီၣ်ထွဲ. ကသံၣ်ကသီ,ထးဆဲးပီၤတဖၣ်, တၢ်ကူၣ်ဘၣ်ကူၣ်သ့ ဒီးတၢ်ဆီၣ်ထွဲ လၢတၢ်ပၢဆှၢရဲၣ်ကျဲၤသွံၣ်ဆၢတၢ်ဆါအဂီၢ်. 
  • ကလ့ၢ်တၢ်ဆါတၢ်ကွၢ်ထွဲ. တၢ်မၤကဆှီသွံၣ်, ကသံၣ်ကသီ, တၢ်ကူစါယါဘျါတဖၣ်, တၢ်ကူၣ်ဘၣ်ကူၣ်သ့ ဒီးနီၢ်တဂၤအဂီၢ်တၢ်ဆီၣ်ထွဲ.
  • တၢ်အိၣ်သးအဂၤတဖၣ်. တၢ်စဲးကွၢ်, တၢ်ဟ့ၣ်ကသံၣ်, တၢ်ကူစါယါဘျါတဖၣ်, တၢ်ကူၣ်ဘၣ်ကူၣ်သ့ ဒီးတၢ်ဆီၣ်ထွဲန့ၣ် ဘၣ်တၢ်အုၣ်ကီၤလၢ တၢ်အိၣ်သးအဂၤတဖၣ်ဒ်သိး သးပလၢၢ်သ့ၣ်ညါဆူၣ်ချ့, ADHD, အီာ်တ့းစၣ် ဒီးတၢ်ဆါတဖၣ်ဒ်န့ၣ်, သးဖျၢၣ်တၢ်ဆါ, သွံၣ်ဂံၢ်စံၣ်ထီ, တၢ်ဆါ, စ့ကဲၣ်စဲ(လ) တၢ်ဆါ, HIV, မ့တမ့ၢ်သူၣ်တၢ်ဆါန့ၣ်လီၤ.

မဲာ်ချံတၢ်စဲးကွၢ်ဘၣ်ဆၢဘၣ်ကတီၢ်တဖၣ်န့ၣ် အကါဒိၣ်ဝဲလီၤ. ကရူၢ်ဖိတဖၣ်န့ၣ် ကြၢးဘၣ်လၢ မဲာ်ချံတၢ်စဲးကွၢ်ဘၣ်ဆၢဘၣ်ကတီၢ်တဖၣ် ဒီးတၢ်မၤလိာ်မဲာ်ဒိးတဖၣ်န့ၣ်လီၤ. ကိးနကသံၣ်သရၣ်ဒ်သိး ရဲၣ်ကျဲၤတၢ်ဆၢကတီၢ်လၢ တၢ်စဲးကွၢ်မဲာ်ချံဘၣ်ဆၢဘၣ်ကတီၢ်တက့ၢ်. နရဲၣ်ကျဲၤတၢ်သ့ၣ်ဆၢဖးကတီၢ် လၢကယဲၢ်တၢ်ထံၣ်ကွၢ်ထွဲပှၤမၤစၢၤဖံးမၤတၢ်တဂၤဂ့ၤတဂၤဂ့ၤ လၢအမၤသကိးတၢ်န့ၣ်လီၤ.  

တၢ်ထံၣ်တၢ်တိစၢၤမၤစၢၤလၢလာ်အံၤတဖၣ်န့ၣ် ဘၣ်တၢ်အုၣ်ကီၤအီၤလၢ ကရူၢ်ဖိတဖၣ်လၢအသးအိၣ် 21 နံၣ်အဖီလာ်န့ၣ်လီၤ -  

  • တယံာ်ဘၣ်ဒီးကဟဲလီၤ

တၢ်ထံၣ်တၢ်တိစၢၤမၤစၢၤလၢလာ်အံၤတဖၣ်န့ၣ် ဘၣ်တၢ်အုၣ်ကီၤအီၤလၢ ကရူၢ်ဖိတဖၣ်လၢအသးအိၣ် 21 နံၣ်ဒီးအဖီခိၣ်န့ၣ်လီၤ -  

  • တယံာ်ဘၣ်ဒီးကဟဲလီၤ

တၢ်ဟံးန့ၢ် တနံၣ်ဘၣ်တနံၣ်မဲတၢ်ခံကွၢ်စီကွၢ်န့ၣ် အကါဒိၣ်လၢနတၢ်အိၣ်ဆူၣ်အိၣ်ချ့အဂီၢ်န့ၣ်လီၤ. နတၢ်အုၣ်ကီၤစ့မၤစၢၤန့ၣ်ပၣ်ဃုာ်ဒီး -

  • တၢ်စဲးကွၢ်တဖၣ်ဒီးတၢ်မၤကဆှီတဖၣ်
  • တၢ်မၤဂ့ၤက့ၤ ဒ်သိးတၢ်မၤပှဲၤက့ၤမဲလီၢ်ဟိ
  • တၢ်မၤကဆှီယိာ်ယိာ်တဖၣ် ဒီးတၢ်ကွဲးကါကူစါမဲအကူၤတၢ်ဆါ
  • မဲပျိာ်တကူာ်မ့တမ့ၢ်အပှဲၤ ဒီးတၢ်ဘှီက့ၤတဖၣ် ဆူမဲပျိာ်တကူာ်မ့တမ့ၢ်အပှဲၤတဖၣ်
  • တၢ်ဟ့ၣ်ကသံၣ်မံဒီး နဲးထြဲးအီးဆဲး (ပှၤသ့ၣ်ညါအီၤလၢသဝံနံၤ) ဖဲလိၣ်ဘၣ်လၢကသံၣ်အဂီၢ်
  • ယဲၤဖျါအပီးအလီအလၢအပှဲၤ - တၢ်ထံၣ်ဖးလဲၢ်တၢ်ဂီၤမူ– 1 ကိး 5 နံၣ်ဒဲး, တၢ်ဂီၤမူအလၢအပှဲၤတဖၣ်
  • မဲဖျီၣ်တဖၣ် - 1 ကိး 5 နံၣ်
  • အဂံၢ်ကျိၤတဖၣ် - 1 ခါလၢမဲတဘိအသးသမူ

တၢ်ပၢဆှၢရဲၣ်ကျဲၤနဆူၣ်ချ့တၢ်ကွၢ်ထွဲ ထဲတဂၤန့ၣ် ကီခဲသ့ဝဲ လီၤဆီဒၣ်တၢ်ဖဲ နကွၢ်ဆၢၣ်မဲာ်ဒီးဆူၣ်ချ့တၢ်ဂ့ၢ်ကီတဖၣ် အါန့ၢ်တမံၤဖဲ အဆၢကတီၢ်တပူၤဃီန့ၣ်လီၤ. နမ့ၢ်လိၣ်ဘၣ်တၢ်ဆီၣ်ထွဲထၢနုာ်အါထီၣ် ဒ်သိးကအိၣ်မူဆူၣ်ချ့အဂီၢ်န့ၣ် ပမၤစၢၤနၤသ့လီၤ.ပ UnitedHealthcare ပှၤတဝၢတၢ်တိာ်ကျဲၤ လၢ Minnesota ကရူၢ်ဖိတဖၣ်ခဲလၢာ်န့ၣ်ဆဲးကျိးဒိးန့ၢ်သ့တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီန့ၣ်လီၤ.

တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီန့ၣ် မၤစၢၤနၤသ့လၢ -

  • ကနၢ်ပၢၢ် UnitedHealthcare ပှၤတဝၢတၢ်တိာ်ကျဲၤ လၢ Minnesota တၢ်ရဲၣ်တၢ်ကျဲၤ
  • ကွၢ်ဃု ကသံၣ်သရၣ်, မဲကသံၣ်သရၣ်, မ့တမ့ၢ်မဲာ်ချံကသံၣ်သရၣ်တဂၤ
  • တဲဖျါနတၢ်န့ၢ်အဘျုးတဖၣ်ဒီးတၢ်အုၣ်ကီၤစ့မၤစၢၤ
  • ကတိၤတၢ်ဒီးနၤဘၣ်ဃးတၢ်ရဲၣ်တၢ်ကျဲၤလီၤဆီတဖၣ် လၢနဒိးန့ၢ်သ့
  • ဆဲးကျိးနၤဒီးပှၤကွၢ်ထွဲပၢဆှၢရဲၣ်ကျဲၤတၢ်တဂၤ ဖဲလိၣ်ဘၣ်အခါ
  • ကွၢ်ဃု တၢ်အိၣ်ယၢၤတဖၣ် လၢအိၣ်ဘူးဒီးနၤ ဒ်သိးကမၤစၢၤနၤလၢ တၢ်ဂ့ၢ်ကီအဂၤတဖၣ် ဒ်သိးတၢ်အီၣ်တၢ်အီ, တၢ်သူၣ်ထီၣ်ဟံၣ်, တၢ်စိာ်ဝံတီဆှၢ, တၢ်ဖံးတၢ်မၤ, တၢ်အိၣ်ဘံၣ်အိၣ်ဘၢ မ့တမ့ၢ်တၢ်ကူၣ်ဘၣ်ကူၣ်သ့န့ၣ်လီၤ
  • မၤလီၤတံၢ်လၢနသ့ၣ်ညါပာ်သူၣ်ပာ်သးပဒိၣ်တၢ်ရဲၣ်တၢ်ကျဲၤအဂၤတဖၣ် ဒီး တၢ်တိစၢၤမၤစၢၤတဖၣ် လၢနဒိးန့ၢ်သ့ ဒ်သိး SNAP (ထၢနုာ်အါထီၣ်တၢ်အီၣ်န့ၢ်ဂံၢ်န့ၢ်ဘါတၢ်မၤစၢၤ တၢ်ရဲၣ်တၢ်ကျဲၤ) မ့တမ့ၢ် WIC (ပိာ်မုၣ်, ဖိသၣ်အိၣ်ဖျဲၣ်သီတဖၣ်ဒီးဖိသၣ်တဖၣ်) တၢ်ရဲၣ်တၢ်ကျဲၤ တၢ်န့ၢ်အဘျုးတဖၣ်တက့ၢ်
  • မၤစၢၤနမၤသီထီၣ်နနီၢ်တဂၤတၢ်ဆဲးကျိၤတၢ်ကစီၣ်ဂ့ၢ်ကျိၤ ဒ်သိးအိၣ်ဆိးလီၢ်, လီတဲစိနီၣ်ဂံၢ် မ့တမ့ၢ်အံမ့(လ)
  • မၤလီၤတံၢ်လၢ ပသ့ၣ်ညါနသးလီဘၣ်တၢ်ဆဲးကျိးဒ်လဲၣ် (အံမ့(လ), လီတဲစိ, မ့တမ့ၢ်တၢ်ဆှၢလံာ်)တက့ၢ်
  • ပဲာ်ဖးမၤဘၣ်က့ၤတၢ်ကီတၢ်ခဲတဖၣ်လၢဘၣ်ဃးဒီးပှၤမၤစၢၤဖံးမၤတဖၣ်, ပၣ်ဃုာ်ဒီးတၢ်ကွၢ်ထွဲလီၤဆီ ဒီးသးပလၢၢ်သ့ၣ်ညါဆူၣ်ချ့
  • တၢ်မၤစၢၤလၢ တၢ်မၤကွၢ်တဖၣ် ဟဲခီဖျိတၢ်ဟ့ၣ်ခွဲးဆိပာ်စၢၤ, တၢ်ဟ့ၣ်အဘူးအလဲလၢတၢ်တိစၢၤမၤစၢၤတဖၣ်အဂီၢ်, တၢ်ကွၢ်ထွဲတၢ်ဆှၢ ဒီးဟံၣ်ဃီတၢ်အိၣ်မုာ်အိၣ်ပၢၤ

တၢ်န့ၢ်အဘျုးထၢနုာ်အါထီၣ်တဖၣ် ဒီးတၢ်ဆီၣ်ထွဲ. နသန့ၤသးလၢ -

  • ဆူၣ်ချ့တၢ်ကူၣ်ဘၣ်ကူၣ်သ့. တၢ်ကွၢ်ထွဲမၤစၢၤအပှ့ၤကလီ လၢကမၤဂ့ၤထီၣ်နဆူၣ်ချ့အဂီၢ်.
  • ကျိာ်တၢ်မၤစၢၤ. ဆဲးကျိးဆူပှၤကျိာ်ထံတၢ်တဂၤခီဖျိကရူၢ်ဖိ တၢ်တိစၢၤမၤစၢၤတဖၣ်.
  • Mom's Meals. နပှၤကွၢ်ထွဲပၢဆှၢရဲၣ်ကျဲၤတၢ်န့ၣ် မၤဘၣ်လိာ်ဖိးဒ့တၢ်ဆှၢ တၢ်အီၣ်ဆူၣ်ချ့တဖၣ် ဖဲနဟးထီၣ်လၢတၢ်ဆါဟံၣ်န့ၣ်လီၤ. 

ဆဲးကျိး တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီတဂၤ ဒ်သိးကမၤလိတၢ်အါထီၣ်အဂီၢ်တက့ၢ်. နဆဲးကျိးပဝဲသ့ဖဲ မုၢ်ဆၣ် တုၤ မုၢ်ဖီဖး, 8 AM တုၤ 6 PM လီၢ်ကဝီၤဆၢကတီၢ်, ခီဖျိတၢ်ကိး 1-888-269-5410, TYY 711 န့ၣ်လီၤ.

တၢ်သါအံးဒီး COPD တၢ်ဆီၣ်ထွဲ

ပမၤစၢၤနၤသ့ ဒ်သိးနကပၢၤနတၢ်သါအံး မ့တမ့ၢ် COPD န့ၣ်လီၤ.

နမ့ၢ်လိၣ်ဘၣ်တၢ်မၤစၢၤဒ်သိး ကဒိးန့ၢ်တၢ်တိစၢၤမၤစၢၤ မ့တမ့ၢ် တၢ်ဆီၣ်ထွဲတဖၣ်လၢနဂီၢ်ဒီး, ဆဲးကျိးဘၣ်ဆူ နကရူၢ်ဖိတၢ်တိစၢၤမၤစၢၤပီၢ်ရီအအိၣ်တက့ၢ်ႉ ပမၤစၢၤသ့လၢ တၢ်မၤကျဲဘၣ်ဃး တၢ်ဒိးန့ၢ်တၢ်ဆှၢဟ့ၣ်တဖၣ် မ့တမ့ၢ်တၢ်ဟ့ၣ်ကသံၣ်တဖၣ်, တၢ်သ့ၣ်ဆၢဖးကတီၢ်လၢနကသံၣ်သရၣ် မ့တမ့ၢ်ဆဲးကျိးနၤခီဖျိ တၢ်ကွၢ်ထွဲပှၤပၢဆှၢရဲၣ်ကျဲၤတၢ် လၢနီၢ်တဂၤတၢ်ဆီၣ်ထွဲအဂီၢ်န့ၣ်လီၤ.

တၢ်ဃုထၢကသံၣ်သရၣ်

နကအိၣ်ဒီးပှၤကွၢ်ထွဲဖံးမၤတၢ်မိၢ်ပှၢ် (PCP) လၢကမ့ၢ်နကသံၣ်သရၣ်မိၢ်ပှၢ်န့ၣ်လီၤ. န PCP န့ၢ် မ့ၢ်ပှၤလၢနထံၣ်လၢနတၢ်ကွၢ်ထွဲအါတက့ၢ်အဂီၢ်န့ၣ်လီၤ. တၢ်အံၤပာ်ဃုာ်ဝဲဒီး တၢ်သမံသမိးကွၢ်တၢ်အိၣ်ဆူၣ်အိၣ်ချ့, တၢ်ကူစါယါဘျါအကျိၤအကျဲ, တၢ်ဆဲးကသံၣ်ဒီသဒၢ, တၢ်ဘၣ်ဒိဘၣ်ထံးလၢအဆံးဒီး တၢ်ဘၣ်ယိာ်လၢဆူၣ်ချ့ဂ့ၢ်ကျိၤတဖၣ်လီၤႉ ကတိၤတၢ်ဒီး န PCP ဘၣ်ဃးဒီးတၢ်ဘၣ်ယိၣ်အဂၤတဖၣ်လၢ အိၣ်ဒီးနၤတက့ၢ်. န PCP န့ၣ်မၤစၢၤနၤသ့ ဒ်သိးနကဆၢတဲာ်တၢ်ဃုထၢတဖၣ် လၢအဘၣ်လၢနဂီၢ်န့ၣ်လီၤ.

န PCP န့ၣ် မ့ၢ်နကသံၣ်သရၣ်မိၢ်ပှၢ်လၢ -

  • တၢ်ဒီသဒၢတၢ်ကွၢ်ထွဲ ဒ်သိးတၢ်သမံသမိးဆူၣ်ချ့တၢ်အိၣ်သးတဖၣ်, တၢ်ကွၢ်ဃုခဲစၢၣ်တၢ်ဆါတဖၣ် ဒီးတၢ်ဆဲးကသံၣ်ဒီသဒၢတဖၣ်န့ၣ်လီၤ
  • တၢ်ကူစါယါဘျါ ဖဲနအိၣ်တဆူၣ် မ့တမ့ၢ်ဘၣ်ဒိဘၣ်ထံး
  • တၢ်ဆှၢခီတဖၣ်ဆူ ကသံၣ်သရၣ်တီၤထီတဖၣ် လၢတၢ်အိၣ်သးတနီၤအဂီၢ်

သူ တၢ်ဃုကွၢ်ကသံၣ်သရၣ်ပီးလီ ဒ်သိးကထံၣ်သ့ၣ်ညါဘၣ်ဃး နကသံၣ်သရၣ်န့ၣ်အိၣ်ဝဲလၢပပှဲာ်ဘျးစဲအပူၤဧါန့ၣ်တက့ၢ်ႉ နမ့ၢ်တအိၣ်ဒီးကသံၣ်သရၣ်တဂၤ မ့တမ့ၢ်နကသံၣ်သရၣ်န့ၣ် မ့ၢ်တအိၣ်လၢပပှာ်ဘျးစဲအပူၤန့ၣ် ပမၤစၢၤနၤသ့ ဒ်သိးနကဃုထံၣ်ကသံၣ်သရၣ်တဂၤလၢအိၣ်ဘူးဒီးနၤန့ၣ်လီၤ. နဆီတလဲ န PCP သ့ကိးဆၢကတီၢ်ဒဲးန့ၣ်လီၤ.

ကရူၢ်ဖိတၢ်မၤဘၣ်ထွဲလီၢ်ခၢၣ်သး

UnitedHealthcare ပှၤတဝၢတၢ်တိာ်ကျဲၤကရူၢ်ဖိတဖၣ်ခဲလၢာ်န့ၣ်ဆဲးကျိးဒိးန့ၢ်သ့တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီ (MSA) ဒ်သိးကမၤစၢၤနၤလၢ နဆူၣ်ချ့တၢ်ကွၢ်ထွဲတၢ်လဲၤကျဲဒီဘိညါန့ၣ်လီၤ. MSA တဂၤန့ၣ် မၤစၢၤသ့လၢ -

  • ကနၢ်ပၢၢ် UnitedHealthcare ပှၤတဝၢတၢ်တိာ်ကျဲၤ လၢ Minnesota တၢ်ရဲၣ်တၢ်ကျဲၤ
  • ကွၢ်ဃုကသံၣ်သရၣ်, မဲကသံၣ်သရၣ် မ့တမ့ၢ် မဲာ်ချံကသံၣ်သရၣ်တဂၤတက့ၢ်
  • တဲဖျါနတၢ်န့ၢ်အဘျုးတဖၣ်ဒီးတၢ်အုၣ်ကီၤစ့မၤစၢၤ
  • ကတိၤတၢ်ဒီးနၤဘၣ်ဃးတၢ်ရဲၣ်တၢ်ကျဲၤလီၤဆီတဖၣ် လၢနဒိးန့ၢ်သ့
  • ဆဲးကျိးနၤဒီးပှၤကွၢ်ထွဲပၢဆှၢရဲၣ်ကျဲၤတၢ်တဂၤ ဖဲလိၣ်ဘၣ်အခါ
  • ကွၢ်ဃု တၢ်အိၣ်ယၢၤတဖၣ် လၢအိၣ်ဘူးဒီးနၤ ဒ်သိးကမၤစၢၤနၤလၢ တၢ်ဂ့ၢ်ကီအဂၤတဖၣ် ဒ်သိးတၢ်အီၣ်တၢ်အီ, တၢ်သူၣ်ထီၣ်ဟံၣ်, တၢ်စိာ်ဝံတီဆှၢ, တၢ်ဖံးတၢ်မၤ, တၢ်အိၣ်ဘံၣ်အိၣ်ဘၢ မ့တမ့ၢ်တၢ်ကူၣ်ဘၣ်ကူၣ်သ့န့ၣ်လီၤ
  • မၤစၢၤနမၤသီထီၣ်နနီၢ်တဂၤတၢ်ဆဲးကျိၤတၢ်ကစီၣ်ဂ့ၢ်ကျိၤ ဒ်သိးအိၣ်ဆိးလီၢ်, လီတဲစိနီၣ်ဂံၢ် မ့တမ့ၢ်အံမ့(လ)
  • မၤလီၤတံၢ်လၢပသ့ၣ်ညါဘၣ်ဃး နသးအိၣ်ပဆဲးကျိးနၤလၢကျဲဒ်လဲၣ်တက့ၢ် (လီပရၢ, လီတဲစိ မ့တမ့ၢ် ဆှၢတၢ်ပရၢ)
  • ပဲာ်ဖးမၤဘၣ်က့ၤတၢ်ကီတၢ်ခဲတဖၣ်လၢဘၣ်ဃးဒီးပှၤမၤစၢၤဖံးမၤတဖၣ်, ပၣ်ဃုာ်ဒီးတၢ်ကွၢ်ထွဲလီၤဆီ ဒီးသးပလၢၢ်သ့ၣ်ညါဆူၣ်ချ့
  • တၢ်မၤစၢၤလၢ တၢ်မၤကွၢ်တဖၣ် ဟဲခီဖျိတၢ်ဟ့ၣ်ခွဲးဆိပာ်စၢၤ, တၢ်ဟ့ၣ်အဘူးအလဲလၢတၢ်တိစၢၤမၤစၢၤတဖၣ်အဂီၢ်, တၢ်ကွၢ်ထွဲတၢ်ဆှၢ ဒီးဟံၣ်ဃီတၢ်အိၣ်မုာ်အိၣ်ပၢၤ

တၢ်ဆီၣ်ထွဲသွံၣ်ဆၢတၢ်ဆါ

နမ့ၢ်အိၣ်ဒီးသွံၣ်ဆၢတၢ်ဆါန့ၣ် ပကမၤစၢၤနၤ ဒ်သိးနတၢ်အိၣ်မူန့ၣ်ကညီဒိၣ်ထီၣ်တစဲးဖိလၢနဂီၢ်န့ၣ်လီၤ. နကဒိးန့ၢ်ကသံၣ်ကသီ, တၢ်ဆှၢဟ့ၣ်တဖၣ် ဒီးတၢ်ကူၣ်ဘၣ်ကူၣ်သ့လၢ ကမၤစၢၤနၤ ဒ်သိးနကအိၣ်မူအဂ့ၤကတၢၢ်အဂီၢ်န့ၣ်လီၤ.

တၢ်အပီးအလီတဖၣ်ဒီးတၢ်ဆှၢဟ့ၣ်တဖၣ်

နဆူၣ်ချ့ဒီးတၢ်ဘံၣ်တၢ်ဘၢလၢဟံၣ်န့ၣ် အကါဒိၣ်လီၤ.

ပတၢ်တိာ်ကျဲၤန့ၣ် အုၣ်ကီၤဝဲ တၢ်ကူစါယါဘျါတၢ်ပီးတၢ်လီတဖၣ် လၢနကသံၣ်သရၣ်ဃ့ထီၣ်န့ၣ်လီၤ. အဝဲန့ၣ်ပၣ်ဃုာ်ဒီးတၢ်ပီးတၢ်လီဒ်အံၤတဖၣ်လီၤ -

  • တၢ်ဆါဟံၣ်လီၢ်မံတဖၣ်
  • အီးစံာ်ကၠ့ၣ်ထံဒၢထးတဖၣ်
  • ခီၣ်ကွီၢ်စၢၢ်ထး မ့တမ့ၢ်လီၢ်ဆ့ၣ်နီၤပၣ်တဖၣ်

တၢ်ကွၢ်ထွဲခီၣ်လၣ်

ပတၢ်ကူစါခီၣ်တၢ်အုၣ်ကီၤန့ၣ် ပၣ်ဃုာ်ဒီးတၢ်ကွၢ်ထွဲခီၣ်လၣ်ဘၣ်ဆၢဘၣ်ကတီၢ်န့ၣ်လီၤ.

နမ့ၢ်အိၣ်ဒီးသွံၣ်ဆၢတၢ်ဆါ မ့တမ့ၢ်သွံၣ်လဲၤကျိၤတၢ်အိၣ်သးတမံၤန့ၣ်, တၢ်ကွၢ်ထွဲခီၣ်လၣ်လၢအဂ့ၤန့ၣ် မၤစၢၤဒီသဒၢတၢ်ဂ့ၢ်ကီဆူၣ်ဆူၣ်နးနးတဖၣ်န့ၣ်လီၤ. ပဟ့ၣ်တၢ်စဲးကွၢ်လၢအလိၣ်ဘၣ်တဖၣ် ဒ်သိးကပာ်နခီၣ်လၣ်တဖၣ်လၢ အက့ၢ်အဂီၤတၢ်အိၣ်သးဂ့ၤဒိၣ်မးန့ၣ်လီၤ.

တၢ်လုၢ်ဒိၣ်ထီၣ်တၢ်ကွၢ်ထွဲတၢ်ဆီၣ်ထွဲ

တၢ်လုၢ်ဒိၣ်ထီၣ်တၢ်ကွၢ်ထွဲ မ့ၢ်ဝဲတၢ်တိစၢၤမၤစၢၤတစိာ်တလီၢ် လၢတၢ်ဟ့ၣ်အီၤလၢဖိသၣ်လၢ အိၣ်တသ့လၢၤဘၣ်လၢအဟံၣ်အဃီတဖၣ် လၢတၢ်ဘံၣ်တၢ်ဘၣ်တၢ်ကီတၢ်ခဲတဖၣ်အဃိန့ၣ်လီၤ. ပအိၣ်ဒီးတၢ်ရဲၣ်တၢ်ကျဲၤတဖၣ် လၢကမၤစၢၤဆီၣ်ထွဲပှၤအံးထွဲကွၢ်ထွဲတဖၣ် ဒီးဖိသၣ်တဖၣ်လၢတၢ်လုၢ်ဒိၣ်ထီၣ်တၢ်ကွၢ်ထွဲန့ၣ်လီၤ.

UnitedHealthcare’s On My Way (OMW) န့ၣ်မ့ၢ်တၢ်ပီးတၢ်လီလၢဘၣ်တၢ်တ့ထီၣ်အီၤဒ်သိး ကမၤစၢၤပှၤသးစၢ်နီၢ်ဒိၣ်တဖၣ် အတၢ်လဲလိာ်အကတီၢ်ဖဲ ဘၣ်တၢ်ကွၢ်ထွဲလုၢ်ဒိၣ်ထီၣ်အီၤဆူ တၢ်ဒိၣ်တုာ်ခိၣ်ပှဲၤဒီး တၢ်တဒိးသန့ၤထီၣ်အသးလၢပှၤနီတဂၤအကတီၢ်လီၤႉ တၢ်အပီးအလီအံၤန့ၣ် ပှၤဃုထံၣ်အီၤသ့လၢ ကရူၢ်ဖိဘံၣ်ဘၢပှာ်ယဲၤသန့ကျဲစၢၤန့ၣ်လီၤ.

OMW တၢ်ပီးတၢ်လီန့ၣ် ဆဲးကျိးသ့ တၢ်လုၢ်ဒိၣ်ထီၣ်သးစၢ်တဖၣ်လၢ အသးအနံၣ်အလါအိၣ်လၢ ကလဲၤခီတၢ် ဒီးတၢ်ကွၢ်ထွဲပှၤမၤတၢ်ဖိ ဒီးအိၣ်ဒီးတၢ်သိၣ်လိယူၣ်နံးတဖၣ် လၢအသိၣ်လၢတၢ်သ့လၢလာ်အံၤတဖၣ်န့ၣ်လီၤ -  

  • တၢ်ပၢဆှၢရဲၣ်ကျဲၤတိၢ်စ့ 
  • တၢ်မၤဘံၣ်ဘၢတၢ်သူၣ်ထီၣ်ဟံၣ် 
  • တၢ်တ့ထီၣ်နီၢ်ကစၢ်အဂ့ၢ်ဖုၣ်ကိာ်တခါ 
  • တၢ်ကွၢ်ဃုတၢ်မၤတခါ 
  • တၢ်ပတံထီၣ်လၢခီလ့ၣ်ကၠိအဂီၢ်
  • တၢ်တ့ထီၣ်နီၢ်ကစၢ်ဖီတၢၣ် 
  • တၢ်လီၢ်အံၤန့ၣ် ဟ့ၣ်ဝဲစ့ၢ်ကီးတၢ်စံၣ်ခီပတာ်လၢ သးစၢ်ဒ်သိးကထၢနုာ်ဘံၣ်ဘၢလံာ်တီလံာ်မီတဖၣ် ဒ်သိးအိၣ်ဖျဲၣ်လံာ်အုၣ်သးတဖၣ် ဒီးပှၤနီၣ်သိလ့ၣ်လံာ်အုၣ်သးတၢ်ဂ့ၢ်တၢ်ကျိၤ လၢအဝဲသ့ၣ်အတၢ်ဒိးန့ၢ်ညီ ဖဲတၢ်လဲၤခီလၢ တၢ်လုၢ်ဒိၣ်ထီၣ်တၢ်ကွၢ်ထွဲဆူပှၤဒိၣ်တုာ်ခိၣ်ပှဲၤကတီၢ်န့ၣ်လီၤ

ကိးကရူၢ်ဖိတၢ်တိစၢၤမၤစၢၤတဖၣ် ဒ်သိးကမၤလိအါထီၣ်ဘၣ်ဃးအဝဲန့ၣ်တဖၣ် ဒီးတၢ်လုၢ်ဒိၣ်ထီၣ်တၢ်ကွၢ်ထွဲတၢ်ဆီၣ်ထွဲတၢ်ရဲၣ်တၢ်ကျဲၤအဂၤတဖၣ်အဂီၢ်တက့ၢ်.

Healthy First Steps®

ပ Healthy First Steps တၢ်ရဲၣ်တၢ်ကျဲၤန့ၣ် မၤစၢၤနၤဒီးနဖိခံဂၤလိာ် ဒ်သိးကဒိးန့ၢ်တၢ်ကွၢ်ထွဲလၢနလိၣ်ဒီးကြၢးဘၣ်ဒီးနၤန့ၣ်လီၤ. လၢ Healthy First Steps န့ၣ် နကဒိးန့ၢ်ခိၣ်ဖးဖးဒိၣ်တဖၣ် လၢတၢ်မၤဝံၤတၢ်သမံသမိးဆူၣ်ချ့တၢ်အိၣ်သးတဖၣ် လၢအဆၢကတီၢ်ဘၣ် ဖဲနတၢ်ဒၢထီၣ်ဖိအတီၢ်ပူၤဒီးအဝံၤန့ၣ်လီၤ. နုာ်လီၤလၢ UHCHealthyFirstSteps.com မ့တမ့ၢ်ဆဲးကျိးကရူၢ်ဖိတၢ်တိစၢၤမၤစၢၤတဖၣ် ဒ်သိးကစးထီၣ်အဂီၢ်တက့ၢ်.

ပမၤစၢၤနၤသ့လၢ -

  • ဃုကွၢ်ကသံၣ်သရၣ်တဂၤ လၢမိၢ်ဒီးဖိခံဂၤလိာ်အဂီၢ်န့ၣ်လီၤ.
  • မၤလိဘၣ်ဃး တၢ်အီၣ်န့ၢ်ဂံၢ်န့ၢ်ဘါ, အိၣ်ဆူၣ်အိၣ်ချ့အိၣ်ဒီးဂံၢ်ဘါလၢပှဲၤဒီး တၢ်ပူၤဖျဲးလၢတၢ်ဘၣ်ယိာ်အဂ့ၢ်တဖၣ်တက့ၢ်ႉ
  • ဃုထံၣ်တၢ်ဘၣ်ဃး တၢ်ဟ့ၣ်ကနၢအဂၤတဖၣ် လၢကြၢးဘၣ်လၢနဂီၢ်တက့ၢ်.

တၢ်ထဲသိးတုၤသိးတီၤထီကၠိ (HSE)

တစဲၤခံကဲာ်ဆိးလၢနကထီၣ်ဝံၤတီၤထီကၠိဘၣ်. UnitedHealthcare ပှၤတဝၢတၢ်တိာ်ကျဲၤန့ၣ် မၤစၢၤနၤသ့ ဒ်သိးနကဒိးန့ၢ် န တၢ်ထဲသိးတုၤသိးတီၤထီကၠိ (HSE) န့ၣ်လီၤ. ကယဲၢ်ကရူၢ်ဖိလၢ အသးအိၣ် 16 မ့တမ့ၢ်ပှၢ်န့ၢ်အီၤန့ၣ် နုာ်လီၤပၣ်ဃုာ်သ့လၢ တၢ်ရဲၣ်တၢ်ကျဲၤအံၤသ့န့ၣ်လီၤ.

ဝံသးစူၤဆဲးကျိးဘၣ်ဆူ နကရူၢ်ဖိတၢ်တိစၢၤမၤစၢၤပီၢ်ရီလၢ တၢ်ကစီၣ်အဂုၤအဂၤတဖၣ်အဂီၢ်တက့ၢ်ႉ

တၢ်တိစၢၤမၤစၢၤတဖၣ်လၢ အခီၣ်ထံးခီၣ်ဘိအိၣ်လၢဟံၣ်

ဖဲတၢ်ကွဲးကါ မ့တမ့ၢ်တၢ်ဆါဆူၣ်နးဝံၤ - မ့တမ့ၢ်နမ့ၢ်အိၣ်ဒီးနီၢ်ခိက့ၢ်ဂီၤတလၢပှဲၤန့ၣ် - နကလိၣ်ဘၣ်တၢ်မၤစၢၤအဂၤတဖၣ် လၢတနံၤဘၣ်တနံၤတၢ်မၤအဂီၢ်န့ၣ်လီၤ. ခီဖျိတၢ်ဟ့ၣ်ခွဲး ဒီးတၢ်ဃ့ထီၣ်လၢနကသံၣ်သရၣ်အအိၣ်န့ၣ် ပတၢ်တိာ်ကျဲၤန့ၣ်အုၣ်ကီၤဝဲ -

  • တၢ်ဆၢကတီၢ်ပနီၣ်အိၣ်ကူၣ်သ့တၢ်ကွၢ်ထွဲပှၤဆါတၢ်တိစၢၤမၤစၢၤတဖၣ် 
  • တၢ်ကူစါယါဘျါအကျိၤအကွာ်လီၤဆီတဖၣ်, ပာ်ဃုာ်ဒီးတၢ်ယါဘျါနီၢ်ခိတၢ်ဘၣ်တမုာ်, တၢ်ဆါဘၣ်ထွဲဒီးတၢ်ကတိၤကျိာ် ဒီး တၢ်ယါဘျါတၢ်ဖံးတၢ်မၤတၢ်တဘၣ်လီၢ်ဘၣ်စးတဖၣ် 
  • ဆူၣ်ချ့တၢ်ဆှၢဟ့ၣ်တဖၣ်

တၢ်တီၣ်ထီၣ်တၢ်ဆါဟံၣ်

တၢ်တိာ်ကျဲၤအံၤ ဟ့ၣ်အဘူးအလဲလၢ တၢ်ဆါဟံၣ်တၢ်လၢာ်ဘူၣ်လၢာ်စ့ခဲလၢာ် လၢဘၣ်ထွဲဒီးတၢ်အိၣ်လၢတၢ်ဆါဟံၣ်န့ၣ်လီၤ.

တၢ်တိာ်ကျဲၤအံၤဟ့ၣ်အဘူးအလဲလၢ တၢ်လၢာ်ဘူၣ်လၢာ်စ့ခဲလၢာ်လၢဘၣ်ထွဲဒီးတၢ်ဆါဟံၣ်အဃိ နပာ်နသးထဲလၢ တၢ်အိၣ်ဘှံးဒီးတၢ်အိၣ်ဆူၣ်ထီၣ်အပူၤန့ၣ်လီၤ.

ပတၢ်တိာ်ကျဲၤန့ၣ်အုၣ်ကီၤဝဲလၢ -

  • တၢ်ဆါဟံၣ်ပူၤပှၤဆါတၢ်ကွၢ်ထွဲ
  • တၢ်ဆါဟံၣ်ချၢပှၤဆါတၢ်ကွၢ်ထွဲ
  • တၢ်မၤကွၢ်ဒၢးတဖၣ်, ယဲၤဖျါ ဒီးတၢ်စဲးကွၢ်အဂၤတဖၣ်

ဒီးဖဲနဟးထီၣ်လၢတၢ်ဆါဟံၣ်ဝံၤအလီၢ်ခံန့ၣ် နတမ့ၢ်ထဲတဂၤဘၣ်. ပအိၣ်ဖဲအံၤ လၢကမၤစၢၤနၤဒ်သိး နကဒိးန့ၢ်တၢ်ပိာ်ထွဲတၢ်ကွၢ်ထွဲလၢလိၣ်ဘၣ်ခဲလၢာ် ဒ်သိးကအိၣ်မုာ်ထီၣ်ဆူမဲာ်ညါလၢဟံၣ်န့ၣ်လီၤ.

ပှၤတဂၤဘၣ်တဂၤလၢတၢ်လိၣ်လီၤဆီတဖၣ်

ပအိၣ်ဒီးတၢ်တိစၢၤမၤစၢၤတဖၣ် လၢအဆီၣ်ထွဲ ပှၤတဂၤဘၣ်တဂၤလၢတၢ်လိၣ်လီၤဆီတဖၣ်န့ၣ်လီၤ. ပအိၣ်ဖဲအံၤ လၢကမၤလီၤတံၢ်လၢနအိၣ်ဒီး - 

  • တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီ လၢကမ့ၢ်နနီၢ်တဂၤပှၤနဲၣ်ကျဲ ဒီးမၤစၢၤနၤလၢတၢ်ဃုထံၣ်နလီၢ်လၢဆူၣ်ချ့တၢ်ကွၢ်ထွဲတၢ်မၤကျဲအပူၤ 
  • တၢ်မၤစၢၤလၢနကဒိးန့ၢ်တၢ်တိစၢၤမၤစၢၤလၢနလိၣ်ခဲလၢာ် 
  • ဆီၣ်ထွဲလၢ ပှၤဂ့ၢ်ဝီတၢ်လိၣ်တဖၣ် ဒ်သိးတၢ်သူၣ်ထီၣ်ဟံၣ်, တၢ်မၤအခွဲးအယာ်တဖၣ် ဒီးဆူၣ်ချ့တၢ်အီၣ် 
  • မၤစၢၤလၢ နဒိးန့ၢ်တၢ်ဒိးလၢ တၢ်လဲၤတၢ်က့ၤဆူ ဆူၣ်ချ့တၢ်ကွၢ်ထွဲတၢ်သ့ၣ်ဆၢဖးကတီၢ်တၢ်ထံၣ်လိာ်သးတဖၣ် 
  • တၢ်ဖိတၢ်လံၤတဖၣ်လၢ အက့ၢ်အဂီၤလၢနလိၣ်ဘၣ်အပူၤ

ပဟ့ၣ်စ့ၢ်ကီး မဲတၢ်ကွၢ်ထွဲတီၤထီလီၤဆီလၢ ပကရူၢ်ဖိတဖၣ်လၢအိၣ်ဒီး စ့ၣ်တၢ်သ့ၣ်ညါတၢ်ဂ့ၢ်ကီတဖၣ်န့ၣ်လီၤ. ဝံသးစူၤဆဲးကျိး ကရူၢ်ဖိတၢ်တိစၢၤမၤစၢတဖၣ်ပီၢ်ရီ ဒ်သိးကမၤလိတၢ်အါထီၣ်အဂီၢ်တက့ၢ်.

ကလ့ၢ်တၢ်ဆါတၢ်ကွၢ်ထွဲ

ကလ့ၢ်တၢ်ဆါမ့ၢ် ဆူၣ်ချ့တၢ်အိၣ်သးလၢအဆူၣ်နးန့ၣ်လီၤ. ဖဲနကလ့ၢ်တမၤတၢ်လၢၤဘၣ်န့ၣ် တၢ်ကူစါယါဘျါဘၣ်ဆၢဘၣ်ကတီၢ်တဖၣ် လၢပှၤကိးအီၤလၢ တၢ်သ့စီကလ့ၢ် မ့တမ့ၢ်တၢ်ထၢနုာ်နီၢ်ခိယူာ်ပျဲၤခၢၣ်စးတဖၣ် လိၣ်ဝဲလၢကအိၣ်မူအဂီၢ်န့ၣ်လီၤ. တၢ်သ့စီမၤကဆှီန့ၣ် စူးကါဝဲစဲးတမံၤ လၢကသ့ဆီသွံၣ် ဒ်သိးကလ့ၢ်ဆူၣ်ချ့တဖၣ်မၤတၢ်န့ၣ်လီၤ.

ပတၢ်တိာ်ကျဲၤတဖၣ်န့ၣ်ပၣ်ဃုာ်ဒီး -

  • တၢ်မၤကဆှီသွံၣ်.
  • တၢ်ဟ့ၣ်ကသံၣ်ကသီတဖၣ်.
  • ဆူၣ်ချ့တၢ်ကူၣ်သ့ဒီးတၢ်ဆီၣ်ထွဲ
  • တၢ်ကူးကွဲးမၤပှဲၤက့ၤနီၢ်ခိယူာ်ပျဲၤဖဲအလိၣ်ဘၣ်

တၢ်မၤကွၢ်ဒၢးတဖၣ် ဒီးယဲၤဖျါ

တၢ်သ့ၣ်ညါတၢ်လၢကမၣ် ဒီးတၢ်ဃုထံၣ်အီၤဆိဆိန့ၣ် ဒုးကဲထီၣ်တၢ်ဆီတလဲခဲလၢာ်သ့န့ၣ်လီၤ. ပတၢ်တိာ်ကျဲၤန့ၣ်အုၣ်ကီၤဝဲလၢ -

  • တၢ်မၤကွၢ်ဒၢးတဖၣ် ဒီးတၢ်စဲးကွၢ်
  • ယဲၤဖျါ, ကွၢ်နီၢ်ကစၢ်ခီဖျိလီယဲၤဘ့ၣ်ဂီၤဖျါဒီး စဲးဒုးဖျါက့ၢ်ဂီၤအဂုၤအဂၤဖၣ်လီၤႉ

ပကမၤစၢၤနၤ ဒ်သိးနကဒိးန့ၢ်တၢ်ကစီၣ်ဂ့ၢ်ကျိၤလၢလိၣ်ဘၣ် ဒ်သိးကမၤဂ့ၤထီၣ်နဆူၣ်ချ့မ့တမ့ၢ် အိၣ်ဒီးနတၢ်အိၣ်မူအဂ့ၤကတၢၢ်န့ၣ်လီၤ.

ကျိာ်တၢ်မၤစၢၤ

နၤဒီးနကသံၣ်သရၣ်န့ၣ် လိၣ်လၢကနၢ်ပၢၢ်လိၣ်သးန့ၣ်လီၤ. တကတိၤတၢ် အဲကလံးကျိာ် ဂ့ၤဂ့ၤဘၣ်ဘၣ်န့ၣ် မၤကီမၤခဲအီၤန့ၣ်လီၤ. ပသုးကျဲၤန့ၢ်နၤ ပှၤကတိၤကျိာ်ထံဆူၣ်ချ့ ဒ်သိးကအိၣ်လၢနတၢ်သ့ၣ်ဆၢဖးကတီၢ်ထံၣ်လိာ်သးတဖၣ်အဂီၢ်န့ၣ်လီၤ.

ပအိၣ်စ့ၢ်ကီးဒီး တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီ လၢကတိၤသ့အါန့ၢ်ကျိာ်တမံၤန့ၣ်လီၤ. တၢ်ခွဲးတၢ်ယာ်လၢအဂ့ၤတဖၣ်မ့ၢ်ဝဲ, ပအိၣ်ဒီးပှၤတဂၤဂၤလၢအကတိၤတၢ်လၢ နကျိာ်နကျာ် မ့တမ့ၢ် အဝဲသ့ၣ်ကတိၤတၢ်ဒီးနၤခီဖျိ ပတၢ်ကျိာ်ထံကတိၤတၢ်တိစၢၤမၤစၢၤလၢ အအိၣ်အါန့ၣ်ဒ်ကျိာ် 170 ခါန့ၣ်လီၤႉ

တၢ်ကွၢ်ဃုသမံသမိးတၢ်ဆါဘၣ်ဃးစၢၢ်လၢဖိသၣ်တဖၣ်

တၢ်ဘၣ်စၢၢ်တၢ်စုၣ်တၢ်ပျၢ်န့ၣ်လီၤပျံၤလီၤဖုးန့ၣ်လီၤ. မ့ၢ်တဘၣ်တၢ်ကူစါယါဘျါအီၤလၢ ဖိသၣ်ဆံးတဖၣ်န့ၣ် အဝဲန့ၣ်ဒုးကဲထီၣ်တၢ်ဂ့ၢ်ကီယံာ်ထၢတဖၣ်သ့န့ၣ်လီၤ. စၢၢ်န့ၣ်ပှၤထံၣ်အီၤသ့လၢ -  

  • ကသံၣ်ဖှူ 
  • ဟီၣ်ခိၣ်ညၣ် 
  • ဖၣ်ကမူၣ် 
  • ကလံၤ 
  • တၢၢ်သပၢၤ

တၢ်စဲးကွၢ်သွံၣ်လီၤဆီန့ၣ် ဘၣ်တၢ်ဃ့ထီၣ်မၤလိာ်လၢ နကသံၣ်သရၣ်ဒ်သိးကခံကွၢ်စီကွၢ်တၢ်ဘၣ်စၢၢ်တၢ်စုၣ်တၢ်ပျၢ်န့ၣ်လီၤ. တၢ်စဲးကွၢ်အံၤန့ၣ် ပှၤညီနုာ်မၤအီၤလၢ အသးအိၣ် 6 လါ ဒီး 2 နံၣ်အဘၢၣ်စၢၤန့ၣ်လီၤ. နဖိမ့ၢ်တဘၣ်တၢ်စဲးကွၢ်ဒံးဘၣ်ဒီး ဘၣ်သ့ၣ်သ့ၣ်နကသံၣ်သရၣ်ကသးအိၣ်စဲးကွၢ်ထၢ် တုၤလၢအသးအိၣ် 6 နံၣ်န့ၣ်လီၤ. ဘၣ်သ့ၣ်သ့ၣ်ကလိၣ်ဘၣ်တၢ်စဲးကွၢ်အဂၤတဖၣ် ဖဲနဖိန့ၣ်ဘၣ်တၢ်စဲးကွၢ်ဒီးဖျါလၢ စၢၢ်အိၣ်လၢအနီၢ်ခိပူၤန့ၣ်လီၤ. လၢတၢ်ကစီၣ်ဂ့ၢ်ကျိၤအါထီၣ်အဂီၢ်, ဆဲးကျိးဆူနကရူၢ်ဖိတၢ်တိစၢၤမၤစၢၤတဖၣ်ပီၢ်ရီၢ်န့ၣ်တက့ၢ်. နကတိၤတၢ်သ့စ့ၢ်ကီးဒီး နဖိအကသံၣ်သရၣ် လၢအဝဲသ့ၣ်ဆူၣ်ချ့တၢ်ကွၢ်ပှၤဆါလၢခံတဘျီန့ၣ်လီၤ.

ကသံၣ်ကသီတဖၣ်

တၢ်ဒိးန့ၢ်ကသံၣ်လၢတၢ်မၤလိာ်အီၤတဖၣ်န့ၣ် တၢ်အကါဒိၣ်တမံၤလၢ ဆူၣ်ချ့တၢ်ကွၢ်ထွဲန့ၣ်လီၤ. နကသံၣ်သရၣ်မ့ၢ်မၤလိာ်ကသံၣ်တမံၤ လၢတၢ်ကွဲးရဲၣ်ဃာ်လၢ နတၢ်တိာ်ကျဲၤအကသံၣ်ကသီတဖၣ်လၢတၢ်အုၣ်ကီၤဃာ်စရီ (LOCD) န့ၣ် အဝဲန့ၣ်ဘၣ်တၢ်အုၣ်ကီၤဃာ်အီၤလီၤ. မ့ၢ်နကသံၣ်ကသီန့ၣ်တဘၣ်တၢ်ထၢနုာ်အီၤလၢ LOCD စရီပူၤဘၣ်ဒီး, နတၢ်ကွၢ်ထွဲပှၤမၤစၢၤဖံးမၤတၢ်န့ၣ်ကဃ့ထီၣ်လၢကသံၣ်ကသီအဂၤတမံၤလၢနဂီၢ်လၢအဘၣ်တၢ်ထၢနုာ်အီၤလၢ LOCD စရီပူၤန့ၣ်လီၤ. UnitedHealthcare ပှၤတ၀ၢတၢ်တိာ်ကျဲၤဟ့ၣ်ဃာ်စ့လၢကသံၣ်ကသီတဖၣ်လၢအအိၣ်လၢစရီအဖီခိၣ်,ပၣ်ဃုာ်ဒီးကသံၣ်ကသီလီၤတံၢ်တဖၣ်လၢအအိၣ်လၢတၢ်ပှ့ၤကသံၣ်အလီၢ်,ကသံၣ်ကသီတဖၣ်လၢအဆိကတီၢ်တၢ်အီမိာ်, ဒီးတၢ်ဆံၣ်ဆၢတၢ်ဆါကသံၣ်ကသီတဖၣ်န့ၣ်လီၤ. တၢ်တိာ်ကျဲၤန့ၣ်ကဟ့ၣ်၀ဲတၢ်အဘူးအလဲ လၢကသံၣ်ကသီအဂၤတဖၣ် လၢအဘၣ်တၢ်အၢၣ်လီၤတူၢ်လိာ်လၢအဂံၢ်ခိၣ်န့ၣ်လီၤ. 

နဟံးန့ၢ် တၢ်မၤလိာ်ကသံၣ်တဖၣ် ဘၣ်တၢ်မၤပှဲၤအီၤ လၢကယဲၢ်ကသံၣ်ကျးခဲလၢာ် လၢပပှာ်ဘျးစဲအပူၤန့ၣ်လီၤ. အဝဲသ့ၣ်အါမးန့ၣ် အိးထီၣ် တနံၤ 24 နၣ်ရံၣ်, တနွံ 7 သီန့ၣ်လီၤ. ကသံၣ်ကျးစရီအဂီၢ်, စူးကါနပှၤဟ့ၣ်တၢ်မၤစၢၤ လံာ်နဲၣ်ကျဲ မ့တမ့ၢ် လဲၤဆူ myuhc.com/CommunityPlan/MN တက့ၢ်.

နမ့ၢ်အိၣ်ဒီးတၢ်ဂ့ၢ်ကီလၢ တၢ်ဒိးန့ၢ်နကသံၣ်မၤလိာ် လၢတၢ်မၤနၣ်ရံၣ်ညီနုာ်တဖၣ်န့ၣ် ကိးကရူၢ်ဖိတၢ်တိစၢၤမၤစၢၤတဖၣ်တက့ၢ်. နမ့ၢ်အိၣ်ဒီးတၢ်ဂ့ၢ်ကီလၢ တၢ်ဒိးန့ၢ်နကသံၣ်မၤလိာ် လၢတၢ်မၤနၣ်ရံၣ်ညီနုာ်တဖၣ်, လၢနွံကတၢၢ်တဖၣ်, မ့တမ့ၢ်အိၣ်ဘှံးသီတဖၣ်န့ၣ် မၢနပပှၤဖီၣ်ကသံၣ် ကိးကသံၣ်ကျးတၢ်မၤစၢၤလီၢ်တက့ၢ်.

90 မုၢ်နံၤကသံၣ်ကသီတၢ်န့ၢ်ဘျုး
ကရူၢ်ဖိတဖၣ်န့ၣ် မၤပှဲၤ အသီ - 90 တၢ်ဆှၢဟ့ၣ်လၢ တၢ်ဃုထၢတၢ်အံးထွဲကွၢ်ကီတၢ်ဟ့ၣ်ကသံၣ် လၢတၢ်ကစဲးကစီးတၢ်ဆါကျးန့ၣ်လီၤ. တၢ်ဃုထၢတၢ်အံးထွဲကွၢ်ကီတၢ်ဟ့ၣ်ကသံၣ်တဖၣ်န့ၣ် ညီနုာ်မ့ၢ်ဝဲ တၢ်ဟ့ၣ်ကသံၣ်တဖၣ်လၢ နအီဘၣ်ဆၢဘၣ်ကတီၢ် လၢတၢ်ဆါယံာ်ထၢ မ့တမ့ၢ်တၢ်အိၣ်သးယံာ်ထၢတဖၣ်အဂီၢ်န့ၣ်လီၤ.  

မ့ၢ်အိၣ်ဒီးအသီ - 90 တၢ်ဆှၢဟ့ၣ်န့ၣ် နတလိၣ်လၢကဒိးန့ၢ်တၢ်မၤပှဲၤကိးလါဒဲးဘၣ်. ကဃုထံၣ်တၢ်ဂ့ၢ်ဆံးကိာ်အဂၤတဖၣ်အဂီၢ် ကတိၤတၢ်ဒီးနကသံၣ်သရၣ် မ့တမ့ၢ်ပှၤဖှီၣ်ကသံၣ်တက့ၢ်. လၢကသံၣ်ကသီစရီအလၢပှဲၤ လၢအပၣ်ဃုာ်လၢတၢ်န့ၢ်ဘျုးအံၤအပူၤအဂီၢ်, ကိး ကရၢဖိတၢ်မၤစၢၤတဖၣ်ဖဲ 1-888-269-5410, TTY 711 န့ၣ်တက့ၢ်.

90 မုၢ်နံၤတၢ်ဆှၢဟ့ၣ်ကသံၣ်ကသီစရီ

Nurse Hotline (တၢ်ကွၢ်ထွဲပှၤဆါအဂ့ၢ်ဂီၢ်အူလီၤကျိၤ)

ကသံၣ်ကသီတၢ်သံကွၢ်တဖၣ် ဒီးတၢ်အိၣ်သးတဖၣ်န့ၣ် တဘျီတခီၣ်အိၣ်ထီၣ်လၢ တၢ်ဆၢကတီၢ်လၢတဘၣ်ဘျိးဘၣ်ဒါတဖၣ်န့ၣ်လီၤ. ဖဲနအိၣ်ဒီးတၢ်သံကွၢ်တဖၣ်ဘၣ်ဃးနဆူၣ်ချ့န့ၣ် နကိးသ့နၢး(စ)ပှၤထွဲပှၤဆါတဂၤ တနံၤ 24 နၣ်ရံၣ်, တနွံ 7 သီ - 1-800-718-9066, TTY 711.

ပနၢး(စ)ကွၢ်ထွဲပှၤဆါတဖၣ်န့ၣ် က -

  • ဒိကနၣ်တၢ်ဆါပနီၣ်တဖၣ်.
  • မၤစၢၤတၢ်ဒီးနီၢ်ကစၢ်တၢ်ကွၢ်ထွဲ.
  • ဟ့ၣ်ကူၣ်နၤဘၣ်ဃး တၢ်ဒိးန့ၢ်တၢ်ကွၢ်ထွဲလၢကသံၣ်သရၣ်ကွၢ်ထွဲပှၤဆါ မ့တမ့ၢ်တၢ်ကွၢ်ထွဲချ့ချ့လီၢ်ခၢၣ်သး.
  • မၤစၢၤနၤလၢကသ့ၣ်ညါ တၢ်ဆၢကတီၢ်လၢကဘၣ်လဲၤဆူဂ့ၢ်ဂီၢ်အူဒၢး.

လီတဲစိတၢ်တိစၢၤမၤစၢၤတဖၣ်

နလိၣ်ဘၣ်လီတဲစိစိာ်စုတဖျၢၣ်ဧါ. ဘၣ်သ့ၣ်သ့ၣ်နကကြၢးဘၣ်ဒီး တလါဘၣ်တလါပျံၤထံးတအိၣ်တၢ်တိစၢၤမၤစၢၤအပှ့ၤကလီန့ၣ်လီၤ. SafeLink မ့ၢ်ဝဲတၢ်ရဲၣ်တၢ်ကျဲၤတခါလၢ ဘၣ်တၢ်ဟ့ၣ်အီၤလၢ TracFone Wireless န့ၣ်လီၤ. နုာ်လီၤကွၢ် www.safelinkwireless.com လၢတၢ်ကစီၢ်ဂ့ၢ်ကျိၤအါထီၣ်အဂီၢ်န့ၣ်တက့ၢ်.

တၢ်တိစၢၤမၤစၢၤတဖၣ်လၢကရူၢ်ဖိအဂီၢ်ပီၢ်ရီန့ၣ် မၤစၢၤနၤသ့စ့ၢ်ကီးလၢ အဲးပလံာ်က့ရှ့အံၤန့ၣ်လီၤ.

မၤကတၢၢ်ကွံာ်တၢ်စူးကါညါသး မ့တမ့ၢ်တၢ်အီအံာ်လဲးထြီနံးမိာ်ပနံာ်တဖၣ်

တၢ်မၤကတၢၢ်န့ၣ်ကီခဲဝဲ ဘၣ်ဆၣ်ပမၤစၢၤသ့န့ၣ်လီၤ. ဖဲနမၤကတၢၢ်အီၤဝဲ 20 မံးနံးန့ၣ် နသးဖျၢၣ်စံၣ်အယီၣ်န့ၣ် လီၤတဲာ်ဆူညီနုာ်ပတီၢ်န့ၣ် နသ့ၣ်ညါဧါ. ဒီးလၢ 24 နၣ်ရံၣ်အတီၢ်ပူၤ ဖဲနမၤကတၢၢ်ကွံာ်န့ၣ် ကဘိၣ်မိၣ်နီးဆဲးပတီၢ် လၢနသွံၣ်ပူၤန့ၣ် လီၤတဲာ်ဆူညီနုာ်န့ၣ်လီး.

ကတိၤတၢ်ဒီးနကသံၣ်သရၣ် ဘၣ်ဃးဒီးတၢ်မၤကတၢၢ်န့ၣ်တက့ၢ်. မ့တမ့ၢ် ဆဲးကျိး 1-800-QUIT-NOW (1-800-784-8669) ဒ်သိးကဒိးန့ၢ်ခီလီတၢ်ဟ့ၣ်တၢ်မၤလိ, တၢ်ဟ့ၣ်ကူၣ်တဲသကိးတၢ်ဒီးကသံၣ်ကသီတဖၣ် လၢအကမၤစၢၤနၤ လၢနကဆိကတီၢ်ဟးထီၣ်ကွံာ်အဂီၢ်န့ၣ်တက့ၢ်. တၢ်ဆိကတီၢ်ကွံာ် - ကသံၣ်ညါသူးတၢ်ဒီသဒၢဒီးတၢ်ပၢဆှၢရဲၣ်ကျဲၤ -Minnesota ၀ဲၤကျိၤဘၣ်ဃးဆူၣ်ချ့ (state.mn.us)

တၢ်ဆဲးကသံၣ်ဒီးကသံၣ်ဒီသဒၢတဖၣ်

တၢ်ဆဲးကသံၣ်ဘၣ်ဆၢဘၣ်ကတီၢ်တဖၣ်န့ၣ် မၤစၢၤဒီသဒၢနၤလၢတၢ်ဆူးတၢ်ဆါန့ၣ်လီၤ.

ပတၢ်တိာ်ကျဲၤန့ၣ်အုၣ်ကီၤဝဲလၢ -

  • တၢ်ဆဲးကသံၣ်ဒီးကသံၣ်ဒီသဒၢတဖၣ်န့ၣ် ဘၣ်တၢ်ဟ့ၣ်ကူၣ်အီၤလၢ န PCP န့ၣ်လီၤ.
  • တိးကွ့တၢ်ဆါတၢ်ဆဲးကသံၣ်တဖၣ်

တၢ်ကူစါယါဘျါတၢ်တိစၢၤမၤစၢၤတဖၣ်

နီၢ်ခိ,တၢ်မၤဒီးတၢ်ကတိၤတၢ်ကူစါယါဘျါန့ၣ် မၤစၢၤနၤသ့ ဒ်သိးနကအိၣ်မုာ်ထီၣ်က့ၤလၢ တၢ်ဘၣ်ဒိဘၣ်ထံး မ့တမ့ၢ်တၢ်ဆါဆူၣ်နး, မ့တမ့ၢ် နတုၤဆူတၢ်လၢနဒိးန့ၢ်သ့န့ၣ်လီၤ.

နကသံၣ်သရၣ်န့ၣ် ဃ့ထီၣ်မၤလိာ်တၢ်ကူစါယါဘျါလၢနဂီၢ် ဖဲလိၣ်ဘၣ်အခါန့ၣ်လီၤ. အဝဲန့ၣ်ပၣ်ဃုာ်ဒီး -

  • တၢ်ကူစါယါဘျါလၢတၢ်မၤလီၢ်
  • နီၢ်ခိတၢ်ကူစါယါဘျါ
  • တၢ်ကတိၤတၢ်ကူစါယါဘျါ
  • ဟံၣ်ပူၤတၢ်ကူစါယါဘျါ

ဆူၣ်ချ့တၢ်ကွၢ်ထွဲပှၤဆါတဖၣ်.

ဆူၣ်ချ့တၢ်ကွၢ်ထွဲပှၤဆါတၢ်ထံၣ်လိာ်သးလၢနကသံၣ်သရၣ်န့ၣ် မၤစၢၤနၤသ့ဒ်သိးနကအိၣ်မူဆူၣ်ချ့အဂီၢ်န့ၣ်လီၤ. တၢ်ကွၢ်ထွဲပှၤဆါဒ်အံၤတဖၣ်န့ၣ် ဃုထံၣ်ဆူၣ်ချ့တၢ်ဂ့ၢ်ကီတဖၣ်ဆိဆိသ့ ဒီးကူစါယါဘျါအီၤသ့န့ၣ်လီၤ. နကြၢးထံၣ်န PCP ကိးနံၣ်ဒဲးလၢဆူၣ်ချ့တၢ်သမံသမိးအဂီၢ် ဖဲနအိၣ်တဆူၣ်တကဲထီၣ် မ့တမ့ၢ်နတၢ်ဆါပနီၣ်တဖၣ်န့ၣ်အိၣ်လၢတၢ်ပၢၤဃာ်အဖီလာ်ဒၣ်လဲၣ်န့ၣ်လီၤ. တၢ်ဒီသဒၢတၢ်တိစၢၤမၤစၢၤတဖၣ်န့ၣ် ပၣ်ဃုာ်ဒီး -

  • တၢ်သမံသမိးဆူၣ်ချ့တၢ်အိၣ်သးတဖၣ် လၢပှၤဒိၣ်တုာ်ခိၣ်ပှဲၤဒီးဖိသၣ်တဖၣ်အဂီၢ်.
  • ဖိသၣ်ဆူၣ်ချ့တၢ်ကွၢ်ထွဲ.
  • တၢ်ကွၢ်ထွဲလၢမိၢ်လၢကအိၣ်ဖျဲၣ်ဖိတဖၣ်အဂီၢ်.
  • တၢ်ဆဲးကသံၣ်ဒီးတၢ်စဲးကွၢ်ဘၣ်ဆၢဘၣ်ကတီၢ်တဖၣ်
  • တၢ်သမံသမိးနုၢ်တဖၣ်.

တၢ်ဒီသဒၢတၢ်ကွၢ်ထွဲအဂီၢ်န့ၣ် တၢ်ဟ့ၣ်သဃဲၤအဘူးအလဲတအိၣ်နီၤတမံၤဘၣ်.

ကရူၢ်ဖိတၢ်အိၣ်ယၢၤတဖၣ်

ကွၢ်တၢ်အိၣ်ယၢၤတဖၣ်လၢပှၤဒိးန့ၢ်သ့ (အိးထီၣ်မိဒဲ(လ)ဝ့ဒိ)
Powered by Translations.com GlobalLink OneLink SoftwarePowered By OneLink