အိ … ဖျါလၢ နအ့ၣ်ထၢၣ်နဲးအသန့ထံးန့ၣ်အိၣ်လီၢ်လံၤဝဲလံ.
မ်ပကမၤသီထီၣ်နအ့ၣ်ထၢၣ်နဲးအသန့ထံး အဃိဒီး နစူးကါပှာ်ယဲၤသန့လၢအချ့ဒီးဘံၣ်ဘၢအဂီၢ်န့ၣ်တက့ၢ်.
တၢ်ကွၢ်ထွဲလၤက့ၤနနီၢ်ကစၢ်
အအံၤမ့ၢ် တၢ်ဆိကမိၣ်တနီၤ လၢကဘၣ်မၤဒ်လဲၣ် ဒ်သိးတၢ်သုတဘျဲသး ဖဲနမ့ၢ်မၤကွၢ်သးဖျါဒီးတၢ်ဆါဃၢ် န့ၣ်လီၤႋ
ပာ်လီၤသးကျၢၤမုဆှုဒီးအိၣ်လၢဟံၣ်တက့ၢ်ႋ
မၤကွၢ်တၢ်လၢအသီအသီတက့ၢ်ႋ ဖီအီၣ်တၢ်လၢအသီတမံၤ ဒိပာ်တၢ်ဂီၤတဖၣ် ဂဲၤလိာ်ကွဲတၢ်ဘ့ၣ်ဘၣ်အတၢ်လိာ်ကွဲတဖၣ် မၤကဆှီနကူနသိး မၤတၢ်စုသ့ခီၣ်ဘၣ် ဒိကနၣ်တၢ်သး၀ံၣ်အမုာ် ဒီးကွဲးနီၣ်လီၤတၢ်လၢနအဲၣ်ဒိးမၤအီၤ ဖဲတၢ်ခဲလၢာ်အိၣ်ဘၣ်က့ၤလၢ "အညီနုၢ်" အခါန့ၣ်တက့ၢ်ႋ
ဆဲးကျၢဆဲးကျိးလိာ်ပှၤႋ
မ့ၢ်တၢ်ဆၢကတီၢ်အဂ့ၤကတၢၢ်လၢကထံၣ်ဘၣ်တံၤသကိးလီၢ်လံၤတဖၣ်မၤတၢ်မနုၤလဲၣ်ဒီးဘူးတံၢ်လၢလီၢ်ယံၤခီတုၤအဂီၢ်န့ၣ်လီၤႋ ထံၣ်လိာ်သးဒီးဟံၣ်ဖိဃီဖိလၢလီၢ်ယံၤခီတုၤခီဖျိပှာ်ယဲၤကျိၤကျဲ လၢ Zoom မ့တမ့ၢ် တၢ်ထံၣ်လိာ်သးလၢအ့ထၢၣ်နဲးကျိၤကျဲ အဂၤ တက့ၢ်ႋ တၢ်တူၢ်ဘၣ်လၢအိၣ်ဘူးအိၣ်တံၢ်ဘၣ်လိာ်သးန့ၣ် ဟ့ၣ်ဆူၣ်ထီၣ်နသးသ့န့ၣ်လီၤႋ
မၤဟူးဂဲၤနနီၢ်ခိတက့ၢ်ႋ
တၢ်မၤဟူးမၤဂဲၤနီၢ်ခိ မၤမုာ်ထီၣ်နသးဒီးဆီၣ်ထွဲမၤစၢၤ နနီၢ်ခိဂံၢ်တြီဆၢအတၢ်ဖံးတၢ်မၤ သ့န့ၣ်လီၤႋ ဟးလိာ်ကွဲလၢဟံၣ်ဘူးဃီတုၤ (ဘၣ်ဆၣ်မၤလီၤတံၢ်လၢကအိၣ်စီၤစုၤယံၤလိာ်သး) တက့ၢ်ႋ ဂဲၤယူာ်ထီၣ်သးဒီးဂဲၤလိယိကၣ်တက့ၢ်ႋ ဃ့ၢ်လိာ်ကွဲကယီကယီ မ့တမ့ၢ် ဂဲၤကလံၣ်လိာ်ကွဲလၢနဒၢးပူၤတက့ၢ်ႋ နကွၢ်ဘၣ်လၢ တၢ်ဂဲၤနီၢ်ခိတၢ်ဟူးတၢ်ဂဲၤလၢဟံၣ်ပူၤ အတၢ်အိၣ်ယၢၤတဖၣ် လၢနဆူၣ်ချ့ဂ့ၢ်၀ီတၢ်ရဲၣ်တၢ်ကျဲၤပူၤ သ့ခီဖျိ တၢ်နုာ်လီၤဆူနဆူၣ်ချ့ဂ့ၢ်၀ီတၢ်ရဲၣ်တၢ်ကျဲၤ အပှာ်ယဲၤသန့ န့ၣ်လီၤႋ
အီၣ်တၢ်ကဲဘျုးလၢတၢ်အိၣ်ဆူၣ်အိၣ်ချ့ဒီးအီၣ်ကွၢ်တၢ်အီၣ်လၢအသီတက့ၢ်ႋ
အီၣ်နတၢ်သူးတၢ်သၣ် တၢ်ဒိးတၢ်လၣ်ဒီးတၢ်အီၣ်အစှဲတက့ၢ်ႋ တၢ်အီၣ်တၢ်ကဲဘျုးလၢတၢ်အိၣ်ဆူၣ်အိၣ်ချ့ဂီၢ် မ့ၢ်ကျဲအဂ့ၤတဘိလၢ အမၤစၢၤဘၣ်နနီၢ်ခိဂံၢ်တြီဆၢ အတၢ်ဖံးတၢ်မၤအဂီၢ်န့ၣ်လီၤႋ အီၣ်ကွၢ် ကံၢ်၀ံၢ်သၣ် မ့တမ့ၢ် တၤသၣ်ချံအဂၤတဖၣ် မ့တမ့ၢ် ခၠီးကလဲးအသူ တက့ၢ်ႋ ကမၤဆူၣ်ထီၣ်နဂံၢ်နဘါဒီးမၤမုာ်ထီၣ်သးသ့စ့ၢ်ကီးန့ၣ်လီၤႋ
ကွၢ်ထွဲဒီသဒၢလီၤက့ၤနသးဒီးပှၤဂၤဆူညါတက့ၢ်ႋ
လၢတၢ်မၤပိာ်ထွဲကျဲပတီၢ်တဖၣ်အံၤ ပ၀ဲတဖၣ် မၤသကိးတၢ် ဒ်သိးကမၤစှၤလီၤစၢၤဘဲရၢးအတၢ်ရၤလီၤသး သ့န့ၣ်လီၤႋ
- မၤလိဘၣ် တၢ်သ့ကဆှီစု လၢဘၣ်အကျဲ ထီဘိတက့ၢ်ႋ မ့ၢ်တၢ်အကါဒိၣ်လၢ ကသ့ကဆှီနစု ဒီးဆးပၠၣ်လၢ 20မံးနံး ဖဲနဟဲက့ၤဆူကမျၢၣ်တၢ်လီၢ်တၢ်ကျဲတဖၣ် မ့တမ့ၢ် ကဆဲ မ့တမ့ၢ် ကူး၀ံၤလီၢ်ခံန့ၣ်လီၤႋ ဒ်န့ၣ်အသိး မၤလီၤတံၢ်လၢကသ့ကဆှီနစု ဖဲနကတဲာ်ကတီၤဒီးအီၣ်တၢ်အီၣ်တၢ်အီအခါန့ၣ်တက့ၢ်ႋ
- မၤကဆှီဒီးမၤသံတၢ်ဃၢ်လၢတၢ်မဲာ်ဖံးခိၣ်တဖၣ် လၢနဖီၣ်ဘၣ်အီၤကိးနံၤဒဲး ဒ်အမ့ၢ် စီၢ်နီၤခိၣ် ပဲတြီစုဖီၣ် ဒီးထံနီၣ်၀ံာ်တဖၣ် တက့ၢ်ႋ
- မၤဘၢနထးခိၣ်ဒီးနါဒ့ လၢတၢ်ကးဘၢမဲာ် ဖဲနအိၣ်လၢပှၤဂၤအသိးအကျါတက့ၢ်ႋ
အိၣ်ဘှံးအိၣ်သါတက့ၢ်ႋ
တၢ်မံၤဘၣ်မုာ်မုာ်န့ၣ်မ့ၢ်တၢ်အိၣ်ဆူၣ်အိၣ်ချ့အကျဲလၢအဂ့ၤန့ၣ်လီၤႋ ဟံးတၢ်ဆၢကတီၢ်မၤကယီလီၤသး ကသါဒီးမံဘၣ်မုာ်မုာ်တက့ၢ်ႋ တၢ်အိၣ်ဘှံးအိၣ်သးလၢအဂ့ၤ မၤတၢ်လၢနဂီၢ်သ့လီၤကမၢကမၣ်ဒိၣ်မးန့ၣ်လီၤႋ
ကဒိးန့ၢ်ဘၣ် တၢ်ဆိၣ်ထွဲမၤစၢၤသးဂ့ၢ်၀ီတၢ်ဆါ တဘျီဃီဒ်လဲၣ်
နမ့ၢ်လိၣ်ဘၣ်တၢ်မၤစၢၤတဘျီဃီ - လၢနနီၢ်ကစၢ်ဂီၢ် မ့တမ့ၢ် ပှၤလၢနအဲၣ် အဂီၢ် - ကိးလီတဲစိ 911 မ့တမ့ၢ် စူးကါဂ့ၢ်ဂီၢ်အူလီတဲစိနီၣ်ဂံၢ်လၢလာ် တက့ၢ်ႋ
National Suicide Prevention Lifeline (ထံလီၢ်ကီၢ်ပူၤတၢ်ဒီသဒၢတၢ်မၤသံလီၤသးဂ့ၢ်ဂီၢ်အူလီကျိၤ) |
||
1-800-799-7233 |
1-800-273-8255 |
|
| နမ့ၢ်ဆိကမိၣ်လၢနၤ မ့တမ့ၢ် ပှၤလၢနအဲၣ်တဂၤ မ့ၢ်တူၢ်ဘၣ် တၢ်စဲကသံၣ်မူၤဘှီးအက့ၢ်ပနီၣ်တဖၣ်န့ၣ် ကိးလီတဲစိ တၢ်ဘံၣ်တၢ်ဘၢဂ့ၢ်ဂီၢ်အူလီကျိၤ လၢကမၤန့ၢ်ဘၣ် 24/7တၢ်ဆီၣ်ထွဲမၤစၢၤ ဒီးတၢ်နဲၣ်ကျဲ ဘၣ်ဃးတၢ်ကူစါယါဘျါအကျဲ ဒီးတၢ်အုၣ်ကီၤလုၢ်ဘၢ န့ၣ်တက့ၢ်ႋ | ကိးလီတဲစိလၢ တၢ်နုာ်လီၤကျဲၤဃူဖိးတၢ်နးတၢ်ဖှီၣ် တၢ်ဂ့ၢ်တၢ်ကျိၤ ဒီးတၢ်ဆှၢခီတၢ်ဂ့ၢ် ဆူလီၢ်က၀ီၤတၢ်ဖံးတၢ်မၤသနၢၣ် လၢပှၤတူၢ်ဘၣ်ဟံၣ်ပဓီၤဃီပူၤတၢ်စုဆူၣ်ခီၣ်တကး အဂီၢ်တက့ၢ်ႋ | နၤ မ့တမ့ၢ် ပှၤနသ့ၣ်ညါတဂၤဂၤ မ့ၢ်အိၣ်ဘၣ်လၢ တၢ်ကမၤသံလီၤသးအတၢ်ကီတၢ်ခဲပူၤ မ့တမ့ၢ် တူၢ်ဘၣ်သးတၢ်ဆိကမိၣ်လီၤဘှံးလီၤတီၤန့ၣ် ကိးန့ၢ်ဂ့ၢ်ဂီၢ်အူတၢ်မၤစၢၤတဘျီဃီတက့ၢ်ႋ ဆဲးကျၢ ပ့ၢ်ဆှါလီၤကျိၤ လၢ 24/7 တလၢာ်ဘူးလဲဒီး တၢ်ဘံၣ်တၢ်ဘၢတၢ်ဆီၣ်ထွဲမၤစၢၤဒီးတၢ်နုာ်လီၤကျဲၤဃူဖိးတၢ်နးတၢ်ဖှီၣ် တက့ၢ်ႋ |
တၢ်တဟံးန့ၢ်မူဒါ
တၢ်န့ၢ်ဘျုး လၢတၢ်ပာ်ဖျါအဂ့ၢ် လၢပှာ်ယဲၤသန့အံၤ တဲဖျါ၀ဲဒၣ်လၢ ကီၢ်စၢဖှိၣ်တၢ်သိၣ်တၢ်သီတဖၣ်ဒီး UnitedHealthcare ထံလီၢ်ကီၢ်ပူၤကျဲသနူ တၢ်န့ၢ်ဘျုးအဂုၤဂၤ အိၣ်လၢကီၢ်စဲၣ်တနီၤနီၤ ဒီးအိၣ်လၢတၢ်ရဲၣ်တၢ်ကျဲၤတနီၤနီၤ အဂ့ၢ်န့ၣ်လီၤႋ
ကဘျံးပၤအံၤ ပာ်ဖျါ၀ဲဒၣ်တၢ်န့ၢ်ဘျုးလၢပဟ့ၣ်ဘၣ်ကရၢဖိကိးဂၤဒဲး လၢကီၢ်စဲၣ်ခဲလၢာ်တဖၣ်န့ၣ်လီၤႋ အဝဲသ့ၣ်ပၣ်ဃုာ်စ့ၢ်ကီးဒီးဖဲၣ်ဒရၢၣ်ကီၢ်စၢဖှိၣ်အတၢ်လိၣ်တဖၣ်န့ၣ်လီၤ. တၢ်န့ၢ်ဘျုးအါထီၣ်တဖၣ်ဘၣ်သ့ၣ်သ့ၣ်ကအိၣ်ဝဲဖဲကီၢ်စဲၣ်တနီၤနီၤအပူၤဒီးဖဲတၢ်တိာ်ကျဲၤတနီၤနီၤအဖီလာ်န့ၣ်လီၤ. ပဒုးအိၣ်ထီၣ်တၢ်သိၣ်တၢ်သီတၢ်ဘျၢဒီးတၢ်ဖံးတၢ်မၤတဖၣ်လၢတၢ်ကစူးကါဝဲဖဲပတၢ်ဖိတၢ်လံၤတနီၤနီၤအဂီၢ်ဖဲဆၢကတီၢ်အံၤန့ၣ်လီၤ. တၢ်ဂ့ၢ်တၢ်ကျိၤအံၤမ့ၢ်ဝဲတၢ်ဂ့ၢ်ကျၢၢ်တံၢ်ဒီးကအိၣ်ဒီးတၢ်ဆီတလဲသ့ၣ်သ့ၣ်န့ၣ်လီၤ. တၢ်ဂ့ၢ်တၢ်ကျိၤအဂုၤဂၤ ဆဲးကျၢနစရီအပှၤခၢၣ်စး မ့တမ့ၢ် ကိးလီတဲစိနီၣ်ဂံၢ်အိၣ်လၢနကရၢဖိ ID ခးတက့ၢ်ႋ
