Medicare မ့ၢ်၀ဲဒၣ် ကီၢ်စၢဖှိၣ်ဆူၣ်ချ့ဂ့ၢ်၀ီတၢ်အုၣ်ကီၤ အတၢ်တိာ်ကျဲၤ တမံၤန့ၣ်လီၤႋ အုၣ်ကီၤလုၢ်ဘၢ၀ဲဒၣ်ပှၤကမျၢၢ် 65 မ့တမ့ၢ် ပှၤသးပှၢ် ဒီးပှၤသးစၢ်တနီၤနီၤ လၢနီၢ်ခိက့ၢ်ဂီၤတလၢပှဲၤ မ့တမ့ၢ် အိၣ်ဒီးတၢ်အိၣ်သးအလီၤဆီ န့ၣ်လီၤႋ ဘၣ်သ့ၣ်သ့ၣ် နကနၢ်ဟူဘူဘၣ် 4 Medicare အကူာ်အဆၢ တဖၣ် လၢတၢ်သ့ၣ်ညါအီၤဒ်အမ့ၢ် Medicare အကူာ် A, B, C ဒီး D န့ၣ်လီၤႋ ဘၣ်ဆၣ် နသ့ၣ်ညအတၢ်လီၤဆီလိာ်သးဧါ မ့တမ့ၢ် တၢ်လၢအကူာ်အဆၢတခါစုာ်စုာ် အုၣ်လီၤလုၢ်ဘၢ၀ဲဒၣ် န့ၣ်ဧါႋ လံာ်တၢ်ကွဲးအံၤ တဲဒုးနၢ်ပၢၢ်၀ဲဒၣ် တၢ်ဖံးတၢ်မၤတဖၣ်လၢ Medicare အကူာ်အဆၢတမံၤစုာ်စုာ် အုၣ်ကီၤလုၢ်ဘၢ၀ဲဒၣ်န့ၣ်လီၤႋ နမ့ၢ်အိၣ်ဒီး Medicare ဒီး Medicaid ခံမံၤလၢာ်န့ၣ် ကမ့ၢ်တၢ်လၢအကဲဘျုးသ့ ဒီးနကကမၢကမၣ်ဘၣ် တၢ်လၢ Medicare အုၣ်ကီၤလုၢ်ဘၢ၀ဲဒၣ် ထိၣ်သတြဲၤဒီး နကီၢ်စဲၣ် Medicaid တၢ်ရဲၣ်တၢ်ကျဲၤ န့ၣ်လီၤႋ

Medicare အကူာ် A မ့ၢ်မနုၤလဲၣ် ဒီးအုၣ်ကီၤလုၢ်ဘၢတၢ်မနုၤလဲၣ်ႋ

Medicare အကူာ် A ကျၢၢ်ဘၢဝဲဒၣ်တၢ်မၤစၢၤတဖၣ်လၢနဒိးန့ၢ်ဘၣ်အီၤဒ်ပှၤဆါလၢထီၣ်တၢ်ဆါဟံၣ်ဖဲနအိၣ်ဖဲတၢ်ဆါဟံၣ်ပူၤအကတီၢ် မ့တမ့ၢ် တၢ်ကူစါအလီၢ်လၢအိၣ်ဒီးတၢ်အံးထွဲကွၢ်ထွဲအတၢ်သ့တၢ်ဘၣ်န့ၣ်လီၤ. တၢ်ဖံးတၢ်မၤတဖၣ်အံၤ ဘၣ်တၢ်ရဲၣ်ကျဲၤဟ့ၣ်လီၤခီဖျိ တၢ်အံးထွဲကွၢ်ထွဲအ၀ဲၤလီၢ်နီၢ်ကစၢ်ဒၣ်၀ဲ လၢပာ်ဃုာ်ဒီး-

• တၢ်အီၣ်တၢ်အီ
• တၢ်မၤကွၢ်တၢ်ဆါဃၢ်
• တၢ်ဒိအဲးစရ့
• တၢ်ကူးကွဲးယါဘျါဒီးတၢ်အိၣ်ဘှံးဘျါသးအဒၢး ဒီးအဂုၤဂၤ

တၢ်ဆါဟံၣ်ပတြီၢ် ဒီး ဆူၣ်ချ့မၤစၢၤတုၤဟံၣ်တုၤဃီ အတၢ်မၤစၢၤအဂၤတဖၣ် တၢ်အုၣ်ကီၤလုၢ်ဘၢစ့ၢ်ကီးအီၤ ခီဖျိ Medicare အကူာ် A န့ၣ်လီၤႋ

လၢကကွၢ်ဘၣ် တၢ်မနုၤလၢ Medicare အကူာ် A အုၣ်ကီၤလုၢ်ဘၢ၀ဲဒၣ်န့ၣ် ကွၢ်တၢ်ဂီၤမူလၢလာ်တက့ၢ်ႋ

Medicare အကူာ် Bမ့ၢ်မနုၤလဲၣ် ဒီးအုၣ်ကီၤလုၢ်ဘၢတၢ်မနုၤလဲၣ်ႋ

Medicare အကူာ် B ကျၢၢ်ဘၢဝဲဒၣ်ကသံၣ်သရၣ်တၢ်မၤစၢၤတဖၣ်ဒီးတၢ်ဒီသဒၢကွၢ်ထွဲန့ၣ်လီၤ. အဝဲန့ၣ်ပၣ်ဃုာ်ဒီး -

• တၢ်မၤစၢၤတဖၣ် ဒိးန့ၢ်ဘၣ်အီၤဖဲကသံၣ်သရၣ်တဂၤ ကူစါယါဘျါနၤလၢတၢ်ဆါဟံၣ်ပူၤ
• တၢ်ကွၢ်ထွဲအဆိအချ့ မ့တမ့ၢ် ဂ့ၢ်ဂီၢ်အူတၢ်ကူစါယါဘျါအဒၢး
• တၢ်ဒီးကွၢ်နီၢ်ခိတၢ်အိၣ်ဆူၣ်အိၣ်ချ့ဒီးတၢ်ထံၣ်လိာ်သးဒီးကသံၣ်သရၣ်လၢဘၣ်အဆၢကတီၢ်
• တၢ်ကွၢ်ထွဲဒီးတၢ်မၤကွၢ်လၢအဒီသဒၢပာ်စၢၤတၢ် ဒ်အမ့ၢ် တၢ်ဆဲးတိးကွ့တၢ်ဘၣ်သမုာ်အကသံၣ်ဒီသဒၢ တၢ်မၤကွၢ်မဲာ်ချံတၢ်ထံၣ်ဒီးတၢ်သမံထံမၤကွၢ်ခဲစၢၣ်

လၢကကွၢ်ဘၣ် တၢ်မနုၤလၢ Medicare အကူာ် A အုၣ်ကီၤလုၢ်ဘၢ၀ဲဒၣ်န့ၣ် ကွၢ်တၢ်ဂီၤမူလၢလာ်တက့ၢ်ႋ

Medicare အကူာ် C မ့ၢ်မနုၤလဲၣ် ဒီးအုၣ်ကီၤလုၢ်ဘၢတၢ်မနုၤလဲၣ်ႋ

Medicare အကူာ် C အုၣ်ကီၤလုၢ်ဘၢဃုာ် Medicare အကူာ် A ဒီး B ခံမံၤလၢာ် (တၢ်သ့ၣ်ညါစ့ၢ်ကီးဒ်အမ့ၢ် "ဂံၢ်ခီၣ်ထံး Medicare") န့ၣ်လီၤႋ အါစုအါဘျီ Medicare အကူာ် A ဒီး Medicare အကူာ် B တဖၣ်န့ၣ် ပာ်ဖှိၣ်ဃုာ်သးလၢတၢ်ရဲၣ်တၢ်ကျဲၤခါဃီအပူၤ တၢ်ကိးအီၤလၢ Medicare တၢ်ကဲဘျုးအတၢ်ရဲၣ်တၢ်ကျဲၤ န့ၣ်လီၤႋ

တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤ (တၢ်ကိးစ့ၢ်ကီးလၢ D-SNPs မ့တမ့ၢ် တၢ်လိၣ်ဘၣ်လီၤဆီအတၢ်ရဲၣ်တၢ်ကျဲၤကတြဲၤ) မ့ၢ်ဝဲ Medicare တၢ်ကဲဘျုး အတၢ်ရဲၣ်တၢ်ကျဲၤတကလုာ် န့ၣ်လီၤႋ တၢ်ရဲၢ်တၢ်ကျဲၤတဖၣ်အံၤ မ့ၢ်တၢ်လၢ ပှၤတဖၣ်လၢ အိၣ်ဒီး Medicaid ဒီး Medicare ခံမံၤလၢာ်အဂီၢ်န့ၣ်လီၤႋ ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ ဟ့ၣ်အါထီၣ်တၢ်မၤစၢၤအဂၤ လၢပှၤတဖၣ်လၢ လိၣ်ဘၣ်တၢ်ကွၢ်ထွဲတၢ်အိၣ်ဆူၣ်အိၣ်ချ့အသဘံၣ်ဘုၣ်ဒီးကျိၣ်စ့တၢ်ဟဲနုာ်စှၤ အဂီၢ်န့ၣ်လီၤႋ ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ ပာ်ဃုာ်စ့ၢ်ကီးဒီးတၢ်မၤသကိးတၢ်ကူစါကွၢ်ထွဲန့ၣ်လီၤ. တၢ်န့ၣ် မ့ၢ်တၢ်အညီလၢကရဲၣ်ကျဲၤလိာ်သးဒီးကသံၣ်သရၣ်တဖၣ်ဒီး ကသံၣ်သရၣ်လီၤဆီတဖၣ် အါဒံအါဂၤ န့ၣ်လီၤႋ အါစုအါဘျီ ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ ဟ့ၣ်ထီၣ်စ့ၢ်ကီး တၢ်န့ၢ်ဘျုးအါထီၣ်အဂၤတဖၣ် ဒ်အမ့ၢ် တၢ်ဒိးကွၢ်မဲာ်တၢ်ထံၣ် မဲဂ့ၢ်၀ီ ဒီးတၢ်နၢ်ဟူ အတၢ်အုၣ်ကီၤ န့ၣ်လီၤႋ* မ့ၢ်တၢ်လၢအအုၣ်ကီၤလုၢ်ဘၢကွၢ်ထွဲစၢၤဘၣ် ပှၤအါဒံအါဂၤ လၢ အတၢ်တအိၣ်တယၢၤ မ့တမ့ၢ် ဟ့ၣ်၀ဲအပှ့ၤတန့ၢ်ဘၣ် အဂီၢ်န့ၣ်လီၤႋ

ကွၢ်အါထီၣ်တၢ်ဂ့ၢ်ဘၣ်ဃးဒီး တၢ်န့ၢ်ဘျုးအါထီၣ်အဂၤ လၢနမၤန့ၢ်ဃုာ်အီၤလၢဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ တခါသ့န့ၣ်လီၤႋ

Medicare အကူာ် D မ့ၢ်မနုၤလဲၣ် ဒီးအုၣ်ကီၤလုၢ်ဘၢတၢ်မနုၤလဲၣ်ႋ

Medicare အကူာ် D အုၣ်ကီၤလုၢ်ဘၢ ဂံၢ်ခီၣ်ထံး ကသံၣ်ထံလဲအကသံၣ်ကသီတဖၣ် တလၢကွံာ်ပှၤတဖၣ်လၢ ဘၣ်တၢ်အုၣ်ကီၤလုၢ်ဘၢအီၤလံလၢ Medicare အကူာ် A ဒီး B န့ၣ်လီၤႋ ကျဲအိၣ်လၢကဒိးန့ၢ်ဘၣ် ကသံၣ်ကသီအတၢ်အုၣ်ကီၤလၢ တၢ်ရဲၣ်တၢ်ကျဲၤ အကူာ် D တခါစုာ်အအိၣ်သ့န့ၣ်လီၤႋ ဘၣ်ဆၣ် လၢကမၤညီထီၣ်တၢ်အဂီၢ် အါတက့ၢ် Medicare တၢ်ကဲဘျုး အဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ ပာ်ဃုာ်ဒီး ကသံၣ်ကသီအတၢ်အုၣ်ကီၤန့ၣ်လီၤႋ န့ၢ်မၤန့ၢ်ဘၣ် ကသံၣ်ကသီတမံၤလၢ်လၢ်လၢကသံၣ်ထံလဲန့ၣ် နကဘၣ်မၤလီၤတံၢ်လၢ နကသံၣ်ကသီတဖၣ် ဘၣ်တၢ်အုၣ်ကလီၤလုၢ်ဘၢအီၤခီဖျိ ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ တချုးလၢနဆဲးလီၤမံၤ န့ၣ်လီၤႋ

မၤလိနၢ်ပၢၢ်အါထီၣ်ဘၣ်ဃး ဆူၣ်ချ့ဂ့ၢ်၀ီအတၢ်ရဲၣ်တၢ်ကျဲၤကတြဲၤ အကသံၣ်ထံလဲအကသံၣ်ကသီတၢ်အုၣ်ကီၤလုၢ်ဘၢ တက့ၢ်ႋ

တၢ်န့ၢ်ဘျုး, တၢ်အက့ၢ်ဂီၤလီၤဆီဒီး/မ့တမ့ၢ် တၢ်ပိးတၢ်လီလီၤဆီလိာ်သးတဖၣ်ခီဖျိတၢ်တိာ်ကျဲၤ/လီၢ်ကဝီၤန့ၣ်လီၤ. တၢ်စူးကါတၢ်ပာ်ပနီၣ်ဒီးတၢ်ပာ်ကပာ်ကွံာ်တဖၣ်.