လဲၤလဲၤပတာ်ဆူ တၢ်ဂ့ၢ်ခိၣ်တီမိၢ်ပှၢ်
တၢ်ဂ့ၢ်ခိၣ်တီမိၢ်ပှၢ်

MinnesotaCare (Medicaid) ပှၤတဝၢတၢ်တိာ်ကျဲၤ - MinnesotaCare ဝီၢ်သြဲတဖၣ်

A

  • တၢ်နဲၣ်ကျဲၤတီၢ်ထီ

    တၢ်နဲၣ်ကျဲၤတီၢ်ထီပာ်ထီၣ်နတၢ်ဃုထၢတဖၣ် လၢဆူၣ်ချ့တၢ်ကွၢ်ထွဲအဂီၢ်ဆူတၢ်ကွဲးန့ၣ်လီၤ. တၢ်အံၤန့ၣ်ကဲထီၣ်၀ဲတၢ်မၤစၢၤ ဖဲနဆဲၤကျၢဆဲးကျိးနတၢ်ဆၢဒိးန့ၢ်ဘၣ်တၢ်တဖၣ်တသ့အခါန့ၣ်လီၤ.

  • တၢ်ပတံသကွံာ်ကညး

    ကျဲၤလၢနဂီၢ်လၢနကတၤတၢ်လၢ ပတၢ်မၤတဖၣ် မ့မ့ၢ် နဆိကမိၣ်၀ဲလၢပမၤကမၢ်တၢ်န့ၣ်လီၤ. နသံကွၢ်ပှၤသ့၀ဲဒ်သိးကဆီတလဲတၢ်အုၣ်ကီၤစ့မၤစၢၤတၢ်ဆၢတဲာ်တၢ် ခီဖျိတြံာ် တၢ်ပတံသကွံာ်ကညး လၢ တၢ်ကွဲး မ့တမ့ၢ် ထးခိၣ်တၢ်ကတိၤသ့န့ၣ်လီၤ. 

  • လံာ်ပတံထီၣ်တၢ်

    တၢ်ဃ့ထီၣ်တၢ်လၢအဖိးသဲစးလၢတၢ်န့ၢ်ဘျုးတဖၣ်အဂီၢ်လၢအဘၣ်တၢ်မၤအီၤဆူခၢၣ်စးကရၢ လၢ တၢ်ကွဲး ဒီး တၢ်ဆဲးလီၤစုမံၤ ခီဖျိပှၤပတံထီၣ်တၢ် မ့တမ့ၢ်ပှၤတဂၤဂၤလၢ အမၤတၢ်ခၢၣ်စး လၢ ပှၤပတံထီၣ်တၢ်အလီၢ်န့ၣ်လီၤ. လံာ်ပတံထီၣ်တၢ်န့ၣ်ကဘၣ်တၢ်ဒိးန့ၢ်အီၤခီဖျိလီပရၢ,လီတဲစိ,စဲးကွဲးဒိဆှၢလံာ်,လၢနီၢ်ကစၢ်ဒၣ်၀ဲ, မ့တမ့ၢ် လၢလီမ့ၣ်န့ၣ်လီၤ.

E

  • ဂ့ၢ်ဂီၢ်အူ

    တၢ်ကူစါယါဘျါဂ့ၢ်ဂီၢ်အူန့ၣ်မ့ၢ်၀ဲဖဲနၤ, မ့တမ့ၢ် ပှၤအဂၤတဂၤဃုာ်ဒီး တၢ်သ့ၣ်ညါအိၣ်ညီနုၢ်ဘၣ်ဃးဆူၣ်ချ့ဒီးကသံၣ်ကသီ, နာ်၀ဲလၢ နအိၣ်ဒီးတၢ်ဆူးတၢ်ဆါအပနီၣ်လၢအလိၣ်ဘၣ်တၢ်ကူစါယါဘျါတၢ်ကဟုကယာ်တဘျီဃီ ဒ်သိး ကဒီသဒၢတၢ်သံ, တၢ်လီၤမၢ်နီၢ်ခိနီၢ်ကစၢ်အကူာ်အက့, မ့တမ့ၢ် တၢ်လီၤမၢ် နီၢ်ခိနီၢ်ကစၢ်အကူာ်အက့တၢ်မၤကျိၤကျဲၤတဖၣ် မ့တမ့ၢ် ကကဲထီၣ်၀ဲနီၢ်ခိ မ့တမ့ၢ် နီၢ်သးတၢ်ဘၣ်ဒိ လၢအနးမးန့ၣ်လီၤ. တၢ်ကူစါယါဘျါတၢ်ဆါအပနီၣ်တဖၣ်န့ၣ်ကမ့ၢ်၀ဲတၢ်ဘၣ်ဒိဘၣ်ထံးလၢလီၤဘၣ်ယိၣ်၀ဲ မ့တမ့ၢ် တၢ်ဆါလၢအနး၀ဲန့ၣ်လီၤ. တၢ်အံၤန့ၣ်ဘၣ်တၢ်ကိးအီၤစ့ၢ်ကီးလၢဂ့ၢ်ဂီၢ်အူတၢ်ကူစါယါဘျါတၢ်အိၣ်သးန့ၣ်လီၤ.

  • ဂ့ၢ်ဂီၢ်အူဒၢး

    ဂ့ၢ်ဂီၢ်အူဒၢးတဖၣ် (ERs) န့ၣ်မ့ၢ်၀ဲ လၢ တၢ်ဘၣ်ဒိဘၣ်ထံးမိၢ်ပှၢ်တဖၣ် အဂီၢ် မ့တမ့ၢ် တၢ်ဆူးတၢ်ဆါသတူၢ်ကလာ်တဖၣ်လၢ အအိၣ်ဒီးတၢ်ဘၣ်ယိၣ်လၢသးသမူအဂီၢ် ဒီး လိၣ်ဘၣ်၀ဲတၢ်ကူစါယါဘျါတၢ်ကွၢ်ထွဲတဘျီဃီန့ၣ်လီၤ. လၢဂ့ၢ်ဂီၢ်အူအပူၤန့ၣ်,နကြၢးဆဲးကျိး911 မ့တမ့ၢ် လဲၤဆူ ER တဘျီဃီန့ၣ်တက့ၢ်.

F

  • တၢ်လီတၢ်၀့ၤ

    တၢ်ပညိၣ်လၢအပှဲၤဒီးသးသဟီၣ်ဒ်သိးကဒိးန့ၢ်တၢ်န့ၢ်ဘျုးတဖၣ် မ့တမ့ၢ် တၢ်ဟ့ၣ်အဘူးအလဲတဖၣ်လၢ တကြၢး၀ဲဘၣ်၀ဲ တဖၣ်အဂီၢ်န့ၣ်လီၤ.

G

  • တၢ်ကအုကစွါ

    တၢ်ကအုကစွါလၢ နမၤဘၣ်ဃးဒီးပှၤ မ့တမ့ၢ်ပပှာ်ဘျးစဲပှၤမၤစၢၤဖံးမၤတၢ်တဖၣ်အကျါတဂၤ မ့တမ့ၢ် ကသံၣ်ကျးတဖၣ်အကျါတမံၤန့ၣ်လီၤ. တၢ်အံၤန့ၣ်ပၣ်ဃုာ်ဒီးတၢ်ကအုကစွါ ဘၣ်ဃးတၢ်အကံၢ်အစီဘၣ်ဃးဒီးနတၢ်ကွၢ်ထွဲန့ၣ်လီၤ.

H

  • တၢ်စံၣ်ညီၣ်ဒိကနၣ်တၢ်

    တၢ်စံၣ်ညီၣ်ဒိကနၣ်တၢ်မ့ၢ်၀ဲဖဲနသံကွၢ်နဆူၣ်ချ့တၢ်ရဲၣ်တၢ်ကျဲၤဒ်သိးကကွၢ်ကဒါက့ၤနသဲစးတၢ်ဂ့ၢ်ဖဲ နတၢ်တိာ်ကျဲၤသမၢဂ့ၢ်လိာ်နတၢ်ပတံသကွံာ်ကညး၀ံၤအလီၢ်ခံန့ၣ်လီၤ.

I

  • ပှၤဆါထီၣ်အိၣ်တၢ်ဆါဟံၣ်အတၢ်အိၣ်လၢတၢ်ဆါဟံၣ်

    တၢ်အိၣ်လၢတၢ်ဆါဟံၣ်အပူၤ မ့တမ့ၢ် လၢ တၢ်ကူစါယါဘျါတၢ်လီၢ်ခၢၣ်သး လၢ အယံာ်၀ဲညီနုာ် 24 နၣ်ရံၣ် မ့တမ့ၢ် အါန့ၣ်အ၀ဲန့ၣ်န့ၣ်လီၤ.

L

  • စရီဘၣ်ဃးကသံၣ်ကသီလၢဘၣ်တၢ်ဟ့ၣ်ဃာ်စ့ (LOCD)

    စရီဘၣ်ဃးကသံၣ်လၢတၢ်မၤလိာ်အီၤလၢတၢ်အၢၣ်လီၤတူၢ်လိာ် န့ၣ်ဘၣ်တၢ်အၢၣ်လီၤတူၢ်လိာ်ခီဖျိ Minnesota ဟံၣ်ဃီတၢ်ရ့လိာ်မၤသကိးတၢ်တၢ်တိစၢၤမၤစၢးတဖၣ်တၢ်ပၢတၢ်ဆှၢန့ၣ်လီၤ.

M

  • ကရူၢ်ဖိ

    ပှၤတဂၤလၢအဒိးန့ၢ်တၢ်တိစၢၤမၤစၢၤတဖၣ်ခီဖျိတၢ်ရဲၣ်တၢ်ကျဲၤလီၤတံၢ်, လၢအမ့ၢ် Minnesota ဆူၣ်ချ့တၢ်ကွၢ်ထွဲတၢ်ရဲၣ်တၢ်ကျဲၤ မ့တမ့ၢ် Medicare န့ၣ်လီၤ.

  • Minnesota ဆူၣ်ချ့တၢ်မၤစၢၤ

    Minnesota ဆူၣ်ချ့တၢ်မၤစၢၤ မ့ၢ်ဝဲ Minnesota ကီၣ်စဲၣ်အဆူၣ်ချ့တၢ်ကွၢ်ထွဲတၢ်ရဲၣ်တၢ်ကျဲၤအဒိၣ်ကတၢၢ်တမံၤ ဒီးမၤစၢၤဖိသၣ်ဒီးဟံၣ်ဃီတဖၣ်, ပိာ်မုၣ်လၢအဒၢတဖၣ်, ပှၤဒိၣ်တုာ်ခိၣ်ပှဲၤတဖၣ်လၢအဖိတအိၣ်, ပှၤသးပှၢ်တဖၣ် ဒီးပှၤမဲာ်ဘျီၣ်တဖၣ် မ့တမ့ၢ်ပှၤလၢအိၣ်ဒီးနီၢ်ခိက့ၢ်ဂီၤတလၢပှဲၤတဖၣ်န့ၣ်လီၤ. အဝဲန့ၣ်မ့ၢ်ဝဲ Minnesota အ Medicaid တၢ်ရဲၣ်တၢ်ကျဲၤ လၢပှၤလၢအစ့ဟဲနုာ်စှၤတဖၣ်အဂီၢ်န့ၣ်လီၤ. 

    လၢတၢ်ကစီၣ်ဂ့ၢ်ကျိၤအဂၤတဖၣ်အဂီၢ်, လဲၤကွၢ် https://mn.gov/dhs/people-we-serve/adults/health-care/health-care-programs/programs-and-services/medical-assistance.jsp တက့ၢ်.

O

  • တၢ်တိစၢၤမၤစၢၤတဖၣ် လၢပှၤဆါလၢတထီၣ်တၢ်ဆါဟံၣ်အဂီၢ်လၢတၢ်ဆါဟံၣ်

    တၢ်တိစၢၤမၤစၢၤတဖၣ်လၢဘၣ်တၢ်ဟ့ၣ်ထီၣ်လၢတၢ်ဆါဟံၣ် မ့တမ့ၢ် ပှၤဆါလၢတထီၣ်တၢ်ဆါဟံၣ်အဂီၢ်လၢတၢ်ဆါဟံၣ်တၢ်ပီးတၢ်လီလၢအတအိၣ်လၢ တၢ်ကွၢ်ထွဲပှၤဆါထီၣ်အိၣ်တၢ်ဆါဟံၣ်အပတီၢ်တဖၣ်အဂီၢ်ဘၣ်န့ၣ်လီၤ. တၢ်တိစၢၤမၤစၢၤတၢ်တဖၣ်အံၤန့ၣ် နဒိးန့ၢ်၀ဲသ့စ့ၢ်ကီးလၢ နတၢ်ဟ့ၣ်ကသံၣ်ဒၢး မ့တမ့ၢ် ဆူၣ်ချ့တၢ်ပီးတၢ်လီအဂၤတဖၣ်န့ၣ်လီၤ. 

P

  • ပှၤကွၢ်ထွဲဖံးမၤတၢ်မိၢ်ပှၢ် (PCP)

    နပှၤကွၢ်ထွဲဖံးမၤတၢ်မိၢ်ပှၢ် (PCP) န့ၣ်မ့ၢ်၀ဲကသံၣ်သရၣ် မ့တမ့ၢ် ဆူၣ်ချ့တၢ်ကွၢ်ထွဲပှၤမၤစၢၤဖံးမၤတၢ်လၢအတုၤထီၣ်ထီၣ်ဘးအဂၤတဖၣ် လၢ နထံၣ်ဖဲ နတၢ်ကွၢ်ထွဲမိၢ်ပှၢ်တၢ်ဟ့ၣ်ကသံၣ်ဒၢးန့ၣ်လီၤ. ပှၤတဂၤအံၤန့ၣ် ကပၢဆှၢရဲၣ်ကျဲၤနဆူၣ်ချ့တၢ်ကွၢ်ထွဲန့ၣ်လီၤ. 

  • ပှၤမၤစၢၤဖံးမၤတၢ်

    ဆူၣ်ချ့တၢ်ကွၢ်ထွဲပှၤစဲၣ်နီၤလၢအတုၤထီၣ်ထီၣ်ဘး မ့တမ့ၢ် တၢ်ပီးတၢ်လီလၢဘၣ်တၢ်အၢၣ်လီၤတူၢ်လိာ်လၢကီၢ်စဲၣ်တၢ်သိၣ်တၢ်ဘျၢအဖီလာ်ဒ်သိးကဟ့ၣ်ထီၣ်ဆူၣ်ချ့တၢ်ကွၢ်ထွဲန့ၣ်လီၤ. 

R

  • တၢ်ပာ်ပနီၣ်ကဒါက့ၤ

    တၢ်ကွၢ်ကဒါက့ၤဘၣ်ဆၢဘၣ်ကတီၢ် ဘၣ်ဃးနဟံၣ်ဖိဃီဖိအစ့ဟဲနုာ်ဒီးတၢ်ကြၢးတၢ်ဘၣ်. ဖဲတၢ်ပာ်ပနီၣ်ကဒါက့ၤတၢ်အဆၢကတီၢ်န့ၣ်, ဘၣ်တၢ်သ့ၣ်ညါအီၤဒ်တၢ်က့ၤမၤသီထီၣ်က့ၤ, နကဘၣ်ဟ့ၣ်ထီၣ်တၢ်အုၣ်သး ဘၣ်ဃးခ့ခါစ့ဟဲနုာ်ဒီးတၢ်အိၣ်တၢ်ဆိးဖိးသဲစး လၢကီၢ်တဘ့ၣ်အပူၤ ဒ်သိးကမၤလီၤတံၢ်နတၢ်ကြၢးတၢ်ဘၣ်တဖၣ်န့ၣ်လီၤ.

S

  • တၢ်ရ့လိာ်မုာ်လိာ်တၢ်လိၣ်ဘၣ်တဖၣ်

    တၢ်လိၣ်ဘၣ်လၢအဘၣ်တၢ်ပာ်ဖျါထီၣ်အီၤအဂ့ၤကတၢၢ် ခီဖျိတၢ်အိၣ်ယၢၤတဖၣ် လၢအအိၣ်လၢပှၤတ၀ၢအချၢန့ၣ်လီၤ. နကရူၢ်ဖိတၢ်တိစၢၤမၤစၢၤတဖၣ်ပီၢ်ရီၢ်န့ၣ် မၤစၢၤနတၢ်ဒိးန့ၢ်တၢ်တိစၢၤမၤစၢၤတဖၣ် လၢအကပာ်ဖျါထီၣ်တၢ်ဂ့ၢ် လၢနတၢ်ရ့လိာ်မုာ်လိာ်တၢ်လိၣ်ဘၣ်တဖၣ်သ့န့ၣ်လီၤ.

  • ကသံၣ်သရၣ်ကူၣ်သ့စဲၣ်နီၤ

    ကသံၣ်သရၣ်လၢအဟ့ၣ်ထီၣ်ဆူၣ်ချ့တၢ်ကွၢ်ထွဲလၢ တၢ်ဆူးတၢ်ဆါလၢအလီၤဆီ၀ဲ မ့တမ့ၢ် နီၢ်ကစၢ်အကူာ်အက့န့ၣ်လီၤ. 

  • ကီၢ်စဲၣ်ပတံသကွံာ်ကညး (တၢ်စံၣ်ညီၣ်ဒိကနၣ်တၢ်လၢတကွၢ်မဲာ်တၢ်အပူၤဃုာ်ဒီးကီၢ်စဲၣ်) -

    တၢ်စံၣ်ညီၣ်ဒိကနၣ်တၢ် ဖဲကီၢ်စဲၣ်ဒ်သိးကကွၢ်ကဒါက့ၤတၢ်ဆၢတဲာ် လၢအဘၣ်တၢ်မၤအီၤလၢပှၤန့ၣ်လီၤ. နကဘၣ်ဃ့ထီၣ်တၢ်လၢလံာ်တၢ်ကွဲးန့ၣ်လီၤ. နပှၤမၤစၢၤဖံးမၤတၢ်ကဃ့ထီၣ်ကီၢ်စဲၣ်တၢ်ပတံသကွံာ်ကညး ဃုာ်ဒီးနတၢ်ကွဲးအၢၣ်လီၤဟ့ၣ်အခွဲးန့ၣ်လီၤ. နဃ့ထီၣ်၀ဲတၢ်စံၣ်ညီၣ်ဒိကနၣ်တၢ်သ့၀ဲ မ့မ့ၢ် နတတူၢ်လိာ်ဃုာ်ဒီးတၢ်သ့ၣ်တဖၣ်လၢ အဘၣ်တၢ်ပာ်ဖျါလၢအဖီလာ်န့ၣ်လီၤ- 

    • တၢ်သမၢကွံာ်, တၢ်မၤကတၢၢ်ကွံာ် မ့တမ့ၢ် တၢ်မၤစှၤလီၤတၢ်တိစၢၤမၤစၢၤတဖၣ်
    • တၢ်ဆဲးလီၤမံၤလၢတၢ်တိာ်ကျဲၤအပူၤ
    • တၢ်သမၢကွံာ် တၢ်ဃ့က့ၤစ့တကူာ် မ့တမ့ၢ်စ့ခဲလၢာ် လၢတၢ်တိစၢၤမၤစၢၤအဂီၢ်
    • ပမၤတၢ်တထီၣ်ဘး လၢ တၢ်ဆၢကတီၢ်အပနိတဖၣ်လၢအလိၣ်ဘၣ်အပူၤ လၢတၢ်ဟ့ၣ်စိဟ့ၣ်ကမီၤ ဒီးတၢ်ပတံသကွံာ်ကညးအဆိတဖၣ်
    • တၢ်ဖံးမၤအဂၤတဖၣ်

U

  • ဂ့ၢ်ဂီၢ်အူတၢ်အံးထွဲကွၢ်ထွဲလီၢ်ခၢၣ်သးတဖၣ်

    နစူးကါ၀ဲလီၢ်ခၢၣ်သးတဖၣ်အံၤသ့၀ဲ ဖဲသးမူအဂီၢ်တၢ်ဘၣ်ယိၣ်တအိၣ်ဘၣ်အကတီၢ်န့ၣ်လီၤ. ဘၣ်ဆၣ်နမ့ၢ် အိၣ်တဆူၣ် မ့တမ့ၢ် လိၣ်ဘၣ် ဆူၣ်ချ့ကသံၣ်ကသီတၢ်အံးထွဲကွၢ်ထွဲတကီၢ်ခါဒီး နပှၤမၤစၢၤဖံးမၤတၢ်မိၢ်ပှၢ် န့ၣ်တၢ်မၤန့ၢ်အီၤတသ့ဘၣ်အကတီၢ်န့ၣ်လီၤ. တၢ်ကွၢ်ထွဲလၢအလိၣ်မၤချ့ချ့လီၢ်ခၢၣ်သးတဖၣ်န့ၣ် ညီနုၢ်အိးထီၣ်၀ဲလၢဟါခီတဖၣ်ဒီးလၢ နွံကတၢၢ်အနံၤသဘျ့နံၤအိၣ်ဘှံးတဖၣ်န့ၣ်လီၤ.

V

  • တၢ်ကွၢ်ထွဲပှၤဆါလၢအ့ၣ်ထၢၣ်နဲးအလိၤ

    တၢ်ကွၢ်ထွဲပှၤဆါလၢအ့ၣ်ထၢၣ်နဲးအလိၤဒုးဘၣ်ထွဲလိာ်နၤဃုာ်ဒီးကသံၣ်သရၣ်လၢ တၢ်ဆၢကတီၢ်တပူၤဃီ ခီဖျိ လီတဲစိတီၤထီ မ့တမ့ၢ် ခီၣ်ဖၠူထၢၣ် လၢ တၢ်ကွၢ်ထွဲပှၤဆါလၢတမ့ၢ်ဂ့ၢ်ဂီၢ်အူန့ၣ်လီၤ.

က့ၤကဒါက့ၤဆူ လံာ်ကဘျံးပၤအဖီခိၣ်ကတၢၢ်

Powered by Translations.com GlobalLink OneLink SoftwarePowered By OneLink